⛈QDUda Karamatdin Sultanovning "Ájiniyaz" kitobi taqdimoti bo‘lib o‘tdi

🔘Bugun, 17-yanvar kuni Berdaq nomidagi Qoraqalpoq davlat universitetida Qoraqalpog‘iston xalq yozuvchisi Karamatdin Sultonovning "Ájiniyaz" kitobining taqdimoti bo‘lib o‘tdi. Unda Qoraqalpog‘iston Yozuvchilar uyushmasi a’zosi Beknazar Ernazarov, Qoraqalpoq davlat universiteti Qoraqalpoq adabiyoti kafedrasi dotsenti G‘ayrat Allamuratov, adibning qizi Tamara Sultanova, "Aydınlar," "Booky" loyihalari boshqaruvchisi Azizbek Dabilov, professor-o‘qituvchilar, talaba-yoshlar, kitobxonlar, yozuvchi, shoirlar va ommaviy axborot vositalari vakillari ishtirok etdi.

🔘Tadbirni universitetning Yoshlar masalalari va ma’naviy-ma’rifiy ishlar bo‘yicha prorektori S.Alawatdinov ochib berdi va boshqarib bordi. Tadbirda so‘zga chiqqanlar kitobning yuqori saviyada chop etilgani, yoshlar o‘rtasida kitobxonlik madaniyatini rivojlantirish hamda qoraqalpoq, o‘zbek va jahon mumtoz adabiyotiga qiziqishni oshirish muhimligi ta’kidlandi. Kitob taqdimotida ma’ruzachilar va so‘zga chiqqanlar yozuvchining kitobi mazmun-mohiyatini ilmiy, badiiy jihatdan ochib berishga erishdi. Shuningdek, "Aydınlar", "Booky" loyihalari boshqaruvchisi Azizbek Dabilov bugungi kunda ushbu kitobning audio formatida kitobxonlar uchun tayyorlanganini o‘z ma’ruzasida aytib o‘tdi.

🔘Adibning "Ájiniyaz" nomli tarixiy asari XIX asr qoraqalpoq adabiyotining buyuk mumtoz shoiri Ájiniyaz Qosıbay o‘g‘lining hayotidan olingan. Asar mazmuni Ájiniyozning yoshlik chog‘larida xalq hayotining ijtimoiy ziddiyatiga qurilgan. Romanda bola yigit Ájiniyaz taqdiriga bog‘liq ko‘plab harakatlarni tasvirlagan. Yoshlar tashabbusi va davlat rahbarlarining qo‘llab-quvvatlashi bilan qoraqalpoq adabiyotining ushbu asari 1000 nusxada chop etildi.

Bizni kuzating

✅Telegram | 🌐Instagram | 📹YouTube | ✅Facebook