O‘zbekiston Yozuvchilar uyushmasi

Saida Mirziyoyeva 8-mart munosabati bilan barcha ayollarni tabrikladi

«Bugun xalqaro xotin-qizlar kunida men ushbu chinakam bahoriy ayyom bilan barcha hamfikr opa-singillarimni tabriklayman.

Batafsil 👉 https://yuz.uz/a/uz/119516

Bayramingiz muborak bo‘lsin, aziz ayollar!

8-mart kuni tug‘ilgan ijodkorlar:

Orif Hojiyev, O‘zbekiston Yozuvchilar uyushmasi aʼzosi, shoir;

Ismat Norboyev, O‘zbekiston Yozuvchilar uyushmasi aʼzosi;

Nurilla Chori, O‘zbekiston Yozuvchilar uyushmasi aʼzosi;

Munavvara Yusupova, O‘zbekiston Yozuvchilar uyushmasi aʼzosi;

Sayyora Bazarbayeva, O‘zbekiston Yozuvchilar uyushmasi aʼzosi;

Mo‘'tabar Boymatova, O‘zbekiston Yozuvchilar uyushmasi aʼzosi.

Tug‘ilgan kunini nishonlayotgan adiblarimizni samimiy tabriklaymiz.

O‘zbekiston Yozuvchilar uyushmasi Axborot xizmati

KITOBLAR TAQDIMOTI

Samarqandning Pushkin nomidagi viloyat axborot-kutubxona markazida O‘zbekiston Yozuvchilar uyushmasi tomonidan chop etilgan "Yoshlar bayozi", Luqmon Boʼrixonning "Tanlangan asarlar" kitobi hamda uyushma aʼzosi Mavluda Ro‘ziyevaning "Bo‘ylari bo‘y cho‘zgan samo Samarqand" sheʼriy to‘plami taqdimoti bo‘lib o‘tdi. Tadbirda O‘zbekiston Yozuvchilar uyushmasi Samarqand viloyati bo‘limi rahbari Toshpo‘lat Tugalov, O‘zbekistonda xizmat ko‘rsatgan madaniyat xodimi Xosiyat Bobomurodova, uyushma aʼzolari Raʼno Odilova, Zuhra Begim, Oygul Mamatova, Mavluda Ro‘ziyeva, ijodkorlar Muhammad Rizo Abdurahmonov, Mahmud Pardaboyev va boshqalar kitoblarning mazmun-mohiyati va ahamiyati haqida fikr-mulohazalarini bildirdi.
Luqmon Bo‘rixonning "Tanlangan asarlar" kitobi chuqur mushohadaga boy bo‘lgan yirik asar ekani taʼkidlab oʼtildi. "Yoshlar bayozi"ga sheʼrlari kiritilgan ijodkor yoshlar sheʼrlaridan oʼqib, ijod namunalari bayozdan joy olganidan mamnun ekanini bildirdi.

LUQMON BO‘RIXON IJODIGA BAG‘ISHLANDI

G‘uzor tumani Maktabgacha va maktab ta'limi bo'limiga qarashli 82-umumiy o‘rta ta‘lim maktabida Mustaqillik davri adabiyotining zabardast vakili, yozuvchi Luqmon Bo‘rixon tavalludining 60 yilligi munosabati bilan adabiy kecha tashkil etildi.
Luqmon Bo‘rixonning "Yalangoyoq", "Begimqul katta", "Jaziramadagi odamlar", "Temir yo‘l" , "Olov tutgan odam", "Imom Moturudiy", "Sirli muallim", "Sokin daryo" kabi asarlari va bu asarlarning adabiyotimizda tutgan o‘rni haqida ma’lumotlar berildi.
Adabiy kechada Luqmon Bo‘rixon ijodi haqida hikoya qiluvchi lavhalar namoyish etildi.

O‘zbekiston Yozuvchilar uyushmasi Axborot xizmati

TAKLIFNOMA

Alisher Navoiy nomidagi O‘zbekiston Milliy kutubxonasida shu yilning 12-mart kuni soat 14:00 da adabiyotshunos olim, filologiya fanlari doktori Abdurahmon Pirimqulovning O‘zbekiston Yozuvchilar uyushmasi aʼzosi, taniqli hajvchi adib, olim, publitsist, dramaturg va tarjimon Habib Siddiq ijodi haqidagi “Yonimizdagi yozuvchi”, deb nomlangan kitobining taqdimoti bo‘lib o‘tadi.
Tadbirda taniqli adabiyotshunos olimlar, yozuvchi va shoirlar hamda kitobxonlar qatnashadi.
Adabiy tadbirga barcha qiziqqanlarni taklif etamiz.

O‘zbekiston Yozuvchilar uyushmasi Axborot xizmati