Мақсадга эришиш билан ҳеч қандай боғлиқ бўлмаган ҳаракатларга тақлид қилишга мойиллик инсоният учун муҳим ҳусусият ҳисобланади

2017-йилги тажрибада (видеода) болалар ва боноболарга маъносиз ҳаракатлар қилгандан сўнг, контейнерни қандай очиш кераклиги кўрсатилган. Болаларнинг аксарияти контейнерни очишдан олдин бу ҳаракатларни такрорлашган, 46 бонобо маймунларидан ҳеч бири ассистентга тақлид қилмаган. Бунинг ўрнига, улар дарҳол чайқаш, тақиллатиш ва тишлаш каби ҳаракатлар ёрдамида идишни очишга ҳаракат қила бошлашган

2005-йилдаги шунга ўхшаш тадқиқотда шимпанзелар шаффоф бўлмаган қутини кўриб, барча очилиш ҳаракатларига тақлид қилишган (ҳам мақсад билан боғлиқ, ҳам боғлиқ бўлмаган). Шаффоф қути билан эса шимпанзелар фақат уни очиш учун керакли ҳаракатларни нусхалашган. Болаларнинг аксарияти иккала ҳолатда ҳам барча ҳаракатларга тақлид қилишган

Асосан фақат мақсадли ҳаракатларга тақлид қиладиган бошқа маймунлардан фарқли ўлароқ, одамлар мақсадга эришиш билан боғлиқ бўлмаган ҳаракатларга тақлид қилишга мойил. Бунинг натижасида инсонларда кўплаб маъносиз стереотиплар, динлар ва маданиятлар шаклланган. Улар мақсад учун ҳеч қандай маънога эга бўлмасада тақлид қилиш орқали мустаҳкамланган

@themantiq