G'ayratov | HuquqBro

"Navbatchi 15 sutka ortiq qoʻrqita olmaydi"

Ayrim blogerlarni quyidagi gapi endi oʻtmishda qoldi shekili:
"Odamlar xalqni muammosini gapir deydi, gapirib chiqsang xalq seni qoʻllab-quvvatlab ortingda turmaydi".
Bugun koʻryapmizki, xalq uni muammosini gapirib chiqqan fuqarosini himoya qilishga harakat qilayapti.

"Metan zapravka ishi" boʻyicha qamoq jazosi tayinlangan fuqaro uchun odamlar birlashib pul yegʻishyapti. Bir guruh advokatlar shikoyat kiritib, uni sudda himoya qilishga harakat qilayapti. Odamlar qamalgan fuqaroni uyiga oziq-ovqat, sovgʻalar yubormoqda. Oilasidan bayram kunlarida xabar olishmoqda. Albatta, jamoatchilikning bu masalaga alohida eʼtibor qaratishi odamni xursand qiladi.

Kimlarningdir xato qabul qilgan qarori, hukumatga qimmatga tushayapti.

P.s. Men koʻrgan kartalarga jami 60 mln soʻm atrofida yordam uchun pul toʻplangan edi.

@HuquqBro

Ommaviy yolgʻonlar zamonida haqiqatni aytish inqilobiy harakatdir.

©Jorj Oruell

@HuquqBro

Tergov sudyasi

2025 yil 1 yanvardan:

jinoyat ishlari bo‘yicha sudga qadar ish yurituv davrida protsessual qarorlarga sanksiya berish masalasi jinoyat ishlari bo‘yicha tuman, shahar sudlarida alohida sudyalar – tergov sudyalari tomonidan ko‘rib chiqilishi tartibi joriy etiladi;

jinoyat ishlari bo‘yicha tuman, shahar sudlarida tergov sudyasi lavozimi kiritiladi;

jinoyat ishlari bo‘yicha sudga qadar ish yurituv davrida tergov sudyasi tomonidan protsessual qarorlarga berilgan sanksiyalar faqatgina apellyatsiya instansiyasida Qoraqalpog‘iston Respublikasi sudi, viloyatlar va Toshkent shahar sudlari, O‘zbekiston Respublikasi harbiy sudi tomonidan yakka tartibda qayta ko‘rib chiqilishi tartibi belgilandi;

tergov sudyalariga ma’muriy huquqbuzarliklar to‘g‘risidagi ishlarni ko‘rib chiqish vakolati beriladi;

tergov sudyalari tomonidan ko‘rib chiqiladigan ma’muriy huquqbuzarlik to‘g‘risidagi ishlarni yuqori instansiyalarda qayta ko‘rib chiqishning amaldagi tartibi saqlab qolinadi.

@HuquqBro

Online qimor oʻyinlari

2025-yil 1-yanvardan boshlab O‘zbekiston Respublikasida Internet butunjahon axborot tarmog‘ida tavakkalchilikka asoslangan o‘yinlarni tashkil etish faoliyatini va bukmekerlik faoliyatini amalga oshirishga ruxsat etilgan.

@HuquqBro

Savdo-sanoat palatasiga a'zolik

Mikro, kichik va o‘rta tadbirkorlik subyektlari Savdo-sanoat palatasi a’zoligiga, a’zolik va kirish badallaridan ozod qilingan holda, tekin qabul qilinadi hamda qonunda nazarda tutilgan a’zolik bilan bog‘liq Palata xizmatlaridan to‘laqonli foydalanish huquqiga ega, Palata tomonidan ko‘rsatilishi mumkin bo‘lgan qo‘shimcha pullik xizmatlar bundan mustasno.

@HuquqBro

Rossiyada vaqtincha mehnat faoliyatini olib borayotgan hamyurtlarimiz uchun xabar

Rossiya Federasiyasi Prezidentining bugun imzolagan Farmoniga ko'ra Rossiyada noqonuniy bo'lib turgan chet el fuqarolari 2025 yilning 30 aprel sanasigacha mamlakatni tark etishi yoki huquqiy holatini tartibga solishi kerak.

Talab qonuniy ravishda qolishni istagan xorijliklarga nisbatan qo'llanilmaydi.

Vazirlar Mahkamasi huzuridagi Migrasiya agentligi 2025 yilning yanvar oyidan boshlab Rossiyada ishlab yurgan, ammo, hujjatlarida kamchiligi mavjud bo'lgan barcha yurtdoshlarimizga huquqiy, amaliy yordam ko'rsatishga tayyor. Bu masala bo'yicha alohida guruh faoliyat olib boradi.

Hujjatlarni rasmiylashtirish jarayonlari haqida qo'shimcha xabar beramiz.

Migratsiya agentligi.

@HuquqBro

Tergov qilish davomida aniqlangan kripto-aktivlarni olib qo'yish tartibi belgilandi

Kripto-aktivlar tergovga qadar tekshiruvni amalga oshirish va jinoyatlarni tergov qilish davomida xatlash, musodara qilish, yetkazilgan zararni qoplash uchun olib qo'yilishi hamda dalil sifatida e'tirof etilishi mumkin.

Kripto-aktivlar bilan bog'liq tergovga qadar tekshiruv va tergov harakatlarini o'tkazish kripto-aktivlar bilan ishlash ko'nikmalariga ega bo'lgan mutaxassislar ishtirokida amalga oshirilishi shart.

Quyidagi ma'lumotlar kripto-aktivlar bilan bog'liq huquqbuzarliklarga oid axborot manbalari bo'lishi mumkin, jumladan:

shubhali operatsiyalar to'g'risidagi xabarlar;

xizmatlar provayderlari va maynerlar tomonidan taqdim etilgan ma'lumotlar;

nazorat qiluvchi (litsenziyalovchi) organlarning ma'lumotlari;

ochiq axborot manbalaridan olingan ma'lumotlar.

Tergovga qadar tekshiruvni amalga oshirish va jinoyatlarni tergov qilish davomida kripto-aktivlar bilan bog'liq huquqbuzarliklarga oid ma'lumotlar va dalillar quyidagilarda aniqlanishi mumkin:

axborot tashuvchi qurilmalar;
kripto-hamyonlar;
qog'oz, bloknot yoki boshqa narsa va buyumlarda qayd etilgan qo'lyozma va yozuvlar.

Olib qo'yilgan, xatlangan va dalil sifatida e'tirof etilgan kripto-aktivlarning hisobi surishtiruv va dastlabki tergov organlari tomonidan yuritiladi.

@HuquqBro

Komil Allamjonovga nisbatan sodir etilgan suiqasd boʻyicha Ramzon Qodirov ham munosabat bildiribdi.

Qiziq ishlar boʻlayapti.

Raguza

Tarixda Raguza Respublikasida davlat boshligʻi har oy, boshqa lavozimdagilar har hafta, saroy komendanti har kuni almashib turgan.

@HuquqBro

Aldanib qolmang

Ijtimoiy tarmoqlarni aktiv kuzatib boraman. Oxirgi kunlarda Gaz, Svet, Metan va boshqa muammolar koʻtarilgan videolar ommalashib qoldi. Bundan tashqari odamlar toʻplanib mansabdorlardan nimanidir talab qilayotganligi aks etgan videolar ham tarqalmoqda. Videoni bir koʻrishda gap nima haqida ekanligini qachon, qayerda, kim tomonidan olinganligini ham bilib boʻlmaydi. Lekin, odamlar hissyotga berilib, bilmasdan turli mazmundagi izohlar yozib yotibdi. Ayrim izohlar anonim profillar tomonidan yozilgan.

Nima demoqchiman ?

Tushunmasdan, bilmasdan, anonim profillarga qoʻshilib turli izohlar yozishdan saqlaning. Internetda turli odamlar turli maqsadlarda oʻtiradi. Toʻgʻri muammo bor, lekin buni hal qilishni ham oʻz tartibi bor. Ijtimoiy tarmoqlarda turli qonunga zid izohlar yozish bu muammolarni hal qilmaydi. Aksincha, javobgarlikka sabab boʻlib, oʻz holatingizni ogʻirlashtirib qoʻyishi mumkin.

Izoh yozing. Bunga qarshi emasman, buni qoʻllab-quvvatlayman. Soʻz erkinligi bu. Lekin, izoh yozganda hissiyotga berilmang. Oʻzingiz va oilangizni ehtiyot qiling.

@HuquqBro

Texnomartga jarima qoʻllanildi

Raqobat qo‘mitasi tomonidan o‘tkazilgan monitoringlar natijasida reklama qonunchiligi buzilish holatlari aniqlangan:

“Texnomart” MCHJ telegram kanalida joylashtirilgan “Eng zo‘r taklif” mazmunidagi mobil telefonlar reklamalarida mahsulot narxi va to‘lov shartlari bo‘rttirib ko‘rsatilganligi aniqlangan.

Masalan, VIVO Y03 telefoni uchun 213 167 so‘m oylik to‘lov, HONOR X7b telefoni uchun esa 274 167 so‘m etib ko‘rsatilgan.

Qo‘mita tomonidan boshqa savdo do‘konlaridagi ushbu markali mobil telefonlar narxlari solishtirilganda, “Texnomart” MCHJ savdo do‘konlaridagi muddatli to‘lov narxlari nisbatan yuqoriligi kuzatilgan. Bundan tashqari, reklamada “eng”, “eng yaxshi” kabi orttiruvchi nisbatlar ishlatilgan, lekin bu da’volarni tasdiqlaydigan aniq dalillar taqdim etilmagan.

P.s. Qaysi savdo doʻkonlari bilan solishtirilganligi haqida ham ma'lumot berishganda yaxshi boʻlar edi.

@HuquqBro

Boʻldimmi orzudagi oʻgʻlingizdey ?

©Konsta

Kvartira sotib olishni reja qilib yurganlar uchun foydali ma'lumot

Shartnoma quruvchi kompaniya tomonidan tuzilganligi sabab kompaniya majburiyat va javobgarlikdan qochishga harakat qiladi.

Quyidagilar bilan tanishib chiqsangiz foydasi tegib qoladi:

Raqobat qo‘mitasiga ko‘p kvartirali uylar qurilishida iste'molchilarning huquqlari buzilishi yuzasidan 1700 ga yaqin murojaatlar kelib tushgan.

Ko‘rilgan choralar natijasida 20 mlrd so‘mga yaqin mablag‘lar iste’molchilar foydasiga qayta hisob-kitob qilingan.

Respublikadagi 129 ta quruvchi korxonalarning shartnomalari tahlil qilinganda quyidagilar aniqlandi:

80 foiz shartnomada quruvchi korxonalarga qayta hisob-kitob huquq ustuvorligi berilgan bo‘lsa, atigi 20 foizda har ikkala taraflarga mazkur huquqlar belgilangan;

58 foiz shartnomada ko‘rsatilgan umumiy maydon qurilishi yakuni bo‘yicha maydonlar orasida tafovut mavjud bo‘lganda qayta hisob-kitob huquqi belgilanmagan;

37 foiz shartnomalarda xonadon ichida amalga oshiriladigan qurilish ishlari to‘g‘risida majburiyatlar kiritilmagan;

18 foiz shartnomalarda quruvchi va iste’molchining huquq va majburiyatlari to‘g‘risida bandlar kiritilmagan;

39 foiz shartnomalarda qurilish obyektining topshirish muddati ko‘rsatilmagan;

51 foiz shartnomalarda qurilish topshirilishining har bir kechikkan kuni uchun quruvchi tomonidan to‘lanadigan penya belgilanmagan;

86 foiz shartnomalarda quruvchi va iste’molchi tomonidan shartnomani bekor qilishni talab qilish huquqi belgilangan, (shundan, 41 foizida shartnomani har ikkala tomonning manfaatlari ko‘zlangan bo‘lsa, 59 foizida faqatgina quruvchi korxonaning manfaatlari ko‘zda tutilgan) 14 foizida esa shartnomani bekor qilish to‘g‘risida band kiritilmagan.

Shuningdek, shartnoma tuzilgandan so‘ng, dastlabki to‘lov muddati 30 kundan oshmasligi qayd etilgan bo‘lsa, 74 foiz holatda shartnoma bir tomonlama bekor bo‘lganda xaridorga to‘lovni qaytarish muddati 30-180 kun va ayrimlarida esa 24 oydan 36 oygacha etib belgilangan;

84 foiz shartnomalarda xonadonni xaridor tomonidan qabul qilib olingandan so‘ng, quruvchi tomonidan unga kafolat muddati belgilanmagan;

Ya’ni kafolat muddati davomida xonadonda nuqsonlar aniqlansa, quruvchi tomonidan bartaraf etish majburiyati 82 foiz holatda belgilanmagan.

Uy-joy joy sotib olishda quyidagilarga e’tibor bering:

shartnoma shartlari bilan batafsil tanishib chiqing;

asosiy jihatlarni tekshiring (qurilish muddatlari, tomonlarning huquq va majburiyatlari, ularning o‘zaro mutanosibligi, qurilish va foydalanishga topshirish muddatlari, muddatlar yuzasidan javobgarlik nazarda tutilganligini tekshiring);

kompaniyaning ish tajribasi va quruvchining ishonchliligiga ishonch hosil qiling (elektron ro‘yxat va “Shaffof qurilish” tizimida mavjudligini ochiq manbalardan tekshirish mumkin);

to‘lovlarni faqat bank kassalari orqali amalga oshiring!

@HuquqBro