#JiSA_haqida
Berkinmachoqmi yoki sabrlichoq?

Biz juda koʻp berkinmachoq oʻynaymiz, buni bollarim judayam yaxshi koʻradi va oʻynab zerikmaydi.
Men esa bu oʻyin soddagina koʻringani bilan qanday hislatlarga ega ekanini bilganim uchun erinmay oʻynayveraman.

Berkinmachoq oʻynash nega kerak?

🔘Bolangiz besabr tuyuladimi?
🔘Kutishga toqati yetmaydimi?
🔘Bir joyda jim tura olmaydimi?

Bularning yechimi aynan shu oʻyinda.
Bolani qancha uzoq qidirsangiz shuncha koʻp kutadi, sabrni oʻrganadi, besabrlik qilsa topib olishingiz va oʻyin yakunlanishini biladi.
Agar sizni qidirsa ham:
🔘sinchkovlikni, hamma joyga yaxshilab nazar solishni oʻrganadi;
🔘onasi birdan gʻoyib boʻlgan holatlarda vahimaga tushub qolmay, aksincha qidirishi kerakligi va topa olishligi haqidagi bilimlarga ega boʻladi.

Biz qanday oʻynaymiz

Avval boshda osonroq yashinardim, devor ortiga, parda ortiga...
Deyarli yugurib borsa topa oladi.
Juda uzoq ketmasdim.

Aya qani?

Ovozimni eshittirish turardim.
Keyin esa qiyinroq berkinishga oʻtdim, baribir biroz ovoz bilan shu yerda ekanimni his qildirardim.
Ularda onasini topa olishga ishonch hissi shakllangach jim turib berkina boshladim.
Keyin esa ular berkindi va oʻyinning 2chi taʼlim bosqichi: sabrni shakllantirishni boshladim.

❤️Ular meni kutishini choʻzish va zerikib qolmasligi uchun hamma harakatimni aytib turaman:

Qizim qani?
Voy oshxonada yoʻq.
Oʻgʻlim qani?
Shkafda boʻlsa kerak, qani?
Voy shkafdayam yoʻq...
Qani parda orqasini koʻraychi...

Shunaqa qilib eng oxirida topaman: ular esa sabr bilan qiziqib jim kutishadi.

Oʻgʻlim 1yarim yosh, har doim ham oxirigacha borolmaydi, baʼzan:
"Men manaa manaaa" - deb yugurib keladi😄
❌Qizim esa qancha uzoq topsam shuncha xursand berkinib turaveradi, u 3yarim yoshda))

Shunaqa qilib shu yoshimda ham berkinmachoq oʻynab yurgan uydagi gʻirt bekorchiman🙂

Manbasi bilan ulashing⬇️
https://t.me/c/2132947236/2167