RakursUz


Гео и язык канала: Узбекистан, Узбекский
Категория: Новости и СМИ


Jurnalist Muslim Mirzajonovning shaxsiy blogi
🎬 Youtube: https://www.youtube.com/c/RAKURSUZ/featured
Yangi kanal: @rakursuzb

Связанные каналы

Гео и язык канала
Узбекистан, Узбекский
Категория
Новости и СМИ
Статистика
Фильтр публикаций


Репост из: Human.uz | Rasmiy kanal
Видео недоступно для предпросмотра
Смотреть в Telegram
Эндиликда камералар ҳаракат вақтида хавфсизлик камаридан фойдаланмаган ҳайдовчиларни қайд этади

Маълумот ўрнида, қоидаларга кўра конструкциясида хавфсизлик камарлари назарда тутилган транспорт воситасини бошқараётган ҳайдовчи ва унинг олд ўриндиғидаги йўловчилар ҳаракатни бошлашдан олдин хавфсизлик камарларини тақиб олишлари шарт.

Каналга уланинг:👉@humanuzofficial


Ҳамма канал эгалари "сторис" қўйиш учун илтимосномалар ёзишибди. Бизга керакмас, овоз берманг! Инста, фейсбук ёки аккаунтдаги "сторис"ларам етади, нима дедингиз?!

👍- тўппа-тўғри
😝 - бопладингиз!
🧐- троллик қилманг, биродар!

👉@Rakursuzb


Репост из: Human.uz | Rasmiy kanal
Human.uz cайти раҳбари Х.Далиев ҳимоясига оид барча чоралар қўлланилади – таҳририят

Ўзбекистон Республикаси Олий суди Жамоатчилик билан алоқалар маркази раҳбари Азиз Абидов Kompromatuzb Telegram-канали билан боғлиқ жиноят иши юзасидан маълумот берди.

Унга кўра, Human.uz сайти раҳбари Х.Далиевга нисбатан Жиноят кодексининг 139-моддаси 2-қисми, 165-моддаси 3-қисми “а” банди, 25,165-моддаси 3-қисми “а” банди, 184-моддаси 3-қисми ва 243-моддаси билан айблов эълон қилингани ва бу иш жиноят ишлари бўйича Шайхонтоҳур туман судининг иш юритувига келиб тушгани, айни пайтда ушбу жиноят иши “E-XSUD” электрон ахборот тизими орқали судьялар ўртасида тақсимланиш жараёнида эканини хабар қилди.

Human.uz таҳририяти ушбу иш юзасидан Х.Далиевнинг ҳимоясига оид барча чоралар қўлланилишини маълум қилади. Ҳозирда мазкур ишда Х.Далиевни ишончли ҳимоя қилиш мақсадида юртимиздаги малакали адвокатлар жалб қилинган.

Шунингдек, ҳолат юзасидан барча оммавий ахборот воситалари ҳамда жамоатчиликдан айбсизлик презумпциясига амал қилишларини, турлича талқин қилмасликларини сўрайди.

Умид қиламизки, суд жараёнлари адолатли ва шаффоф тарзда ўтказилади.

Каналга уланинг:👉@humanuzofficial


Репост из: Yangi Rakurs
Яқин тарихда кредитга уй олиш мўъжизадек гап эди. Ё банкдан каттароқ танишинг бўлиши керак эди, яхши ойликли ишинг ёки олинадиган кредитдан кимгадир улуш беришинг керак бўларди. Бир неча бор бунга уриниб кўриб, талабларнинг ўзиданоқ шаштим тушиб, ниятимдан қайтган кунларим бўлган. Уям майли, эшигидан киришингни ўзи катта бир масала эди. “Мумкинмас” деган сўздан бошқасини билмайдиган қўриқлаш ходимини айтмаса ҳам бўлади. Лекин сўнгги 3-4 йилда вазият ўзгарди. Деярли ҳамма банкларда бу осон ва оддий жараёнга айланди. Чунки талаблар соддалашди, имкониятлар берила бошлади. Тўловга қобилиятингиз бўлса, бас, бемалол уй олиш мумкин.

Кеча “Қишлоққурилишбанк”да ўтказган матбуот анжуманида аҳолига ипотека кредитлари ажратилиши борасида амалга оширилаётган ишлар ҳақида сўз борди ва қатнашчилар, журналистлар шу ҳолатларни ҳам эслаб ўтишди.

Яхши томони, бу банк ҳозирда аҳолининг уй-жой харид қилиш билан боғлиқ эҳтиёжларини таъминлашга қаратилган ипотека кредитлари 4 та йўналишда беряпти:
-янги тартиб асосида бирламчи уй-жой бозорида квартира харид қилиш учун;
-аҳоли шахсий ер участкасида уй-жой қуриш ва қайта қуриш учун;
-намунавий лойиҳалар асосида қурилаётган арзон уй-жойлар учун;
-Ўзбекистон ипотекани қайта молиялаш компанияси маблағлари ҳисобидан уй-жой/квартира харид қилиш учун...

Вариантлар етарли. Батафсилроқ маълумотлар керак бўлса, шу линкдан ўқиб олишингиз мумкин.

👉@Rakursuzb


Репост из: Yangi Rakurs
"ТикТок" деган платформага кирсангиз (Ўзбекистондан блокланган, унга фақат VPN орқали кирилади), исталган мазмундаги видеоларга дуч келасиз. Бу ёғи ақлли алгоритм. Сиз қандай мазмундаги видеода кўпроқ "қолиб" кетсангиз, "варақлаганда" сизга ана шундай мазмундаги контентни ҳавола қилади. Буни биласиз.

Ўзбекча видеолар ҳақида нима дейиш мумкин? Дабдала! Фойдали контентларнинг фоизи жуда ҳам оз. Кўпи бачкана, бемаза видеопарчалар: сўкиниш, понт, ахлоқсизлик... Тўғри, истеъдодли ёш қўшиқчиларнинг тренд ашулалари, тарих, мотивация, спорт ҳақида ҳам контентлар кам эмас. Лекин етарли деб бўлмайди.

Кейин бу тармоқнинг ўз "звизда"лари бор. Уларнинг эркаликлари, бемаза қилиқлари, оғзидан чиқаётган гаплари. Даражамизга тутилган ойна, дейсиз.

Жонли эфирдаги "батл"лари алоҳида мавзу. 2-3 таси эфирда бир-бири билан беллашади. Уларнинг орасида унча-мунча таниқли актёру қизиқчилар ҳам бор. Томошабинлар уларни қўллаб-қувватлаш учун донат қилади(ҳисобига пул ташлайди). Улар эса бир-бирига шарт қўйиб синайди. Ҳақорату сўкинишлари эса... на ор, на ғурур, на уят бор эркагу аёлида...

Шартларини бир ўқинг: ашула айтиш, рақс тушиш, ҳайвонга ўхшаб овоз чиқариш ва ҳоказо...

Ва яна: соқолингни ол, сочингни қир, трусикангни ечиб (ва бошқасини ҳам) кўрсат, сийиб, сийдигингни ич ва бошқалар...

Минг бор узр, мен дуч келганларим бу. Балки бунданам баттарлари бўлиши мумкин. Ростданам ана шу шартларни пул учун бажаришяпти. Кап-катта хотинлар, йигиту қизлар шундайин шармандагарчиликлар билан банд. Уларни рағбатлантирувчилар, томошаталаблар ҳам ўзимизни қоракўзлар. Мусофирчиликда ишлаб топган пулларининг бир- икки сўмини Чингизу денгизига тикади, "қафасдаги маймунлар"ни уриштириб, томоша қилади. Мароқли томоша. Ҳамма хурсанд, ҳамма шод.

Ҳали бу блокдаги тармоқ! Ва блок билан иш битмаслигини ҳам аввалдан билардик, исботланяпти ҳам. Нега бундай бўлаяпти? Бу табиий жараёнми ёки бой берилган нималарнингдир бадалими? Бу ўткинчими? Ўтмаса, нима бўлади? Саволлар жуда кўп. Социалогик тадқиқотлар, сўровномалар, изланишлар қилмай туриб, бунинг "юки", фойдаю зарарини баҳолаш мушкул.

Айни шундай ижтимоий жараёнларга ақли етадиган социологлар, психологларнинг фикри бўлса, бажону дил ўқиган бўлардим...

👉@RakursUzb


Репост из: Yangi Rakurs
Видео недоступно для предпросмотра
Смотреть в Telegram
Қўшиқни қўшиқ қиладиган - бу сўз, яъни шеър. Бу ғоя дегани. Агар қўшиққа ижтимоий вазифа юкламоқчи бўлса, албатта шеърга урғу берилади. Лекин ҳозир ўзбек шоу-бизнесида критерийлар жуда ғариблашиб кетган. Уларга сўзмас, "фишка" керак. Одамни тилига ўтириб қоладиган "паразит" нақорат. Қолгани муҳим эмас. Тўғри, мусиқанинг ўзи ҳам эстетик завқ улашиши мумкин. Лекин умрбоқийлик барибир мазмунда. "Бос, бос, газига боос" деб ашула айтиб, дидни тарбиялаб бўладими?! Ҳаммамиз "рашк" деб биладиган сўзни шу ашулакашлар "рашқ"лаштириб юборди. Қўлига битта китоб, ҳеч бўлмаганда, ўзи учун керак бўладиган шеър китоб ушламагандан кейин ундан қанақа тузук қўшиқ кутиш мумкин?!

Озодбек Назарбеков шу лойиҳада яхши фикрларни айтди, талаблари тўғри. Санъаткорлар китоб, адабиёт ўқимаса, бачканалик, савиясизлик, дидсизлик "жадалаб" орқага кетади. Э, гапираман, деса гап кўп...

👉@RakursUzb


Репост из: Yangi Rakurs
"Буни қайтариб бермоқчиман”

Қадрли дўстлар, мен ҳозир бир нарсадан жуда таъсирландим. Хоразмлик ижодкор акамиз Отабек Исмоилов газета учун бир нарса ёзиб юборибдилар. Уни борича газетага беришдан олдин сизларга ҳам илингим келди. Гап шундаки, яқинда “ Ичан қалъа“ давлат музей-қўриқхонаси номига Германия давлатидан, фуқаро Капкиндан почта орқали жўнатма келибди. Конверт ичида мактуб билан бирга ҳажми ўрик данаги катталигидаги тош бўлаги ҳам бор экан. Синчиклаб қаралса, у юзаси мовий рангда сирланган кошин синиғи экан.

Мактубда инглиз тилида битилган қуйидаги сўзлар ёзилган экан. Таржимаси: “Мени кечирасиз. Мен бу тошни Калта минордан олган эдим. Буни қайтариб бермоқчиман.”

Бундан англашиладики, мактуб эгаси яқин орада турист сифатида Хива шаҳрида саёҳатда бўлган. Ичан қалъада сайр пайтида Калта минорадаги кошинларнинг биридан синиб тушган кичик парчасини эсдалик сифатида олиб кетган. Сайёҳ юртига қайтгач ўзининг қилган ишидан пушаймон бўлган, виждони қийналган.

Тасаввур қилишимизча , ҳеч кимдан рухсатсиз олгани туфайли ачинган ва балки шу кичкинагина кошин бўлакчаси қачонлардир минорани таъмирлашда зарур бўлиб қолса-чи, деган хаёлга борган бўлса ажаб эмас. .

Шу ўринда “ Бир кун туз еган жойга қирқ кун салом “ деган нақлларни қойиллатиб топадиган, аммо амал қилмайдиган биз қаёқдамизу, ҳеч қанақа амру маъруф, даъватларсиз ҳам тозаликни, ҳалолликни амалда исботлаётган немислар қаерда?

Тўйга борса, бола бақрасини ҳам етаклаб оборадиган, иложи бўлса, столга қўйилган егуликларни ҳам пакет топиб уйига опкетадиганлар, чет элга борса, меҳмонхонадаги айрим жиҳозларни ҳеч тап тортмай сумкасига тиқадиганлар, энди сал уялайлик.

Мақсуд Жонихонов, журналист

👉@RakursUzb


Репост из: Yangi Rakurs
🇫🇷Франция йўлларида кўрганларим:

-Йўллар жуда текис, равон;

-пиёдалар йўлакчаси аллақаерга бориб, тугаб қолмайди ёки кимнингдир ҳовлисига туташиб кетмайди;

👮‍♂️-биронта полиция ходими ёки ЙПХ ходими учрамайди;

-кўчалар кичкина, бироқ катта тирбандликлар йўқ;

-йўл чизиқлари ўчиб кетмаган, ҳаммаси аниқ-тиниқ кўринади;

-бирор бир ҳайдовчи сигнал чалмайди, хотиржам руль бошқаради;

-пиёдалар фақат белгиланган жойдан ўтади;

-ҳайдовчилар махсус белгиланган жойда турган одамни узоқдан кўриши билан тормозлайди, ўтказиб юборади, пиёдалар эса "меғси" дея бош силкиб, раҳмат айтишни унутмайди;

🚃-жамоат транспорти жуда яхши йўлга қўйилган. Шу учун одамлар учун шахсий автомобилдан кўра, жамоат транспортида юриш қулай, арзон;

-ёмғир кўп ёғса ҳам, бирон жойда кўлмак ёхуд сув йиғилган жой учрамайди;

🚴‍♂️-йўлларда велосипедчилар ва электрон самокатчиларга муаммо йўқ, ҳамма ўз йўлидан юради;

🚒-тез ёрдам машинаси ёхуд ўт ўчириш машининасини сирена чалиб келса, ўйлаб ўтирмай йўл очади.

👉@RakursUzb


Репост из: Yangi Rakurs
Видео недоступно для предпросмотра
Смотреть в Telegram
Ajoyib atmosfera. O'zbek kuy-qo'shiqlari yangrashi bilan pavilionda odamlar to'plana boshladi. Professional muloqotlar, bir xil rejimdagi tadbirlar ozgina zeriktirishi mumkin. Bu chiqishlar barchaga zo'r kayfiyat ulashdi. Milliy kiyimlarga, kashtachilik namunalariga ham qiziqish katta bo'ldi. Milliy madaniyat targ'iboti uchun yaxshi namoyish bo'ldi. Ayniqsa, lazgi va uning harakatlari haqida bir nechtasi kelib so'radi. Pavilion yoniga kelib, O'zbekiston yozuvini o'qib ketishdi...

👉https://t.me/RakursUzb


Репост из: Yangi Rakurs
🎬Xabaringiz bor shu kunlarda Fransiyaning Kann shahrida 76-Xalqaro Kann kinofestivali bo‘lib o‘tmoqda. 16-maydan 27-mayga qadar davom etadigan dunyoning eng mashhur festivalida O‘zbekiston ham Milliy pavilonini tikkan va u yerda O‘zbekiston kino sohasi salohiyati bilan bir qatorda boy milliy madaniyati, turizm hamda hamkorlik uchun yaratilgan keng imkoniyatlarini namoyish etmoqda.

Festival davomida ishtirokchilar namoyishlar, konferensiyalar, mahorat darslari va maxsus tadbirlarda qatnashishlari mumkin. Tanlov filmlari “Palais des Festivals et des Congrès”da namoyish etiladi, boshqa tadbirlar esa shahar atrofidagi turli joylarda va plyajda bo'lib o'tmoqda.

Kino bozori Kann kinofestivalining asosiy elementi bo‘lib, soha mutaxassislariga shartnomalar tuzish, yangi iste’dodlarni kashf etish va hamkorlikni yo‘lga qo‘yish uchun platforma taklif etadi. Bu yil bozor festival bilan parallel ravishda ishlaydi, bu esa butun dunyodagi xaridor va sotuvchilarga uchrashish va fikr almashish imkonini beradi.

Aytish kerakki, O‘zbekiston paviloni kino ixlosmandlari va mutaxassislarning doimiy e’tiborida bo‘lib turibdi. Festival davomida Kann xalqaro kinofestivalidagi O‘zbekiston Milliy paviloniga Fransiya, Nigeriya, Estoniya, Qozog‘iston kabi mamlakatlardan kelgan prodyuserlar uchun “My Dream Uzbekistan” nomli 7 ta lot taqdimoti bo‘lib o‘tdi.

Shuningdek, festivalda Davlar filarmoniyasining “Lazi” ansambli, baxshilar hamda hunarmand tadbirkor Mohira Sultonova o‘zining milliy hunarmandchilik namunalari bilan ishtirok etmoqda. Milliy kuy-qo’shiqlar, raqslar va baxshilarning chiqishlari tashrif buyuruvchilarning e’tiborini o’ziga jalb etmoqda.
Kann kinofestivali kino mutaxassislari va ixlosmandlari uchun albatta ko‘rishi kerak bo‘lgan tadbirdir. 1946-yildan beri u butun dunyodan asarlarni namoyish etadi va eng yaxshi filmlarni “Oltin palma yaprog‘i”, Gran-pri, hakamlar hay’ati mukofoti va boshqa ko‘plab mukofotlar bilan taqdirlaydi.

Bu yil hakamlar hay’ati raisi, xalqaro miqyosda mashhur shved rejissyori va ssenariy muallifi Ruben Östlund bo‘lib, uning “G‘am uchburchagi” (“Sans filtre”) filmi 2022-yilda “Maydon”dan keyin 2017-yilda ikkinchi “Oltin palma yaprog‘pini”ni qo‘lga kiritdi. Unga yetakchi kino arboblari bilan birga tanlovga topshirilgan filmlarni baholaydi va sovrindorlarni taqdirlaydi.

Festival filmlaridan tashqari, bir nechta parallel bo‘limlarda “Rejissorlarning ikki haftaligi”, “Tanqidchi haftasi” va “Aniq munosabat” kabi filmlarning ham namiyish etilmoqda.

Festival shuningdek, kino yulduzlari va taniqli shaxslarga prefilmlar va tantanali kechalarda qizil gilamdan o'tish imkoniyatini beradi. Fotosuratchilar va muxlislar ushbu jozibali lahzalarni suratga olish va festivalning hayajoniga sherik bo'lish uchun Kruazeda yig’ilishadi.

👉https://t.me/RakursUzb


Репост из: Yangi Rakurs
Астағфируллоҳ! Биз ўзбекларга нима бўляпти-а?!Кореяда истиқомат қилувчи 30 ёшли ўзбек аёли 4 ёшли ўғлини бўғиб ўлдирганлиги айтилмоқда. Маълумотларга кўра, қотилликка туғишдан кейинги депрессия сабаб сифатида айтилган. Аёл полицияга таслим бўлган. Кимни нимада айблашни ҳам билмайсан. Нимадир хато бизда. Афсус!

👉https://t.me/RakursUzb


Репост из: Human.uz | Rasmiy kanal
III Халқаро бахшичилик санъати фестивали номинация ғолиблари аниқланди

1-ўрин - Сариев Гарягди (Туркманистон)
1-ўрин - Саламат Аяпов
(Ўзбекистон Республикаси - Қорақалпоғистон)
1-ўрин - Сандан Арес (Россия)
1-ўрин - Рисбай Исаков
(Қирғизистон)
2-ўрин - Расулбек Абдурахмонов (Ўзбекистон)
2-ўрин - Нугзар Кавтарадзе (Грузия)
2-ўрин - Сарвар Сабри Камал (Ҳиндистон)
2-ўрин - Ярослав Дмитров Христов (Болгария)
3-ўрин - Дилмурод Гулмуродов (Ўзбекистон)
3-ўрин - Серик Жақсиқулов (Ўзбекистон)
3-ўрин - Эрдане Ват Есун (Монголия)
3-ўрин - Шин Жа Сун
(Корея)

III Халқаро бахшичилик санъати фестивали "Гран-при" соврини эса Илҳом Норов (Ўзбекистон)га тақдим этилди.

Халқаро бахшичилик фестивали ғолиблари:

"Гран-при" 7 минг доллар;
I ўрин 2500 доллар;
II ўрин 1750 доллар;
III ўрин 1250 доллар пул мукофоти билан тақдирланди.

Фотогалерея

Каналга уланинг:👉@humanuzofficial


Репост из: Yangi Rakurs
Мен бир азаматни биламан. "Грин карт" ютган, лекин бормаган. Бир одам келиб, дадасига машина таклиф қилиб, кетиш харажатларини ўзи кўтаришини айтади. Буям майли, қизимга уйланиб, уни ҳам олиб кетасан, деган. Фақат у ёқдаги топган пулингни менга жўнатасан, деган.😁 Йигит рад жавобини берган, АҚШга ҳам кетмаган. Ҳозир талаба.🥴 Кореяга кетмоқчи ўқигани. Кимлигини айтмайман. Тағин кўчада дўппослаб кетманглар! Воқеа Самарқанд вилоятида содир бўлган. "Римни алишмайман бедапоянгга", деган шу бўлса керак.😎

👉https://t.me/RakursUzb


Айтганча, бу каналдан чиқиб кетманглар. Ҳали уринишлар давом этяпти. Каналга админлик қила олмаяпман, холос. Иккаласига ҳам ёзиб тураман.


Репост из: Yangi Rakurs
Ассалому алайкум! Маълум бир сабабларга кўра, RakursUz каналимни "бой бердим". Майли, ҳар ишда бир ҳикмат, куйинмаймиз. Аввал айтганимдек, олдин канал очиш учун минглаб одамлар ойлаб заҳмат чекиб ишлаган бўлса, ҳозир бир одам 30 сонияда рисоладагидек канал "қазиб" қўя олади.😁 Лекин унинг юриб кетиши учун ойлаб, йиллаб ишлаш керак, бяғиям бор.

Энди шу ерда шахсий мулоҳазалар ва кузатувчилар билиши керак, деб ҳисоблаган маълумотларни улашиб бораман. Танлов ва обуна учун раҳмат!

👉https://t.me/RakursUzb


Репост из: Sof.uz | Соф хабарлар
Суд адолатсизлик қилди. Sof.uz курашишда давом этади

Хабарингиз бор, 2022 йилда Sof.uz интернет сайтида платформаларида эълон қилинган "Anorbank" ҳақидаги видеоматериал ортидан банк ишчанлик обрўсига путур етказадиган маълумотлар тарқатишда айблаб, судга берганди. 

Батафсил: https://sof.uz/fd3d

Энг сўнгги хабарларга обуна бўлинг: 👉
@sofuzb


Алвидо, устоз!
Мен бу одамни болаликда Бағдод телеканалидаги чиқишлари орқали таниганман. Кейинчалик янги очилган "Ёшлар" телеканалининг машҳур "Давр" информацион дастурида чиқа бошлаган. Дастурнинг энг гуллаган даврларида ишлади. Экран ортида ҳавас билан томоша қилардик. Шу инсонлар сабаб журналистикага ҳавас уйғонди. Йиллар ўтиб эса улар билан ана шу "Давр" дастурида бирга ишлаш насиб этди. Раҳбар сифатида ўта маданиятли ва талаби аниқ эди. Нимани талаб қилишни яхши биларди. Ўзини ҳеч қачон раҳбар сифатида кўрсатишга уринмас, амалларининг ўзи шу салобатни берарди.

Бунинг барчаси кенг дунёқараши, билими ва саводи сабабли эди. Адабиёт, санъат, сиёсат борасида нуктадон эди.

Ҳар бир гапни ўйлаб, вазминлик билан аниқ ва равон гапирарди. Ортиқча сўз демасди.

Афсус, энди устоз Соҳибжон ака Алижоновни "эди" деб ёзишга мажбурман. Жойингиз жаннатда бўлсин, Соҳибжон ака!

@RakursUz


Терма жамоадан голи сериялар билан етиб келган Элдор Шомуродов "Специя" таркибида узоқ кутилган голни урди. Айтиш керакки, жуда кам имконият бўляпти Шомага. Ижодкор, яхши пас амалга оширадиган плеймейкерлар етишмаяпти. Бу ўйинда ҳам кўп имконият бўлмади. Рақибнинг биргина хатосидан унумли фойдаланиб, дарвозани ишғол қилди. Ўзиям нозик дид ва ижро билан гол урди. Ажабмас, шу гол сабаб Элдорнинг ишлари юришиб кетса. Менга 336 мингдан зиёд Италия А сериясини ёритиб борувчи Lega Seria A аккаунтининг "Ajoyib gol, Eldor" дея ўзбекча табриклагани ёқди. Қойил!

👉@RakursUz👈


Репост из: Digital.uz
Видео недоступно для предпросмотра
Смотреть в Telegram
Raqamli texnologiyalar vazirligi tanlov e’lon qiladi

Raqamli texnologiyalar vazirligi jamoasi goʻzal yurtimizni yanada obod qilish maqsadida “Axlatni men tashlamadim, lekin yurtim meniki” chellenjini boshladi.

🔥 Maqsadimiz – bu xayrli harakatga koʻproq yoshlarni jalb qilib, Oʻzbekistonimizning tabiatini ozoda saqlash va “yashil makon” tashabbusiga oʻz hissamizni qoʻshishdir.

Chellenjga bagʻishlangan 10 ta eng yaxshi videorolik mualliflarining har biri noutbuk bilan mukofotlanadi.

Tanlovda ishtirok etish uchun tayyorlagan videolaringizni ijtimoiy tarmoqlarga joylang va https://t.me/yurtimizniobodqilaylikbot botga yuboring.

📝 Tanlov shartlari haqida batafsil: http://bit.ly/40cNKib

Eslatma: chellenj 15-aprelgacha davom etadi, soʻngra tahlillar natijasida gʻoliblar aniqlanadi.

Videoroliklarni topish oson boʻlishi uchun #yurtimizniobodqilaylik heshtegini qoʻyishingizni soʻraymiz.

Chellenjga qoʻshiling va uni ommalashtiring! Yurtimizni birgalikda obod qilaylik!

📌 Telegram|Twitter|Facebook|Instagram|Youtube


Репост из: Human.uz | Rasmiy kanal
Видео недоступно для предпросмотра
Смотреть в Telegram
"Буни кўриш жуда оғир бўлди" - Туркияда ош тарқатган ошпаз Баҳриддин Чустий билан суҳбат

Жорий йилнинг 6 февраль куни Туркия ва Сурияда содир бўлган кучли зилзила минглаб одамларнинг ёстиғини қуритди, уйлар вайрон бўлди, мамлакат катта иқтисодий зарар кўрди.

Сўнгги маълумотларга кўра, зилзилалар оқибатида 45 089 киши ҳалок бўлган, табиий офат зонасидан 1,9 миллиондан ортиқ фуқаро эвакуация қилинган, 115 мингдан ортиқ одам жароҳатланди, миллионлаб одамлар бошпанасидан айрилди. Ачинарлиси, бу рақамлар кундан-кунга ошиб бормоқда.

Турк қардошлар бошига тушган улкан мусибатга жаҳон жамоатчилиги томошабин бўлиб турмади. Шу жумладан, Ўзбекистон ҳукумати ҳам фожианинг илк кунлариданоқ ёрдамга тайёр эканини билдирди ва Президент топшириғига кўра, Фавқулодда вазиятлар вазирлигининг 100 кишидан иборат қидирув-қутқарув гуруҳи табиий офат ўчоғи, яъни Ҳатай вилоятига жўнатилди.

Вазирлик маълумотига кўра, 2 ҳафтадан кўпроқ давом етган қутқарув операцияси давомида ўзбекистонлик қутқарувчилар вайроналар остидан 18 нафар тирик одам ва 200 га яқин жасадларни олиб чиққан. Бундан ташқари махсус самолётларда гуманитар ёрдамлар юборилди.

Аҳамиятлиси, қардошларга оғир кунга ёрдам бериш акцияси кенг қулоч ёйди. Кўнгилли гуруҳлар ҳалокат ўчоқларида турли кўринишда ёрдам бермоқда. Жумладан, бир гуруҳ ошпазлар ва рестораторлар жамоаси ҳам бу хайрия тадбирларида фаол қатнашди.

Биз қарийб 10 кунлик хайрия тадбирларида иштирок этиб, ватанга қайтган машҳур ошпаз, ресторатор Бахриддин Чустий билан Туркия сафари хусусида суҳбатлашдик.

📹Тўлиқ видео:👉 https://youtu.be/aJNOmD8He_0

Каналга уланинг:👉@humanuzofficial

Показано 20 последних публикаций.

2 202

подписчиков
Статистика канала