Dr_Axmadov blogi

Shu yerda qo'llanilgan dori vositalarini tahlil qilsak:

1.Askorbin kislota - vitamin guruhiga kiradi va antioksidant,kapillyar membranasini mustahkamlovchi, immunomodulyator ta'sirlari ham bor.

2.Deksametazon 0,4% 1,0 ml - steroid yallig'lanishga qarshi preparat. Ta'siri ham nojo'ya ta'siri ham anchagina katta mavzu.

3.Forfero 100mg/5ml - antianemik, temir preparati parenteral tomchilab qo'llash uchun mo'ljallangan.

4.Sikloferon (meglyumin akridonatsetat) 12,5 % 2,0 ml immunomodulyator,virusga qarshi, interferon sintezi induktorlari. Vena ichiga va mushak orasiga kiritish mumkin.

5.Droneyro(etilmetilpiridinol suksinat yoki meksidol) - 100mg/2ml - antioksidant va metabolik guruhiga mansub. Vena ichiga va mushak orasiga kiritish mumkin

Mana shu ekgning egasi haqida yozaman:

Bemor soat 11:30larda yurak sohasida og'riq bilan keldi. Og'riq qovirg'alarga va orqa tomon kurak sohasiga ham tarqaladi. Bemor yuzi azoblangan holatda.
Ertalab ham shunaqa og'riq bezovta qilgan va 1tab nitroglitserin til ostiga tashlagan, yengillashish sezgan.
Qon bosimi 120/70 ikkala qulda ham. TENOKS 5mg * 2mahal ichib yuradi. Qon suyultirishga Tromboass 75 mg.
Kechasi yaxshi uxlay olmagan.
Bemor ekg qilinganidan so'ng,
Baralgin 5,0 m/oga qilindi.
0,25 mg aspirin chaynadi.
1tab nitroglitserin til ostiga shimidi va kardiologga jo'natildi.
Bugun ko'rdim, kardiolog hech qanaqa muammo yo'q, dorilarni vaqtida ichib yuravering debdi.

Osteoporozni davolashda Azot saqlovchi bifosfonatlarning qo'llanilishi va tasir mexanizmlari (by DJ)

"Ushbu" maqolada osteoporoz nima ekanligi, klassifikatsiyasi, sabablari va diagnostika qilish usullari haqida gaplashgan edik. Bugun osteoporozni davolashda qo'llaniluvchi antirezorbtiv dorilar guruhi hisoblangan bifosfonatlar haqida malumot bermoqchiman

Bifosfonatlar 1990-yildan beri osteoporozni davolash uchun qo'llanib kelinmoqda, ular suyakda gidroksiapaptit bilan qattiq bog'lanadi va rezorbisyani kuchaytiruvchi suyak hujayralari - osteoklastlar faolligini susaytirib, apaptozini oshiradi. Quyida ularning mexanizmni bilan to'liqroq tanishamiz:

Bifosfonatlar tushilish jihatdan suyak mineralizatsiyasining tabiiy ingibitori pirofosfatga juda o'xshash bo'lganligi uchun suyak rezorbsiya jarayonida osteoklastlar tomonidan o'zlashtirib olinadi. Suyak rezorbsiyasi faol kechayotgan hududlarda o'zlashtirilgan bifosfonat manfiy zaryadga ega ekanligi tufayli suyak yuzasidagi musbat zaryadli gidoksiapatit kristallariga mahkam bog'lanadi. Bu bifosfonatlarning suyak to'qimasida uzoq yillar to'planishiga va mahaliy antirezorbtiv tasir ko'rsatishiga imkon yaratadi.

Antiresorbtiv tasiri - Bifosfonatlar rezorbsiya jarayonida muhum rol o'ynaydigan va xolesterin sintezi zanjirida (mevalonat yo'li) qatnashuvchi ferment farnezil pirofosfat sintaza (FPPS) ni ingibirlaydi. Natijada osteoklastlar ishlashi va yashab qolishi uchun muhum bo'lgan modda geranilgeranil pirofosfat (GGPP) kabi izoprenoidlar hosil bo'lish jarayoni buziladi va osteoklastlar apaptozga uchraydi.

Turlari va samaradorligi:
Osteoporozni davolashda 4xil bifosfonat: alendronat, risedronat, ibandronat va zoledronik kislota FDA tomonidan tasdiqlangan. Klinik tadqiqotlar natijasiga ko'ra umurtqa sinishlarini alendronat 50% ga, risedronat 40% ga va zoledronik kislota 70% ga, son va novertebral sinishlarni alendronat 30% ga, risedronat 40% ga va zoledronik kislota 35% ga kamaytirishi isbotlangan. Ibandronat umurtqa sinishlarini 50% ga kamaytirishi mumkin, ammo nonvertebral sinishlar riskini pasaytirmaydi.

Dozalash va savdodagi nomlari:
1) Alendronat - erkak va ayollarda osteoporozni davolash uchun peroral haftada 1 marta 1 tab 70mg dan buyuriladi, ayollarda osteoprozni profilaktikasi uchun esa haftada 1 marta 35 mg dan qo'llash mumkin
● O'zbekistonda savdo nomlari: Alendra, londromaks, alendronat kanon, alendronat-verteks

2) Risedronat - peroral haftada 1 marta 1 tab 35mg yoki oyiga 1 marta 1 tab 150 mg dan buyuriladi
○ Savdo nomi: Rizendros

3) Ibandronat - peroral oyiga 1 marta 150mg dan yoki 3 oyda 1 marta tomir ichiga 3mg dan yuboriladi
● O'zbekistonda savdo nomlari: Bonviva, vivanat

4) Zolendronat - yiliga 1 marta 4-5mg kamida 15-30 daqiqa vaqt davomida tomir ichiga infuzion qo'llaniladi. FDA buyrak zararlanishini oldini olish maqsadida 1soat davomida qo'llash kerakligi haqida xabar bergan
● O'zbekistonda savdo nomlari: Aklasta, zoleost, zolenta

Og'iz orqali qabul qilingan bifosfonatlar so'rilishi juda past (1%) bo'lgani uchun ularni ertalab och qoringa qabul qilish kerak va 30-60 daqiqa hechnima yutmaslik talab qilinadi. Oshqozon va qizilo'ngachni tirnovchi tasirini kamaytirish uchun preparat qabul qilingandan keyin 30 daqiqa tik turish tavsiya ettiladi. Bifosfonatlar qo'llashning optimal davomiligi 5 yilni tashkil etadi

Azot saqlovchi bifosfonatlarni qo'llashga qarshi ko'rsatmalar va nojuya tasirlari haqida keyingi postlarda to'xtalib o'tamiz

Endokrinologiyaga oid shunga o'xshash oson tilda tushuntirilgan foydali va tesha tegmagan postlarni faqat Endocrinology with DJ kanalida kuzatib borishingiz mumkin. Kanalga qo'shilish uchun @dj_secret ga murojaat qiling!

Malumotdan foydalanganda manba ko'rsatilishini iltimos qilib qolardim, hurmat bilan LevelMed klinikasi endokrinologi Husan Ilxomovich

Manba: Medicine with DJ

-Yaxshi duxtur, gemorroydi ko'rmasdan davolay oladi.