Bolalar ombudsmani rasmiy telegram-kanali

📌Kuni kecha Oliy Majlisning Bola huquqlari bo‘yicha vakili (Bolalar ombudsmani) va IIV Yo‘l harakati xavfsizligi xizmati rahbariyati o‘rtasida bolalar ishtirokidagi yo‘l-transport hodisalarining oldini olish yo‘lidagi istiqboldagi vazifalari yuzasidan amaliy uchrashuv bo‘lib o‘tdi.

🎤Muloqot davomida YHXX rahbari Sherzod Ibragimov tomonidan mamlakatimizda "Yo‘llarda xavfsiz bolalik" tamoyili asosida sohada amalga oshirilayotgan ishlar yuzasidan ma’lumot berilib, bugungi kunda bolalarning yo‘llarda xavfsizligini ta’minlash dolzarb masalalari o‘zaro muhokama qilindi.

🇺🇿🇺🇿🇺🇿Bolalar ombudsmani ta’kidlashicha, bugungi kunda mas’ullar tomonidan yo‘llarda bolalar xavfsizligini ta’minlashga qaratilgan choralar kuchaytirilgan bo‘lsa-da, ular hali yetarlicha emas. Bu masala kompleks ravishda hal etilishi muhim.

🔴Shu bilan birga, hozirda bolalar bilan sodir bo‘layotgan YTHning katta qismi turar-joy hududlarida kichik yoshdagi bolalarning qarovsiz qoldirilayotganligi hamda ota-ona nazorati bo‘lmay o‘smir bolalar avtomashina haydashiga yo‘l qo‘yilishi oqibatida yuz berayotganligi tufayli mahallalarda targ‘ibot tadbirlarini faollashtirish, bunday noxush holatlarga yo‘l qo‘ymaslik bo‘yicha ota-onalar mas’uliyatini kuchaytirish talab etiladi.

❗️Shu o‘rinda, yo‘llarda trotuarlar mavjud emasligi ham bolalar YTH qurboni bo‘layotganligining jiddiy omili ekanligiga e’tibor qaratilib, buning oldini olish uchun zaruriy choralarini ko‘rish bo‘yicha mutasaddi tashkilotlar bilan hamkorlikni kuchaytirish zarurligi ta’kidlandi.

🤝Uchrashuv yakunida yo‘llarda bolalar xavfsizligini ta’minlash – umumiy maqsad ekanligiga urg‘u berilib, bu yo‘nalishdagi hamkorlikni yangi bosqichga olib chiqish bo‘yicha kelishuvga erishildi.

🚦Ma’lumot uchun: Bugungi kunda "Xavfsiz bolalik" doirasida respublika hududlaridagi maktablar oldida 425 ta svetoforlar, 865 ta qavariq piyodalar o‘tish joylari, 1599 ta sun’iy notekisliklar va 7598 ta temir panjaralar o‘rnatildi.
Shuningdek, 5150 ta maktabda Yo‘l harakati qoidalarini o‘rgatish maxsus sinfxonalari tashkil qilindi hamda o’quvchilar uchun 42 355 ta “xavfsiz yo‘nalish xaritasi” ishlab chiqildi.

✅Baxtsiz hodisa tufayli onasidan mahrum bo‘lgan
qiz xorijdan Vatanga qaytarildi.

✉️Bolalar ombudsmaniga Qoraqalpog‘iston Respublikasi Beruniy tumanida yashovchi fuqaro E.A.(ayol) ning murojaati kelib tushdi.

✍️Murojaatda ayol uning qizi D.R.ning 2010-yilda tug‘ilgan voyaga yetmagan qiz farzandi borligi, bir necha yil avval qizi D.R. Qozog‘iston Respublikasi fuqarosiga turmushga chiqqani, nevarasi Beruniy tumanida tug‘ilib, O‘zbekiston Respublikasi fuqarosi bo‘lsa-da, unga onasi Qozog‘iston Respublikasida ham tug‘ilish haqida guvohnoma rasmiylashtirganini bildirgan.

🔴Baxtsiz yo‘l-transport hodisasi oqibatida qizi 2024-yil avgust oyida vafot etib, hozirda voyaga yetmagan nevarasi E.M. Qozog‘iston Respublikasida ota-ona qaramog‘isiz qolganini ma’lum qilib, nevarasini O‘zbekistonga qaytarishda amaliy yordam so‘ragan.

✅Bolalar ombudsmani, Ichki Ishlar vazirligi, O‘zbekistonning Qozog‘istondagi Bosh konsulligi vakillari hamkorligida voyaga yetmagan E.M.ning O‘zbekistonga qaytarish choralari ko‘rilib, tezkor ravishda voyaga yetmagan E.M. hujjatlari rasmiylashtirilishida ko‘mak ko‘rsatildi.

✅Ko‘rilgan hamkorlik choralari natijasida kuni kecha, 12-mayda voyaga yetmagan qiz xolasi Sh.R. hamrohligida O‘zbekistonga olib kelinib, buvisi E.A qaramog‘iga topshirildi.

🔴Hozirda buvining nevarasiga nisbatan vasiyligi rasmiylashtirilish jarayonida.

☑️Ijtimoiy tarmoqlarda tarqalgan maktab direktori o‘quvchilarni barchani oldida kaltaklaganligi aks etgan videoyozuv yuzasidan

✍️Mazkur holat Bolalar ombudsmani tomonidan o‘rganilmoqda.

🔴Aniqlanishicha, joriy yilning 25-fevral kuni Navoiy viloyati Xatirchi tumanidagi maktab direktori Q.J
(1988 - yilda tug‘ilgan erkak) 10-sinf o‘quvchilari N.T, A.A (2008 yilda tug‘ilgan, o‘g‘il bolalar)larni go‘yoki tartibga chaqirish vaji bilan kaltaklab, o‘quvchilar tanasining turli qismlarini mushtlab, oyoqlari bilan tepib do‘pposlagan.

🔴Hozirda holat yuzasidan tergovga qadar tekshiruv harakatlari olib borilmoqda.

✅O‘quvchilarga yetkazilgan tan jarohati bo‘yicha sudga oid tibbiy ekspertiza tayinlandi.

⛔Bu borada qo‘shimcha tarzda axborot beriladi.

🇺🇿🇺🇿🇺🇿Oliy Majlisning Bola huquqlari bo‘yicha vakili (Bolalar ombudsmani) jamoasi ulug‘ ayyom – Xotira va qadrlash kuni bilan yurtdoshlarimizni samimiy qutlaydi.

🗓"Xotira va qadrlash" kuni barchamizga tinchlikning qadrini anglash, o‘zaro hurmat va hamjihatlikda yashash muhimligini eslatadi.

🚫Jang maydonlarida halok bo‘lgan bobolarimizning fidokorona jasoratini yod etar ekanmiz, farzandlarimizni vatanparvarlik ruhida tarbiyalash, yurtimizni turli xavf va xatarlardan himoya qilish, tinchlik va ahillikni asrashdek muqaddas burchni ado etishimizda biz uchun hamisha ibrat ekanliklarini unutmasligimiz darkor.

✍️Vatan va xalq ozodligi, avlodlar baxtu saodati yo‘lida mardlik va matonat ko‘rsatgan ajdodlarimiz xotirasi hamisha barhayot yashaydi!

📌 Bola huquqlari bo‘yicha vakili (Bolalar ombudsmani) va uning kotibiyati xodimlari, O‘zbekiston Respublikasi Oliy Majlisi Senati a’zolari hamda Bolalar ombudsmanining hududlardagi mintaqaviy vakilligiga nomzodlar ishtirokida dastlabki yig‘ilish bo‘lib o‘tdi.

✍️Yig‘ilish kun tartibida Bolalar ombudsmanining hududlardagi mintaqaviy vakillarini tayinlash masalasi ko‘rildi.

📌O‘zbekiston Respublikasining «O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida»gi Qonunning 22-moddasida Bola huquqlari bo‘yicha vakilning Qoraqalpog‘iston Respublikasi, viloyatlar va Toshkent shahrida jamoatchilik asosida faoliyat yuritadigan mintaqaviy vakili tayinlanishi ko‘zda tutilgan.

🎤Qonun talablari doirasida Bolalar ombudsmanining mintaqaviy vakili lavozimiga bola huquqlari va qonuniy manfaatlarini ta’minlash sohasida yetarli kasbiy va amaliy bilimlarga, hududda jamoatchilik orasida obro‘-e’tiborga ega nomzodlar ko‘rib chiqildi va tanlov asosida Bolalar ombudsmanining hududlardagi mintaqaviy vakillari sifatida tayinlandi.

⌛️Mintaqaviy vakillar tegishli hududda davlat organlari, mahalliy davlat hokimiyati organlari, shu jumladan huquqni muhofaza qiluvchi organlar, shuningdek korxonalar, muassasalar, tashkilotlar hamda mansabdor shaxslar tomonidan bola huquqlari to‘g‘risidagi qonunchilikka rioya etilishi holatini o‘rganib boradi.

✅Dastavval Bolalar ombudsmani yangi yuklatilayotgan mas’uliyatli vazifa bilan barcha mintaqaviy vakillarni samimiy tabriklab, hamkorlikdagi faoliyatlariga muvaffaqiyat tiladi.

✍️Yig‘ilish davomida mintaqaviy vakillarning qonunchilikka muvofiq huquq va majburiyatlari, hamda bolaning huquqlariga rioya etilishida davlat hokimiyati organlari bilan hamkorlikda ish olib borish, tayanch vakolat va vositalar xususida atroflicha suhbat bo‘lib o‘tdi.

📌 Bolalar ombudsmani Toshkent shahar Sergeli tumanida joylashgan 322-sonli umumiy o‘rta ta’lim maktabida monitoring o‘rganishini o‘tkazdi.

✍️Xususan, mazkur maktabning bir guruh o‘quvchilaridan Bolalar ombudsmaniga kelib tushgan jamoaviy murojaatda maktabda ta’lim tashkil etilishida jiddiy muammolar mavjudligi bildirilgan.

🚫Bolalar ombudsmani monitoringida Toshkent shahar prokuraturasi, Sergeli tumani hokimligi, MMTB va FVV tuman bo‘limi, Sanitariya va epidemiologiya osoyishtalik markazi hamda boshqa mutasaddi idoralar vakillari ishtirok etdi.

✅O‘rganish maktabda o‘quvchilar uchun sinfxonalarda yaratilgan ta’lim sharoitlarini ko‘zdan kechirishdan boshlandi.

✅Aytish kerakki, bugungi kunda maktabda 1405 ta o‘quvchi tahsil olayotgan bo‘lib, bir sinfda o‘rtacha 30-35 nafardan o‘quvchilar ta’lim olmoqda.
Hozirda maktab binosida yangi o‘quv yili uchun qisman ta’mirlash ishlari olib borilmoqda.

📌Monitoring davomida Bolalar ombudsmani, Toshkent shahar prokuraturasi hamda boshqa mutasaddilar tomonidan maktab faoliyatiga doir bir qancha kamchiliklar aniqlandi.

Xususan,

-kichik sinflar uchun o‘quv xonalarida havo harorati belgilangan standartga muvofiq emasligi,

- maktabning aksariyat xojatxonalari ishlamayotgan holatda ekanligi,

- maktab oshxonasidagi sharoitlar sanitariya-epidemiologiya talablariga yetarlicha javob bermasligi,

- maktabda o‘quvchilar ovqatlanishi autsors xizmati orqali ta’minlanayotgan bo‘lib, mazkur xizmat ko‘rsatuvchi xodimlar sanitariya-epedemiologik talablardan yetarlicha xabardor emasligi;

- o‘quv yili hali yakun topmasdan turib, ayrim sinf xonalar, sport zal va kiyinish xonalarida ta’mirlash ishlari olib borilayotganligi tufayli o‘quvchilar to‘laqonli ta’lim olishi uchun jiddiy to‘siqlar mavjudligi aniqlandi.

✅Monitoring davomida aniqlangan muammolar
va kamchiliklarni bartaraf etish bo‘yicha maktab ma’muriyati,
tuman xokimiyati va
boshqa mutasaddilarga
qat’iy ko‘rsatmalar berilib, qisqa fursatda ko‘rilgan choralar yuzasidan takroran prokuratura ishtirokida monitoring o‘tkazilishi bildirildi.

✍️Monitoring natijalari bo‘yicha tegishli yuqori tashkilotlarga Bolalar ombudsmani xulosasi kiritiladi.