Aytgin, ey O‘zbegim, senga ne bo‘ldi?
Holingga boqsam gar yoshlanar ko‘zim.
Mazlum farzandlaring yoshi sel bo‘ldi,
To‘ymas beklaring-chi, o‘ylagan o‘zin!
Aytgin, ey O‘zbegim, senga ne bo‘ldi?
Ma’rifat nuriga parda tortasan,
Begunoh farzanding zindonga tashlab,
Qani, haq deganni jarga otasan?
Ne-ne ziyolilar boshida sirtmoq,
Darding yozay desa, sinar qalami.
Xoinlar bazm qilmoqda shu chog‘,
Haqni aytgandachi, kelar alami.
Tarixing, o‘zliging botqoqqa tashlab,
Deysan, ko‘ring kelgan yangi zamon bu.
Aslichi, nafslari hakalak otgan
Beklarning qo‘lida qolgan zamon bu!
Xoin bo‘lolmadim, yurtim, sanga man,
Qalbim ham quyoshdek bir senga botdi.
Lekin senga xiyonat qilgan manqurtlar
Ko‘ksingdan itardi, qayg‘uga otdi.
Tohira Nazar
Holingga boqsam gar yoshlanar ko‘zim.
Mazlum farzandlaring yoshi sel bo‘ldi,
To‘ymas beklaring-chi, o‘ylagan o‘zin!
Aytgin, ey O‘zbegim, senga ne bo‘ldi?
Ma’rifat nuriga parda tortasan,
Begunoh farzanding zindonga tashlab,
Qani, haq deganni jarga otasan?
Ne-ne ziyolilar boshida sirtmoq,
Darding yozay desa, sinar qalami.
Xoinlar bazm qilmoqda shu chog‘,
Haqni aytgandachi, kelar alami.
Tarixing, o‘zliging botqoqqa tashlab,
Deysan, ko‘ring kelgan yangi zamon bu.
Aslichi, nafslari hakalak otgan
Beklarning qo‘lida qolgan zamon bu!
Xoin bo‘lolmadim, yurtim, sanga man,
Qalbim ham quyoshdek bir senga botdi.
Lekin senga xiyonat qilgan manqurtlar
Ko‘ksingdan itardi, qayg‘uga otdi.
Tohira Nazar