Bolalar ombudsmani rasmiy telegram-kanali

📌 2024-yil davomida bola manfaatlarini ta’minlash sohasida yurtimizda qanday yangiliklar va o‘zgarishlar ro‘y berdi?
 
Keling, ularni birgalikda yana bir bor eslab o‘tamiz.
 
🎙«O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida»gi Qonun qabul qilindi.
Qonun bilan O‘zbekistonda bola huquqlari to‘g‘risidagi qonunchilikka rioya etilishi ustidan parlament nazoratini amalga oshiruvchi Bolalar ombudsmani institutining faoliyati huquqiy tartibga solindi.
 
🎙 O‘zbekistonda 2024-yilning 1-mayidan boshlab my.gov.uz portali orqali bolalar nafaqasi yoki moddiy yordam uchun onlayn ariza berish imkoniyati yaratildi.  Bolalar nafaqasi va moddiy yordam“Ijtimoiy himoya yagona reyestri” orqali kam ta’minlangan oilalarga tayinlanadi.
 
🎙Bolalarni bog‘chaga joylashtirish soddalashtirildi. Bolalarni davlat maktabgacha ta’lim tashkilotiga qabul qilish uchun rasmiylashtirilgan yo‘llanmalarni maktabgacha ta’lim tashkilotiga axborot tizimi orqali yuborish tartibi joriy etildi.
 
🎙 O‘zbekistonda Oilaviy bolalar uyi bitiruvchilari yuridik texnikumlarda tekin o‘qishi mumkin bo‘ldi. Xususan, Mehribonlik uyi va Bolalar shaharchasi hamda Oilaviy bolalar uyining bitiruvchilari, I-guruh nogironligi bo‘lgan shaxslar va nogironligi bo‘lgan bolalar toifasidagi abituriyentlar qo‘shimcha qabul parametrlari negizida davlat granti asosida o‘qishga qabul qilinadi.

🎙 2024-yil 14-noyabrda "Bolalarni zo‘ravonlikning barcha shakllaridan himoya qilish" to‘g‘risida qonun imzolandi.
Qonunda zo‘ravonlik turlari aniq belgilab berildi, jabrlanuvchi bolalar va ularning oilalarini qo‘llab-quvvatlash hamda maktablarda zo‘ravonlikning oldini olish choralari ko‘zda tutildi.
 
🎙 Farzandlarni oilaning kambag‘alligi tufayli Mehribonlik va Bolalar uylariga joylashtirish amaliyoti bekor qilindi.
Endilikda kambag‘al oila vakillari ishga joylashgan taqdirda, bolasi uch yoshga to‘lguncha bog‘cha xarajatlari uchun Ijtimoiy himoya jamg‘armasidan kompensatsiya beriladi.
 
🎙 Bolalar ishlari bo‘yicha milliy komissiyalar faoliyati samaradorligini oshirish chora-tadbirlari to‘g‘risidagi Prezident Farmoni imzolandi.  
Bolalar masalalari bo‘yicha milliy komissiya vazifalari yangitdan belgilandi, ushbu komissiyasining yangilangan tarkibi va hududiy komissiyalarning vazifalari tasdiqlandi.
 
🎙 Jinoyat kodeksiga va Ma’muriy javobgarlik to‘g‘risidagi kodeksga bolalarga nisbatan oilaviy zo‘ravonlik sodir etganlik uchun javobgarlikni nazarda tutuvchi o‘zgartirishlar kiritildi.
Endilikda bolaga nisbatan mazkur huquqbuzarlik yoki jinoyat sodir etilganda ariza berilmagan hollarda xam ish qo’zg’atilib, huquqiy chora ko’riladi.

🎄Yakunlanayotgan 2024-yilda mamlakatimizda olib borilgan keng islohotlar bola manfaatlarini himoyalash - davlatning muhim tayanch yo‘nalishi ekanligidan dalolat bermoqda.

Oliy Majlisning Bola huquqlari bo‘yicha vakili (Bolalar ombudsmani) jamoasi barcha yurtdoshlarimizni samimiy qutlab, 2025-yil yuksak muvaffaqiyatlar, cheksiz quvonch va baxt yili bo‘lishini tilaydi!

🎉Kirib kelayotgan Yangi yilda farzandlarimiz huquq va manfaatlari har birimiz uchun chinakam oliy qadriyatga aylansin!
Bolalar shodon kulgusiga olam to‘lsin!

Telegram|Facebook|Instagram

⚡️Ijtimoiy tarmoqlarda tarqalgan "kichik yoshdagi qiz onasi tomonidan kaltaklanishi" to’g‘risidagi xabar yuzasidan

❗️Bolaga nisbatan mazkur zo‘ravonlik holati Bolalar ombudsmani tomonidan o‘rganilmoqda.

✅Bolalar ombudsmani so‘roviga ko‘ra, Ichki ishlar organlari tomonidan aniqlanishicha, joriy yilning 23-dekabr kuni Toshkent viloyati Bo‘stonliq tuman tibbiyot birlashmasiga voyaga yetmagan Y.M. (2020-yilda tug‘ilgan qiz) tanasidagi turli jarohatlar bilan qabul qilingan.

🔎 Holat yuzasidan o‘tkazilgan tergovga qadar tekshiruv natijasida E.Y (1977-yilda tug‘ilgan ayol) 4 yoshli qizini qattiq kaltaklab, tan jaroxati yetkazganligi aniqlandi.
Xususan, tibbiyot xulosasiga ko‘ra, bolada bosh miya yopiq jaroxati, bosh miya lat yeyishi og‘ir darajasi va bosh sohasidagi boshqa og’ir jarohatlar qayd etilgan.

🚨Bugun, 2024-yil 27-dekabr kuni holat yuzasidan Toshkent viloyati Chirchiq shahar IIB tomonidan E.Y ga nisbatan JKning 126-1-moddasi 7-qismi “b” bandi (Oilaviy maishiy zo’ravonlik) bilan jinoyat ishi qo‘zg‘atildi.

🎤Ma’lumot uchun: endilikda JKning 126-1-moddasi (oilaviy maishiy zo’ravonlik) jinoyati bo’yicha jabrlanuvchilar doirasiga bolalar ham kiradi.

🔴 Hozirda dastlabki tergov harakatlari olib borilmoqda.
Holat yuzasidan qo‘shimcha ma’lumot beriladi.

Telegram|Facebook|Instagram

📥Bolalar ombudsmani kotibiyatiga Surxondaryo viloyati, Termiz shahrida istiqomat qiluvchi fuqaro I.Q (erkak) ning murojaati kelib tushdi.

❗️O‘z murojaatida I.Q oilaviy kelishmovchiliklar sababli turmush o‘rtog‘i F.T bilan birga yashamayotganligini, hozirda turmush o‘rtog‘i tomonidan voyaga yetmagan farzandi Z.D ga (2009 yilda tug‘ilgan, qiz bola) nisbatan bir necha marotaba jismoniy zo‘ravonlik qilinib, tan jarohati yetkazilganligini bildirgan.
Aniqlanishicha, ona avval ham qiziga tan jarohati yetkazganligi uchun ma’muriy javobgarlikka tortilgan.
Ammo bunga qaramay zo‘ravonlik yana davom etayotganligi bildirib, ota farzandining huquqlarini himoya qilishni va turmush o‘rtog‘i F.T ga nisbatan qonuniy chora ko‘rishni so‘ragan.

✅Mazkur holat Bolalar ombudsmani so‘rovi asosida Surxondaryo viloyati prokuraturasi tomonidan o‘rganilib, Termiz shahar IIB tomonidan o‘tkazilgan tergovga qadar tekshiruv natijasida (sud tibbiyot ekspertizasi hulosasi asosida) ayol voyaga yetmagan farzandini urib, tan jarohati yetkazganligi aniqlandi.

🗓Joriy yilning 19 dekabr kuni ayolga Jinoyat Kodeksining 126 - modda 1-bandi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

Bolalar ombudmani holat yuzasidan o‘z kuzatuvini davom ettiradi.
Bu borada qo‘shimcha ma’lumot beriladi.✅

Telegram|Facebook|Instagram

🎨Bugun Milliy gvardiya va Bolalar psixologiyasi markazi tomonidan 22-sonli Mehribonlik uyi tarbiyalanuvchilari uchun o‘tkazilgan "Kasblar yarmarkasi" bayramona tadbirida ham ishtirok etdik.

🤔Yangi yil shukuhida o‘tgan bu tadbirda mehribonlik uyi tarbiyalanuvchilari o‘z qo‘llari bilan yaratgan ijod namunalari, bayramga bag‘ishlangan suratlar tanlovi o‘tkazildi.

✅Tadbir davomida nafaqat bayram tomoshalari, balki har bir bolajon uchun o‘z iqtidorini namoyon qilishi orqali jamoa bo‘lib ishlash ko‘nikmalarini rivojlantirishga qaratilgan master-klasslar ham o‘tkazildi.

🔼Shu bilan birga, bolajonlar ishtirokidagi sahna ko‘rinishlari ham namoyish etilib, unda turli raqslar va ko‘ngilochar shoular ham barchamizni nihoyatda xushnud qildi.

Telegram|Facebook|Instagram

🎄Bugun Toshkent shahar prokuraturasida ijtimoiy zaif va migratsiyadan qaytgan fuqarolarimiz oilalari farzandlari uchun bayram tadbiri uyushtirildi.

🇺🇿Dastavval Shahar prokurori E.Yuldashev bolalarni kirib kelayotgan Yangi yil bayrami bilan qutlab, o‘z samimiy tilaklarini bildirdi.

✅Bolalar ombudsmani ham o‘z so’zida bola manfaatlari hamisha davlat va qonun himoyasida ekanligi, bolalarning xavfsiz, farovon xayotini ta’minlash har birimizning asosiy vazifamiz ekanligini ta’kidladi va barcha bolalarni Yangi yil bilan samimiy tabrikladi.

🎁Tadbir dasturi doirasida bolalarga bayram sovg‘alari (shirinliklar va issiq kiyimlar to‘plami) taqdim etilib, qorbobo va qorqiz ishtirokida bayramona ko‘tarinki kayfiyat ulashildi.

🌲Bayram bolalarni poytaxt markazida o‘rnatilgan archa va madaniy ko‘ngilochar maskanlardagi tomoshalarga olib borish bilan davom etdi.

Bugungi bayramona uchrashuvga kelgan bolajonlarni yuzidagi tabassum va ko‘zidagi quvonchni ko‘rish o‘zgacha quvonarlidir.✅

Telegram|Facebook|Instagram

📌 Yodingizda bo‘lsa, Inson huquqlari bo‘yicha Milliy markaz va Bolalar ombudsmani tomonidan "Inson huquqlari bolalar nigohida" nomli ko'rik-tanlovi o‘tkazilganligi to‘g‘risida xabar bergandik.

📸 Mazkur tanlovda mukofotlangan bolajonlar iste'dodi namunalari bilan tanishishingiz mumkin.