Diplom kerakmas degani taʼlim kerakmas degani emas
Biz bu boʻyicha koʻp targʻibotlar qilamiz. Diplom, sertifikat, shahodatnoma kerak emas deymiz. Lekin biron joyda taʼlim kerak emas degan targʻib bilan chiqmadik.
=====
Maktabda yoki oʻqishda oʻqiyotgan boʻlsangiz, diplom kerak emas-ku deb vazifalarni qilmasangiz, oʻqishni yigʻishtirib qoʻysangiz, kitob oʻqimasangiz hayot va ishda yaxshi natijalar koʻrsata olmas ekanmiz.
=====
Mark va Bill Geytslarni misol qilib keltiramiz ular oʻqishni tashlab ketgan deb. Yoʻq ular universitetni tashlashdi oʻqishni emas. Doim oʻz ustida ishladi va rivojlanish sari tinmay harakat qildi.
=====
Odatda matematika, fizika, tarix, ona tili, biologiya va boshqa fanlardan baʼzilari sizga zerikarlidek tuyiladi. Hayotda sinus va kosinus, integrallarni ishlatmaymiz-ku? Kabi savollar tugʻiladi.
- Ammo ishda va baʼzi qarorlarni chiqarishda miyamiz muammolarni biz fundamental olgan bilimlarimizdan kelib chiqib hal qilib qoʻyadi.
=====
Masalan:
- Miyaga kislorod bormasligi tufayli miya sekin ishlashni boshlaydi, shuning uchun biz dim va oynalari yopiq xonada uzoq qolib ketsak, miya faoliyati bir muncha sekinlashgani uchun koʻzimizga uyqu keladi.
Siz buni odam anatomiya yoki kimyo fanlarida chuqur oʻrgangan boʻlsangiz bittada sezasiz va yechim topib ketasiz.
===
- Savdo-sotiq sohasini olaylik, har bir rastada 10 tadan mahsulot qoʻygansiz ular sizga qanchadir foyda olib keladi, ularni 10 ta emas, 15 tadan qoʻysangiz ularning foydasi yana-da koʻpayadi, lekin joy uchun toʻlaydigan pulingiz ham koʻp sarf boʻladi. Siz shu holatda baʼzi mahsulotlarni 7-8 ta qilish evaziga boshqalarini 14-15 taga oshirib zararni kamaytirishingiz mumkin.
Bularni esa biz matematikada tenglamalar yechish mavzusida chuqur oʻrgangan boʻlishimiz kerak edi. Tenglamani 2 kala tarafini maʼlum oʻzgaruvchilarga koʻpaytirsa yoki boʻlsa tenglik oʻzgarishsiz qoladi faqat miqdor ortadi va hokazo... Targeting ham shunday maʼlum summa evaziga maʼlum natija olish mumkin...
===
- ab+ac=a(b+c) — oʻxshash hadlarni ixchamlash mavzusidagi formulaning eng soddalaridan biri. Bu kabi ixchamlash va soddalashtirish formulalari esa talaygina.
Sistemalashtirish va tizim hosil qilish; muammolarga tizimlar orqali yechim topish, dashboardlar yasash kerak boʻlgan joylarda miya uni shu va boshqa formulalarga asoslanib yecha boshlaydi.
===
Tarixda Salb yurishlari, Xiva xonligi, Makedoniya, Rim imperiyasi, Usmoniylar va boshqa koʻplab tarixiy voqealardan xabardor boʻlsangiz hozirgi dunyo iqtisodi va siyosatini chuqurroq anglab yetish mumkin, strategik va taktik yechimlar qilish mumkin.
Tarixni bilmasak esa, shunchaki kimnidir strategiya va rejasining bir ishtirokchisiga aylanib oʻtiraveramiz.
===
4000 Essential English Words — degan kitob bor bilasizmi? 4000 ta eng muhim inglizcha soʻzlar nega ular 4000 ta? Chunki inson odatiy muloqot paytida 3000-4000 ta soʻzdan foydalanadi.
Ammo siz 100 lab kitoblar oʻqigan ona tili va boshqa til fanlaridan kuchli oʻqigan boʻlsangiz, notiqlik va aratorlik qobiliyatingizga juda katta foyda beradi.
===
Diniy bilimlar haqida esa to'xtalib ham o'tirmadim...
@Abduvosiq5260
