Юрист Хизмати | Расмий канал

Ўқишни кундузги таълим шаклидан сиртқи таълим шаклига кўчирса бўладими?

@Yurist_Xizmati 5079-савол:

Assalomu alaykum.Man imtiyoz bilan grantga kunduzgi oʻqishga kirdim, psixologiyaga. Shuni sirtqi shaklga oʻtkazsa boʻladimi.?

ЮРИСТ ЖАВОБИ:

Вазирлар Маҳкамасининг 2017 йил 20 июндаги 393-сон қарорига 3-иловада тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги Низом 9-бандида фуқаронинг ўқишини кўчириш ва қайта тиклаш ҳақидаги аризасига рад жавоби берилишига асос бўладиган ҳолатлар белгиланган.

🙅‍♂ Лекин улар қаторида сиздаги вазиятга мос келадиган асос мавжуд эмас.

✅ Шундай экан, сиз кундузги таълим шаклидан сиртқи таълим шаклига ўқишни кўчиришингиз мумкин.

©️Бунда Низомнинг 22-бандига асосан ўқишнинг барча шакллари бўйича олий таълимнинг мос ва турдош йўналишлари ҳамда мос мутахассисликлари бўйича давлат грантлари ўринларига кўчиришга фақат давлат грантлари асосида таҳсил олган талабалар аризасига кўра олий таълим муассасаларида тегишли ўқув йилидаги қабул қилиш квоталарида белгиланган давлат грантларининг сони доирасида рухсат этилади.

⚠️ Бироқ бошқа ҳолларда (мисол учун давлат гранти квоталари сони мавжуд бўлмаганда)  ўқишни кўчириш тўлов-контракт асосида амалга оширилади.

Бунда Низом 15-бандига кўра ўқишини кўчириш бўйича аризаларни тақдим этиш — ҳар йили 15 июлдан 5 августга қадар амалга оширилади.

📝Ўқишини кўчириш истагини билдирган фуқаро қуйидаги ҳужжатларни тақдим этади:

🤩кўчириш (қайта тиклаш)ни истаган таълим йўналиши (мутахассислиги), ўқув тили ва шакли кўрсатилган ҳолдаги ариза (аризада ўқиган олий таълим муассасаси ва таълим йўналиши (мутахассислиги), таълим шакли, мақсадли қабул бўйича ўқишга кирмаганлиги, кўчириш (қайта тиклаш) сабаблари, кўчириш (қайта тиклаш) қоидалари билан танишганлиги кўрсатилади);
🤩талабанинг рейтинг дафтарчаси ёки белгиланган шаклдаги академик маълумотнома нусхалари;
🤩паспортнинг нусхаси.



✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Ҳомиладор ва уч ёшгача боласи бор ходимларни ишдан бўшатиш тақиқланади❗️

@Yurist_Xizmati 5078-савол:

Ассалому алайкум. Аёлим туман Солиқ инспекциясида бош инспектор лавозимида ишлайди. Хозирда 23 хафталик хомиладор лекин вилоят солиқ бошқармаси кадрлар бўлими томонидан 11 март куни хозирда ишлаб турган лавозим номи ўзгарганлиги сабабли мехнат шартномасини 2 ой муддат ичида бекор қилиш хақида огохлантириш хати келибди бу қанчалик асосли ва бу бўйича қандай эътироз билдирса бўлади?

ЮРИСТ ЖАВОБИ:

❌ Сизни ишдан бўшатиш ҳам, огоҳлантириш хати бериш ҳам мумкин эмас.

Меҳнат кодексининг 163-моддасига кўра ҳомиладор аёллар (ушбу Кодекс 408-моддаси) ва уч ёшгача боласи бўлган ходимлар (ушбу Кодекс 409-моддаси) учун кафолатлар беришни назарда тутадиган талабларга риоя қилмасдан иш берувчининг ташаббусига кўра бекор қилиш тақиқланади.

🙅‍♂️ Мана шу қоидага кўра ҳомиладор бўлганингиз сабабли, сиз билан тузилган меҳнат шартномасини иш берувчи ўз ташаббуси билан бекор қила олмайди.

🙅‍♂️ Бу ҳолатда сизнинг KPI тизмида кам балл тўплаганингиз, сизни ишдан бўшатиш учун асос бўлмайди.

✅ Бу ҳолатда сизга туман адлия бўлимига мурожаат қилишингиз лозим.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Узоқ йиллик иш стажи учун ўриндошларга устама тўланадими?

@Yurist_Xizmati 5077-савол:

Ассалому алейкум! Бир неча йиллардан буён мен спорт соҳасидаги бир ташкилотда асосий ходим, маданият соҳасидаги бошқа ташқилотда ўриндошлик асосида ишлаб келмоқдаман. Ўриндошлик асосида ишлаятган корхонамда Ўзбекистон Республикаси Президентининг ПФ-1280-Фармонига асосан узоқ йиллик иж стажига асосан устама белгиланган, асосий корхонамда эса иш стажи учун устамалар тўланишига асос йўқ. Саволим шуки, ўриндошлик асосида ишловчи корхонамдан узоқ йиллик иш стажим учун устама олишим мумкинми?Саволимга қўшимча равишда айтмоқчиманки, мен бош бухгалтерман, ушбу Ўзбекистон Республикаси Президентининг ПФ-1280-Фармонига асосан устама олишим мумкинми?

ЮРИСТ ЖАВОБИ:

Вазирлар Маҳкамасининг 2012 йил 18 октябрдаги 297-сон қарори билан тасдиқланган “Ўриндошлик асосида ҳамда бир неча касбда ва лавозимда ишлаш тартиби тўғрисида”ги низом 15-бандида агар жамоавий шартномада ёхуд иш берувчи томонидан касаба уюшма қўмитаси ёки ходимларнинг бошқа вакиллик органи билан келишган ҳолда қабул қилинган бошқа маҳаллий ҳужжатда бошқача тартиб назарда тутилмаган бўлса, ўриндошлик асосида ишловчиларга меҳнат ҳақи, мукофот, қўшимча ҳақ, устама, рағбатлантириш тўловлари шакли ва тизими ташкилотнинг барча ходимлари учун белгиланган тартибда амалга оширилиши белгиланган.

📝 Шунга кўра сиз ўриндошликдаги иш жойингизда мавжуд жамоа шартномаси ёки бошқа ички ҳужжатларни кўришингиз лозим.

✅ Агар ушбу ҳужжатда устама ўриндошларга ҳам берилиши назарда тутилган бўлса, унда сиз кўп йиллик иш стажингиз учун ўриндошликдаги иш жойингиздан устама оласиз.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Спорт мактаби ходимларига устама тўлаш қачондан бошланди?

@Yurist_Xizmati 5076-савол:

Ассалому алейкум. Мен спорт мактабида кадрлар буйича инспектор вазифасида ишлайман. Саволим шундан иборат: 24.12.2024 йил 226-сонли Президент фармони имзоланди ва шунга асосан 25.12.2024 йилда ПК-268-сонли карорига узгартириш киритилди. Фармон ва карорда спорт мактабнинг бухгалтери, кадрлар буйича инспектори ва хужалик мудирларига укувчи-спортчилар эришган натижалари хисобидан устама берилиши белгиланган. Сиздан илтимос фармон ва карорни урганиб чикиб бизларга качондан бу устамалар туланиши мумкинлигини айтсангиз.

ЮРИСТ ЖАВОБИ:

Ўзбекистон Республикаси Президентининг 06.06.2022 йилдаги ПҚ-268-сон қарори 4-иловасида Спорт мактабларининг директорлари, директорларнинг ўқув ишлари, спорт, оммавий спортни ривожлантириш ва селекция, футболни ривожлантириш бўйича ўринбосарлари, инструктор-методистлари, тренерлари, рақамлаштиришни жорий қилиш бўйича мутахассислари, бухгалтерлари, кадрлар бўйича (ходимлар билан ишлаш бўлими) инспекторлари ва хўжалик мудирларининг базавий тариф ставкасига ўқувчи-спортчилар эришган юқори спорт натижаларидан келиб чиқиб ҳар ойда тўлаб бериладиган устамалар Миқдорлари белгиланган.

Унга Ўзбекистон Республикаси Президентининг 2024 йил 24 декабрдаги ПФ-226-сонли қарори билан ўзгариш киритилган.

Норматив-ҳуқуқий ҳужжатлар тўғрисидаги қонун 41-моддасига кўра норматив-ҳуқуқий ҳужжатлар орқага қайтиш кучига эга эмас ва улар амалга киритилганидан кейин юзага келган ижтимоий муносабатларга нисбатан қўлланилади.

✅ Шунга кўра мазкур устамаларни тўлаш 2025 йил январдан бошланди деб ҳисоблаймиз.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Газ учун 1 йиллик тўловни олдиндан тўлаб қўйганда, нарх ошиши таъсир қилмайдими?

@Yurist_Xizmati 5075-савол:

Ассалому алейкум,  мен газ буйича 2024 йил туловни бир йиллик килиб олдиндан январь ойида амалга оширган эдим. Кеча газ таьминотига бориб 2025 йил туловини амалга оширмокчи булдим, Лекин инспектор менга 2024 йил май ойида газ нархи оширганлиги сабабли, сиз 2024 йил май ойидан бошлаб доплата киласиз деяпти. Шу тугрими, мен ахир бир йиллик туловни олдиндан амалга оширганманку?! Шу масалада ёрдамингиз керак. (Маьлумот учун, мен одам сони буйича тулов киламан, счетчик менда йук.)

ЮРИСТ ЖАВОБИ:

Вазирлар Маҳкамасининг 2024-йил 31-майдаги 319-сон қарорига 2-иловада тасдиқланган Табиий газдан фойдаланиш Қоидалари 110-бандига кўра тарифлар ўзгарган ҳолларда, табиий газ ҳажми учун аванс тариқасида тўловни амалга оширган истеъмолчи икки ойдан ортиқ бўлмаган муддатга қўшимча тўловларни амалга оширишдан (ушбу давр мобайнида аванс тўловига тенг миқдордаги газ ҳажмидан ортиқ истеъмол қилмаган ҳолларда) озод қилинади.

☝️Мана шу қоидага кўра Агар сиз табиий газ учун олдиндан тўлов (аванс) қилиб қўйган бўлсангиз ва шу орада тарифлар ўзгариб қолса, қуйидаги қоида амал қилади:

➡️ Сиз олдиндан тўлаган пулларингизга мос келадиган газ миқдоридан ортиқ ишлатмаган бўлсангиз;
➡️ Икки ой давомида;
➡️ Ўзгарган нархга кўра қўшимча тўлов қилишингиз шарт эмас.

💁‍♂ Айтайлик, сиз 100,000 сўм аванс тўладингиз ва бу 10 куб метр газга тенг эди. Кейин тариф ошди ва энди 10 куб метр газ 120,000 сўм бўлиб қолди. Агар сиз икки ой давомида 10 куб метрдан кўп газ ишлатмасангиз, қўшимча 20,000 сўм тўлашингиз шарт эмас. Аванс тўловингиз 10 куб метр газ учун етарли ҳисобланади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

⚡️Эндиликда техникум директорлари ҳам рағбатлантирилади

Мактаблардагидек ўз устида ишлаб, салоҳияти ва кўникмасини оширган директорларни рағбатлантирадиган тизим эндиликда техникумларда ҳам жорий қилиниши белгиланди.

Бу ҳақда Президент Шавкат Мирзиёев Андижон вилоятидаги йиғилишда маълум қилди.

✉️ Юристга савол юбориш

Расмий каналимиз:
👉 @Yurist_Xizmati 👈

5 йиллик имтиёз билан пенсияга чиқишим мумкинми?

@Yurist_Xizmati 5074-савол:

Ассалом алейкум. Мен махсус ихтисослаштирилган мактабгача  таьлим ташкилотида тарбиячи булиб ишлайман. Ешим 50 да. Иш стажим 30 йил. Мен хам 5 йиллик имтиездан пенсияга чикишим мумкинми?

ЮРИСТ ЖАВОБИ:

Пенсияга чиқишда иш стажидан ташқари ёшга оид меёр ҳам белгиланади.

Умумий қоида бўйича  ёшга доир пенсия олиш ҳуқуқига:

👨‍💼 эркаклар — 60 ёшга тўлганда ва иш стажлари камида 25 йил бўлган тақдирда;
🧑‍💼 аёллар — 55 ёшга тўлганда ва иш стажлари камида 20 йил бўлган тақдирда эга бўладилар.

Бу Фуқароларнинг давлат пенсия таъминоти тўғрисидаги қонуни 7-моддасида мустаҳкамланган. Шу билан бирга пенсияга чиқиш ёшини камайтириш бўйича бир қатор имтиёз бор.

Хусусан, қонун 10-моддасида ёшидан қатъи назар имтиёзли пенсия олиш ҳуқуқига эга касблар тоифаси белгиланган. Бироқ улар қаторида умумтаълим мактаблари ходимларии келтирилмаган.

Ушбу қонун 9-моддаси ҳамда Вазирлар Маҳкамасининг 1994-йил 12-майдаги 250-сон “Имтиёзли шартларда пенсияга чиқиш ҳуқуқини берувчи ишлаб чиқаришлар, муассасалар, ишлар, касблар, лавозимлар ва кўрсаткичларнинг рўйхатини тасдиқлаш тўғрисида”ги қарорида тасдиқланган 1 2 3 рўйхатларда имтиёзли пенсияга чиқиш мумкин бўлган касблар рўйхати бор.

Ушбу қарор билан тасдиқланган Умумий белгиланган ёшни 5 йилга қисқартирилган ҳолда пенсия олиш ҳуқуқини берадиган ишлаб чиқаришлар, муассасалар, ишлар, касблар, вазифалар ва кўрсаткичларнинг 3-сонли рўйхати VII қисмида Ногирон болалар учун ихтисослаштирилган таълим муассасалари, «Меҳрибонлик» уйлари, ҳарбий академик лицейлар ва тарбиявий колониялар ўқитувчилари келтирилган.

Унда жисмоний ёки руҳий ривожланишида нуқсони бўлган болалар учун мўлжалланган ихтисослаштирилган таълим муассасалари (мактаблар, мактаб-интернатлар), санаторий типидаги ихтисослаштирилган таълим муассасалари (мактаб-интернатлар), имконияти чекланган шахслар учун ихтисослаштирилган касб-ҳунар коллежлари, «Меҳрибонлик» уйлари, ҳарбий академик лицейлар ва тарбиявий колониялар ўқитувчилари учун пенсияга чиқишда юқоридаги имтиёз назарда тутилган.

✅ Шундай экан сиз ҳам махсус ихтисослаштирилган мактабда ишлаётган бўлсангиз 5 йиллик имтиёздан фойдаланишингиз мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

⚡️Қурилиш ва уй-жой коммунал хўжалиги соҳасида назорат қилиш инспекцияси мустақил республика ижро этувчи ҳокимият органи сифатида шакллантирилади - президент фармони

✉️ Юристга савол юбориш

Расмий каналимиз:
👉 @Yurist_Xizmati 👈

✅Ҳукумат, Вазирликлар ва Вазирлар телефон рақамлари

Ўзбекистон Республикаси Бош вазири ва барча вазирликларнинг ҳозирги раҳбарлари, уларнинг лавозими ва боғланиш учун телефон рақамлари бир жойда:

✅Ўзбекистон Республикаси Бош вазири Арипов Абдулла Нигматович. Тел: +998 71 239-86-76 

✅Бош вазир ўринбосарлари:

1. Раматов Ачилбай Жуманиязович. Йўналиш: Атроф-муҳит, ҳудудий ривожланиш Тел: +998 71 239-86-76 

2. Кучкаров Джамшид Анварович. Йўналиш: Иқтисодиёт ва молия 
Тел: +998 71 239-86-76 

3. Ходжаев Жамшид Абдухакимович. Йўналиш: Инвестициялар, саноат ва савдоТел: +998 71 239-86-76 

4. Махкамова Зулайхо Бахриддиновна. Йўналиш: Оила ва хотин-қизлар ишлари. Тел: +998 71 239-86-76 

✅Вазирлар:

1. Кудратов Лазиз Шавкатович 
Инвестициялар, саноат ва савдо вазири.  Тел: +998 71 238-51-51 

2. Кучкаров Джамшид Анварович Иқтисодиёт ва молия вазири. Тел: +998 71 203-19-93 

3. Исламов Бобир Фархадович 
Тоғ-кон саноати ва геология вазири.Тел: +998 71 256-86-53 

4.Хидоятов Шерзод Саиджанович Қурилиш ва уй-жой коммунал хўжалиги вазири. Тел: +998 71 210-11-04 

5. Зоҳидов Ботир Эркинович 
Камбағалликни қисқартириш ва бандлик вазири. Тел: +998 71 203-01-61 

6.Шарипов Конгратбай Авезимбетович  Олий таълим, фан ва инновациялар вазири. Тел: +998 71 207-87-80 

7.Умарова Хилола Уктамовна 
Мактабгача ва мактаб таълими вазири. Тел: +998 71 241-01-15 

8.Абдухакимов Азиз Абдукахарович Екология, атроф-муҳит ва иқлим ўзгариши вазири. Тел: +998 71 207-07-70 

9.Икрамов Адхам Илхамович 
Спорт вазири. Тел: +998 71 239-24-00 

10. Абдурахмонов Иброхим Юлчиевич Қишлоқ хўжалиги вазири. Тел: +998 71 206-70-65

11.Хамраев Шавкат Рахимович Сув хўжалиги вазири.Тел: +998 71 202-47-01 

12. Шерматов Шерзод Хотамович Рақамли технологиялар вазири.Тел: +998 71 238-41-07 

14.Ташкулов Акбар Джурабаевич Адлия вазири.Тел: +998 71 207-04-58 

15.Махкамов Илҳом Рустамович Транспорт вазири  Тел: +998 71 202-05-01 

16. Назарбеков Озодбек Аҳмадович Маданият вазири 
Тел: +998 55 502-33-77 

17.Халмухамедов Шуҳрат Ғайратжонович Мудофаа вазири.Тел: +998 71 262-98-68 

18.Мирзамахмудов Журабек Турсунпулатович Енергетика вазири. Тел: +998 71 231-81-18 

19.Худаяров Асилбек Анварович  Соғлиқни сақлаш вазири. Тел: +998 71 244-10-33 

20.Саидов Бахтиёр Одилович 
Ташқи ишлар вазири.Тел: +998 71 233-80-98 

21.Ташпулатов Азиз Анварович  Ички ишлар вазири.Тел: +998 71 231-43-04 

22.Қудратхўжаев Ботир Баҳромович  Фавқулодда вазиятлар вазири.Тел: +998 71 234-90-12 

✉️ Юристга савол юбориш

Расмий каналимиз:
👉 @Yurist_Xizmati 👈

❗️Нафақага чиққан шахс ишламаслиги керак деган қоида йўқ

@Yurist_Xizmati 5073-савол:

Assalomu alaykum! Xodim pensiya yoshiga yetdi va ishlashda davom etmoqda uni ish beruvchi tomonidan ishdan bushatsa buladimi

ЮРИСТ ЖАВОБИ:

Нафақага чиққан шахс ишламаслиги керак деган қоида йўқ. Аксинча Ўзбекистон Республикаси Президентининг 167-сон фармонига кўра пенсия ёшига етганларни ишдан бўшатиш тақиқланиши ҳақидаги қоидалар келтирилган.

Ундан ташқари, янги таҳрирдаги Меҳнат кодексига мувофиқ (161-модда) иш берувчи ходимнинг пенсия ёшига етганлиги муносабати билан у билан тузилган меҳнат шартномасини бекор қилиш ҳуқуқига эга эмас.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Малака оширишга борган ходимга ойлик маоши тўлиқ тўланмайдими?

@Yurist_Xizmati 5072-савол:

Assalomu alaykum yaxshimisiz.
O‘qituvchilar ychun malaka ishirish 1 oy bo‘ldi. Savolim: Malakaga borgan o‘qituvchiga oylik maoshi to‘liq to‘lanmaydimi? Buxgalter shu paytgacha to‘luq to‘lagan edik endi aprel oyidan boshlab faqat asosiy ish haqi to‘lanadi,  maktadagi ustama,  xalqaro sertifikat ustamasi to‘lanmaydi dedi lekin Maktabgacha va maktab vazirligi ishonch telefoniga tel qilganimda mutaxasis quyidagicha javib berdi: birinchi marotaba boradigan o‘qituvchiga to‘liq ish haqi to‘lanadi, ikkinchi marotaba borayotgan o‘qituvchiga faqat asosiy ish haqi to‘lanadi dedi. Shu masalada huquqiy yordam bersangiz.

ЮРИСТ ЖАВОБИ:

🙅‍♂ Малака ошириш хизмат сафари ҳисобланмайди.

Вазирлар Маҳкамасининг 2022 йил 2 августдаги 424-сон қарорига иловада тасдиқланган “Ўзбекистон Республикаси ҳудудида хизмат сафарлари тўғрисида”ги низом 2-бандига кўра ташкилот раҳбарининг буйруғига (қарори, фармойишига) асосан ходимнинг ўзининг доимий иш жойидан бошқа жойга хизмат топшириғини бажариш учун маълум бир муддатга юборилиши хизмат сафари ҳисобланади.

🆙Эътибор берган бўлсангиз, хизмат сафари бу иш берувчининг топшириғи билан ходимнинг бошқа ҳудудда муайян топшириқни бажариши ҳисобланади.

Меҳнат кодексининг 280-моддасига эътибор беринг! Унга кўра иш берувчи, ходим хизмат сафарида бўлган давр ва ходим ишдан ажралган ҳолда ўзи ва иш берувчи учун мажбурий бўлган қайта тайёрлашдан ёки мажбурий малака оширишдан ўтган давр ҳамда бошқа ҳолатларда кафолатли тўловларни амалга ошириши шарт.

МК 286-моддасига кўра, иш берувчи қуйидаги ҳолларда ходимга унинг ўз меҳнат мажбуриятларини бажариши билан боғлиқ харажатларни компенсация қилиши шарт:

▶️ хизмат сафарларида бўлганда;
▶️ иш берувчининг йўлланмаси билан касбий тайёргарликдан, қайта тайёрлаш, малака ошириш ва стажировкадан ўтганда.

☝️ Эътибор берган бўлсангиз, МК 280, 286 ва бошқа моддаларда малака ошириш ва хизмат сафари алоҳида-алоҳида кўрсатиляпти. Хизмат сафари ва малака ошириш даврида ходимнинг ўртача иш ҳақи сақлаб қолинади.

💁‍♂ Бунда Меҳнат кодексининг 257-моддасига асосан ходимнинг ўртача ойлик иш ҳақи ҳисобланади. Ушбу модданинг учинчи қисмига кўра Меҳнатга ҳақ тўлашнинг вақтбай тизимидаги ходимларнинг ўртача иш ҳақи ходимнинг ўртача иш ҳақи сақланиб қоладиган ойдан олдинги охирги календарь ой учун тариф ставкаси (лавозим маоши) миқдоридан келиб чиқиб, ходимнинг ўртача иш ҳақи сақланиб қоладиган ойдан олдинги ўн икки календарь ой учун устамалар, мукофотлар ва бошқа тўловлар (ушбу Кодекс 248-моддасининг учинчи қисмида назарда тутилган иш ҳақининг қўшимча қисми) суммасининг ўн иккидан бир қисми ўртача иш ҳақига жамланган ҳолда белгиланади.

✅Мана шу қоидага кўра ходимнинг устамалари унинг ўртача иш ҳақини ҳисоблашда қўшилади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Инклюзив таълим учун 40 фоизлик устамани 20 фоизга туширилиши тўғрими?

@Yurist_Xizmati 5071-савол:

Assalomu alaykum. Bizni maktabda inklyuziv sinf bor. Ikkita defektolog ishlaymiz. Bizga 40 foiz ustama toʻlanar edi. Fevral oyida butunlay toʻxtatib qoʻydi. Endi mart oyidan 20 foiz toʻlaymiz  agar bitta defektolog boʻlganda 40 foiz toʻlanardi ikkita boʻlganinglar uchun 20 foizdan toʻlaymiz deyapti. Bizni har birimizda 5 tadan alohida taʼlimga ehtoyoji bor oʻquvchi bor. Ekonomistning shu gapi qonuniymi?

ЮРИСТ ЖАВОБИ:

Вазирлар Маҳкамасининг 2021-йил 12-октабрдаги 638-сон қарорига 1-иловада тасдиқланган Умумий ўрта таълим ташкилотларида инклюзив таълимни ташкил этиш тартиби тўғрисидаги Низом 53-бандига кўра инклюзив таълим синфлари ўқитувчиларига меҳнатнинг алоҳида шароитлари учун ҳар ойда тўланадиган устама ҳақи синфда алоҳида таълим эҳтиёжлари бўлган:
✅ бир нафар бола учун лавозим маошининг 10 фоизи;
✅ икки нафар бола учун лавозим маошининг 20 фоизи;
✅ уч нафар бола учун лавозим маошининг 30 фоизи миқдорида;
✅ икки ва ундан ортиқ инклюзив таълим синфларида тўрт нафар ва ундан ортиқ бола учун таълим-тарбия ишларини олиб борган ўқитувчилар ва махсус педагогларга лавозим маошининг 40 фоизи миқдорида белгиланади.

Юқоридаги қоидага эътибор берсангиз, унда 40 фоизлик устама қандай ҳолларда тўланиши аниқ белгиланмоқда. Яъни мазкур устама мактабда 2 тадан ортиқ инклюзив таълим синфи бўлганда ва ҳар бир синфда камида 4 тадан бола ўққиганда ўқитувчилар ва махсус педагогларга тўланади.

Саволда мактабда 2 та инклюзив таълим синфи борлигини ва ҳар бирида 5 тадан бола борлигини айтгансиз, шунга кўра мактабда инклюзив синфлар айнан шундай шаклда ташкил этилган бўлса, сизларга 40 фоиздан устама тўланиши керак деб ҳисоблаймиз.

❗️Бу ҳолатда туман адлия бўлимига мурожаат қилишни тавсия қиламиз.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈