Шоира Зилола Хўжаниёзова расмий канали

* * *
Бу йўлларда еллар сарсон, йиллар сарсон,
Умрим оқар яхши- ёмон орасида.
Йўл чигилар ошиққанда манзил томон,
Соғинч, дийдор кўзим оқ-у қорасида.
Мунисгинам, менинг тобим ўйидасиз,
«Йўлинг олис, чарчадингми, болам», дейсиз.
Гулдай заиф, титраб турар қўлларингиз,
Дардман сизу, мен ношуднинг ғамин ейсиз.
Сиз тахтимсиз, давлатимсиз, кўрк-савлатим,
Сизсиз мендай ғариб, ночор топилмайди.
Остонага кўзин тикиб, муштоқ кутиб,
Тун оққунча қўшдарвоза ёпилмайди.
Кўзларимга халқобланиб ёш қуйилар,
Тишлаганим, бўғзимдаги тош туюлар.
Сиз-ла дунё оқибати бисёр, она
Бировларнинг ёлғон меҳри фош туюлар.
Шукур, етдик интиқ кутган баҳорларга,
Дастор олма гул очибди, оқ, пуштиранг.
Она, яна ният айтиб саҳарларда,
Бир бор бизмас, ўзингизга умр сўранг.
Бу чархи-дун ғам-ғуссага бозор экан,
Қўлим силтаб, найсонлар-ла елдим яна.
Нурга интиқ майсадайин бўй кўрсатган,
Соғинчларим маҳкам қучиб келдим, она...
Соғинчларим маҳкам қучиб келдим она...

Зилола Хўжаниёзова

https://t.me/zilolaxujaniyazovaturabekqizi

Bugun O‘zbekiston Yozuvchilar uyushmasida 8-mart – Xalqaro xotin-qizlar kuni munosabati bilan "Ayolga baxt bering, saodat bering", deb nomlangan mushoira kechasi bo‘lib o‘tdi.

https://t.me/zilolaxujaniyazovaturabekqizi

Деразангдан мўралаб аста,
Гул юзингдан бўлиб шикаста,
Узун қишга силтаб қўлини,
Ҳам қалбингдан бошлаб йўлини,
Тўққиз ойки, елармиш баҳор,
Бугун тунда келармиш баҳор...

Қору музни сувга ғарқ қилиб,
Изғиринни буткул тарк қилиб,
Эшитгандек менинг ноламни,
Гулдастага ўраб оламни -
Тушда бошинг силармиш баҳор,
Бугун тунда келармиш баҳор...

Гўзалликни элтиб жаҳонга,
Сано айтиб ҳар ўтган онга,
Жамолингга бўлиб маҳлиё,
Истарангдан олганча зиё-
Бизга иқбол тилармиш баҳор,
Бугун тунда келармиш баҳор...

Унутилар ҳазонрез кузак,
Табассуминг юзингга безак.
Меҳрларинг менга оғдириб,
Ёмғирларин ерга ёғдириб,
Сувларини элармиш баҳор,
Бугун тунда келармиш баҳор...

Ҳиссиётга тўлдириб дилни,
Кенгайтириб кичик кўнгилни,
Дуоларга ижобат етиб,
Табиатни чаманзор этиб,
Бахтимиздек кулармиш баҳор,
Бугун тунда келармиш баҳор...
ЗУЛФИЯ

https://t.me/zilolaxujaniyazovaturabekqizi

Taniqli shoir Mansur Jumayevning "Ijod Nashr" nashriyotida chop etilgan "Hazrati ishq" kitobi taqdimoti bo’lib o’tdi.

https://t.me/zilolaxujaniyazovaturabekqizi

Buyuk shoir va mutafakkir Alisher Navoiy
tavalludining 584 yilligi munosabati bilan Adiblar xiyobonida adabiy-maʼrifiy tadbir bo’lib o’tdi.

https://t.me/zilolaxujaniyazovaturabekqizi

***
Не даврон кўрмади бу кўҳна очун,
Бошингда айланди не кунлар қаро.
Бугун жамолингни бир кўрмоқ учун,
Пойингга ошиқиб келмоқда дунё.

Сенинг паноҳингда топарман ҳузур,
Шул ғариб кўнглимга ғам келса ошно.
Ҳар ҳовуч заррангда даҳолар зуҳур,
Тупроғинг кўзимга сургум БУХОРО...
06.01.2025 й.

https://t.me/zilolaxujaniyazovaturabekqizi