RakursUz

"Вайб" энг кўп қўлланилган сўзлар орасида биринчи

"Грамота.ру" талқинига кўра, Россияда 2024 йилнинг энг кўп ишлатилган сўзлар учлигида "вайб", "скуф" ва "прилет" сўзлари кирган.

"Ёшлар мусиқий кечаларида ишлатиладиган "вайб" сўзи умумий муҳит ёки кайфиятни англатувчи атамага айланди", — дея таъкидлайди "Грамота.ру".

Шорт-листга, шунингдек "инсайт", "пов", "сап", "нормис", "нарратив", "абьюз", "аскеза" ва "осознанность" каби сўзлар ҳам киритилган.

Ўзбекистонда ҳам бу сўзлар ёшлар сленгида кўп қўлланилади. Фақат бунинг мониторинги йўқ. Бу ҳам аслида бир тадқиқот. Ўзбек тилига фаол кириб келаётган неологизмларни ўрганиш керак.

👉@RakursUz

Жуда катта тезликда ривожланаётган, барча соҳаларга кириб бораётган соҳа — бу сунъий идрок. Ёки халқаро терминологияга кўра AI (artificial intelligence). Бизда сунъий интеллект деб айтиляпти.

Кунига юзлаб AI дастурлари яратилар экан. Ҳозирга келиб, 3 мингга яқин сунъий интеллект лойиҳалари бор, дейди мутахассислар. Ўзбекистонда ҳам бу соҳага эътибор қаратганлар, сармоя тикиб, ривожлантираётганлар кўпайиб боряпти.

Бир гуруҳ ёшлар сунъий идрок ҳақида "Do'stim AI" лойиҳасини бошлашибди. Бу ерда сунъий интеллект ҳақида ахборот беришади, қизиқарли маълумотлар улашилади. Янги ва яхши йўналиш. Қўллаб-қувватлаймиз!

👉https://youtube.com/@dostim_ai

👉https://www.instagram.com/dostim.ai/

👉@RakursUz

2 йилдан бери Ўзбекистонда яшаб-ишлаётган спорт журналисти ва скаут Николай Егорычев ўзбек тили байрами муносабати билан пост ёзибди.

"Ўзбек тилини ўрганиш осон эмас, махсус курсга бориш керак. Лекин муҳим калит сўзлар, ибораларни ўрганиб, маиший даражада ўрганиб, тушунса бўлади", дейди у. Ўзбекчани тахминан 30 фоиз тушунишини айтади.

"Ўзбекистонда бу ерга кўчиб ўтаётганда ўзбек тилини ўрганишни қатъиян рад этган одамларга дуч келдим. Мен бундай одамларни тушунмайман. Ахир, тил шунчаки мулоқот воситаси. Қанчалик кўп тил билсангиз, шунча яхши", дейди у. (Адекват одамга хос мулоҳаза. Шу ерда туғилиб, ўрганишни истамайдиган, миллионта баҳонани рўкач қиладиганлар ҳақида нима деркан?!)

10 та севимли сўз ва ибораларини илова қилган. Гап йўқ!

Тилимизга ҳурмат ва жўяли мулоҳаза учун шу рус йигитга раҳмат!

👉@RakursUz

Йўлларда қурбон бўлаётган ўзбекистонликлар

Ўзбекистон йўлларидаги автоҳалокатларда ўлаётган одамлар ҳақида деярли ҳар куни ўқийсиз. Афсуски, бу кам эмас. Аламлиси, ватандан ташқарида ҳам аварияларда қурбон бўлаётган одамларимиз кам эмас. "Россия ёки Қозоғистондаги автоҳалокатда хорижликлар қурбон бўлди", мазмунидаги хабар чиқса, "Ўзбекистонликлармикан?", деган савол автоматик келадиган бўлди. Кечагина, 15 октябрь куни Қозоғистонда 6 ўзбекистонлик қурбон бўлди, бугун (20 октябрь) Домодедовода 5 ўзбекистонлик автоҳалокатдан ўлгани хабар қилинди. Энг ёмони, қиш келди, дегунча бундай хабарлар янада кўпаяди. Йил бошидан буён содир бўлган, Migrant.uz сайтида берилган фожиавий автоҳалокатлар хроникасини туздим, имкон қадар. Барчаси ўзбеклар иштирокида. Орада тушиб қолган хабарлар бўлиши мумкин.

🔻11 январь. Россиянинг Пенза вилоятидаги Урал федерал трассасида микроавтобус ва юк машинаси билан содир бўлган ЙТҲда 8 нафар ўзбекистонлик ҳалок бўлди...
→ https://migrant.uz/uz/penza-ya-inida-bir-necha-uzbekistonlik-alok-buldi/

🔻14 январь. Нижний Новгород вилоятида автобус ва юк машинаси тўқнашиб кетган. Бироз вақт ўтмай, уларнинг устига енгил машина келиб урилган. Натижада оғир юк машинаси ҳайдовчиси воқеа жойида вафот этган. Автобусда бўлган яна 11 нафар Ўзбекистон фуқаролари турли даражадаги тан жароҳатлари билан касалхонага ётқизилган.
→ https://migrant.uz/uz/yana-uzbekistonliklar-zhabrlandi-nizhnij-novgorod-ya-inida-avto-alokat-ruj-berdi/

🔻16 январь. Самара вилояти, Ставропольск районида “Lada Largus” русумли автомобили ва “Газель” русумли юк автомобили тўқнашиши оқибатида “Lada Largus” русумли автомобилида бўлган жами 7 нафар Ўзбекистон Республикаси фуқароларидан 3 нафари воқеа жойида вафот этган.
https://t.me/migrantuzb/8856

🔻3 апрель. Қозоғистондаги ЙТҲда 8 нафар ўзбекистонлик вафот этди
https://t.me/migrantuzb/9815

🔻28 июнь. Россиядаги автоҳалокатда ўзбекистонлик муҳожирлар вафот этди.
"Тойота" йўлнинг ҳаракатга қарши томонига чиқиб, катта тезликда юк машинасига урилган. Воқеа жойида 4 киши вафот этган
https://t.me/migrantuzb/10666

🔻1 сентябрь. Россиянинг Нижегородская области ҳудудида ЙТҲ оқибатида 7 нафар Ўзбекистон фуқароси воқеа жойида ҳалок бўлган.
(https://t.me/migrantuzb/11294)

🔻5 октябрь. Волгоградда ўзбекистонликлар автоҳалокатга учради
Волгоград вилоятида содир бўлган автоҳалокат оқибатида бир киши ҳалок бўлди, 13 нафар ўзбекистонлик турли даражада жароҳатланган, айримлари оғир аҳволда. Улар орасида 5 нафар ёш бола бор.
https://t.me/migrantuzb/11620

🔻15 октябрь. Қозоғистондаги автоҳалокатда 6 нафар ўзбекистонлик қурбон бўлди
https://t.me/migrantuzb/11678

🔻20 октябрь. Домодедовода автоҳалокат. 5 нафар ўзбекистонлик ҳалок бўлгани айтилмоқда.
https://t.me/migrantuzb/11720

Хроника шу ерда тугашини чин дилдан тилайман!

👉@RakursUz