KARSU.UZ

#Tyutor_iskerligi

🤔Fizika fakultetinde studentlerdiń ata-anaları menen ushırasıw bolıp ótti. Bul ushırasıwdıń tiykarǵı maqseti studentlerdiń bilimlendiriw procesi, oqıw dáwirindegi jetiskenlikleri, sociallıq belsendiligi hám tártibi haqqında ata-analarǵa maǵlıwmat beriw, olardıń pikir-usınısların tıńlaw hám óz-ara birge islesiwdi bekkemlewden ibarat boldı.

🤔Ilajda fakultet dekanı, A.Muratov, topar tyutorlar hám ata-analar qatnastı. Fakultet dekanı dáslep shıǵıp sóylep, bilimlendiriw procesinde alıp barılıp atırǵan jumıslar, pánlerdi ózlestiriwde studentler erisip atırǵan nátiyjeler hám studentlerdiń sociallıq hám mádeniy joybarlardaǵı qatnasıwı haqqında tolıq maǵlıwmat berdi.

🤔Ushırasıw dawamında ata-analar perzentleriniń bilim alıwı hám jasaw sharayatlarına baylanıslı sorawlar menen múrájat etti. Olardı qızıqtırǵan máseleler boyınsha fakultet basshıları hám topar tyutorları tárepinen tolıq túsinikler berildi. Sonday-aq, ata-analar da óz perzentlerine oqıwda tabısqa erisiw ushın zárúr bolǵan sharayatlardı jaratıwda óz úleslerin qosıwǵa tayar ekenin bildirdi.

🤔Ilaj sońında studentlerdiń jetiskenlikleri, tártip-intizam hám sociallıq belsendilikti jáne de arttırıw boyınsha ata-analar, professor-oqıtıwshılar hám studentler arasında óz-ara birge islesiwdi kúsheytiw máseleleri dodalandı. Bul ushırasıw fakultet hám ata-analar arasındaǵı qarım-qatnastı kúsheytip, studentlerdiń hár tárepleme rawajlanıwına xızmet etiwi menen ayrıqsha áhmiyetke iye boldı.

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook

⚡️Húrmetli isbilermenler hám respublikamız turǵınları

✅«QR MENTOR CENTER» Nókis biznes inkubator tárepinen shólkemlestirilip atırǵan «Grant arzasın jazıwda áhmiyetli úsh másele» atlı tólemli seminarǵa mirát etemiz!

⏰Waqtı: 22-Yanvar saat 15:00.

📍Mánzil: Nókis qalası, I.Karimov kóshesi, nomersiz jay.
Ózbekstan Sawda-sanaat palatasınıń Qaraqalpaqstan Respublikası basqarması májilisler zalı.

📝Seminar shólkemlestiriwshisi:
«QR MENTOR CENTER» Nókis biznes inkubator.

📞Dizimnen ótiw ushın baylanıs telefonlar:
+998 93 921 06 22
+998 90 652 06 24
+998 99 700 95 17
+998 91 301 09 01
+998 97 787 22 55

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook

⚡️«Huqıqbuzarlıq hám jınayatshılıqqa qarsı gúresiw» atamasında profilaktikalıq ilaj ótkerildi

🤔Ózbekstan Respublikası Prezidentiniń 2017-jıl 14-mart kúngi «Huqıqbuzarlıq profilaktikası hám jınayatshılıqqa qarsı gúresiw sistemasın jáne de jetilistiriw is-ilajları haqqında»ǵı PQ-2833-sanlı qararına muwapıq hápteniń hár piyshembi kúni huqıqbuzarlıq profilaktikası kúni dep belgilengen. Usı múnásibet penen Matematika fakultetinde aralıqtan oqıtıw tálim baǵdarı student-jasları arasında jınayatshılıq hám huqıqbuzarlıqtıń aldın alıw, oǵan qarsı gúresiw hám de olar arasında profilaktikalıq úgit-násiyatlaw jumısların alıp barıw maqsetinde «Huqıqbuzarlıq hám jınayatshılıqqa qarsı gúresiw» atamasında profilaktikalıq úgit-násiyatlaw ilajı ótkerildi.

🤔Ilajǵa Matematika fakulteti Jaslar menen islesiw boyınsha dekan orınbasarı J.Nizekeev, Hayal-qızlar máseleleri  boyınsha dekan másláhátshisi Sh.Erejepova, QMU profilaktika inspektorı, mayor I.Erejepov, Algoritmlestiriw hám programmalastırıw texnologiyaları kafedrası baslıǵı R.Utemuratov, kafedra oqıtıwshıları A.Kalbaev, M.Qudaynazarov, tyutorlar hám studentler qatnastı. Ilajda bayanatshılar universitettiń ishki tártip-qaǵıydaları, kóshede, jámiyetlik orınlarda hár bir insannıń ózin uslap-tutıwı, avtotransportlardı belgilengen qaǵıydalar tiykarında basqarıw haqqında sóz etti.

🤔Sonday-aq, jınayat kóshesine kirip qalıwdan awlaq bolıw, urlıq islew, qumar oynaw, óz-ara jánjellesiw, zorlıq hám basım ótkeriw, jol háreketi qáwipsizligi qaǵıydaları, spirtli ishimlikler ishiw, kewil ashar orınlarǵa barıw, korrupciya, aldawshılıq, tonawshılıq, diniy ekstremizm, kiberjınayat, pirotexnika ónimlerin paydalanıw yamasa satıw, hár túrli náshebentlik, psixotrop zatlardı paydalanıw, satıw yamasa satıp alıw sıyaqlı jınayatlardıń awır aqıbetleri, qısqı dem alıs kúnlerin tınıshlıq hám qáwipsiz ótkeriw, olarǵa qollanılatuǵın nızam tiykarındaǵı sharalar boyınsha óz túsiniklerin berip, mádeniy-ruwxıylıq ilajlarǵa belsene qatnasıp barıw kerekligi haqqında keń túrde pikir-usınısların bildirip ótti.

➡️Tolıq oqıw

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook

#Hayal_qızlar_keńesi_iskerligi

⚡️Ijarada jasawshı student qızlardıń hal-jaǵdayınan xabar alındı

🟡Berdaq atındaǵı Qaraqalpaq mámleketlik universiteti hayal-qızlar máseleleri boyınsha rektor másláhátshisi I.Seytnazarovanıń basshılıǵında Qaraqalpaq filologiyası hám jurnalistika, Fizika hám Shet tilleri fakultetleriniń Nókis qalası «Tuńǵısh qonıs» MPJna qaraslı 21-kishi rayonda ijarada jasawshı student qızlarınıń hal-jaǵdayınan xabar alındı.

🟡Ol jerde student qızlardıń jasaw sharayatları, xanalarınıń tazalıǵı, jılıtıw úskeneleri, sabaq tayarlaw hám dem alıw ushın jaratılǵan qolaylıqları kózden ótkerildi. Studentlerdiń jasaw sharayatın kelip kóriwdegi maqset – qızlardıń tınıshlıǵın, tártip-intizamın támiynlew, sonday-aq, olardıń pikir usınısların tıńlawdan ibarat.

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook

⚡️Prezidenttiń videoselektorda bergen tapsırmaları sheńberinde universitette májilis bolıp ótti

🟢Xabarıńız bar, usı jıldıń 16-yanvar kúni Húrmetli Prezidentimizdiń basshılıǵında investiciyalardı keńnen tartıw hám eksporttı arttırıw baǵdarındaǵı jumıslardıń nátiyjeliligi jáne de aldaǵı tiykarǵı wazıypalar boyınsha videoselektor májilisi bolıp ótti. Bul májiliste bildirilgen usınıslar hám tapsırmalar, sonday-aq, Joqarı bilimlendiriw, ilim hám innovaciyalar ministri Qońıratbay Sharipovtiń barlıq joqarı oqıw orınları tárepinen isleniwi tiyis bolǵan wazıypalar boyınsha búgin Berdaq atındaǵı Qaraqalpaq mámleketlik universitetinde rektor A.Reymov basshılıǵında májilis bolıp ótti.

🟢Májiliste universitettiń barlıq prorektorları, fakultet dekanları hám kafedra baslıqları qatnastı. Onda Húrmetli Prezidentimiz tárepinen belgilengen tiykarǵı wazıypalardıń universitet dárejesinde ámelge asırılıwı, bilimlendiriw hám ilim baǵdarlarında investiciyalardı tartıw imkaniyatları, sonday-aq, eksport potencialına iye izertlewler menen qollanbalardı keńeytiw boyınsha ilajlar tolıq dodalandı. Rektor A.Reymov óziniń shıǵıp sóylegen sózinde Húrmetli Prezidentimiz tapsırmalarınan kelip shıǵıp, universitet aldında turǵan wazıypalardı belgilep berdi.

🟢Atap aytqanda, xalıqaralıq birge islesiwdi jáne de kúsheytiw, innovaciyalıq joybarlardı alǵa qoyıw, sonday-aq, ilimiy-texnologiyalıq qollanbalardı kommerciyalastırıw arqalı universitettiń ulıwma potencialın arttırıw, sonıń menen birge, sırt el joqarı oqıw orınları menen birgeliktegi grantlardı ámelge asırıw hám ilimiy jumıs nátiyjelerin ámeliyatqa engiziw boyınsha kórsetpeler berdi. Májilis dawamında rektor A.Reymov bul wazıypalardıń orınlanıwın támiyinlew ushın juwapkerlerge anıq tapsırmalar berdi hám belgilengen múddetlerde nátiyjeler boyınsha esabat beriw zárúrligin atap ótti.

➡️Tolıq oqıw

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook

#ǴXQ_QMU_haqqında

Berdaq atındaǵı Qaraqalpaq mámleketlik universitetinde jańadan zamanagóy tiptegi 400 orınlıq studentler turaq jayı paydalanıwǵa tapsırıldı

Student-jaslar ushın jaratılǵan bunday imkaniyatlar Respublikalıq hám jergilikli ǵalaba xabar qurallarında da keńnen jarıq kórmekte.

🤔Qaraqalpaqstan Respublikası Joqarǵı Keńesiniń rásmiy kanalı
👉 https://t.me/joqargikenes/23938

🤔Qaraqalpaqstan Respublikası Ministrler Keńesiniń rásmiy kanalı
👉 https://t.me/QResMinistrlerKenesi/35900

🤔Ózbekstan Respublikası Joqarı bilimlendiriw, ilim hám innovaciyalar ministrliginiń rásmiy kanalı
👉https://t.me/eduuz/29491?single

🤔Ózbekstan Milliy málimleme agentligi – ÓzA rásmiy veb-saytı
👉 https://uza.uz/uz/posts/talabalar-turar-zhoyi-foydalanishga-topshirildi-video_678829

🤔Qaraqalpaqstan xabar agentligi – KRIA rásmiy veb-saytı
👉 https://t.me/kknews_uz/57631

🤔«Ózbekstan24» telekanalı
👉https://t.me/www_karsu_uz/41575

🤔«Qaraqalpaqstan» telekanalı «Xabar» informaciyalıq baǵdarlaması
👉https://t.me/www_karsu_uz/41555

🤔«Jaslar» telekanalı
👉https://t.me/www_karsu_uz/41599

🤔«Qaraqalpaq 24» Telegram kanalı
👉 https://t.me/KARAKALPAK24/37946

🤔«Ne jańalıq?» Telegram kanalı
👉https://t.me/ne_janaliq/27867

🤔«KarPressa» Telegram kanalı
👉 https://t.me/KarPressa/20986

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook