Бундан ҳам гўзал хушхабар борми?

Машҳур аллома шаҳид Муҳаммад Саъид Рамазон Бутий раҳматуллоҳи алайҳ уйланганларидан тахминан бир ҳафта кейин ўзлари билан боғлиқ бўлган бир қиссани айтиб берадилар:

Бир куни эрталаб ҳужрам эшиги тақиллаб қолди. Мен масжидда намоз ўқиб бўлгандан кейин келиб ухлаётган эдим. Бу уйланганимдан тахминан бир ҳафта ўтиб бўлган эди.

Отам баланд овоз билан мени чақириб: «Сен ҳали ҳам уйқудамисан, сенга келган хушхабарлар сени кечаси билан шукр саждасини қилиб ўтказишингни талаб қилади-ку!» - дедилар.

У кишининг қичқириқларидан уйғониб кетдим ва чиқиб у падарим далолат қилаётган хушхабар ҳақида сўрадим.

Отам айтдики: "Бу кеча тушимда Расулуллоҳ соллаллоҳу алайҳи ва салламнинг келганларини кўрдим. У зот билан бирга бир неча кишилар ҳам бор эди. Билдимки улар у зотнинг саҳобалари экан..
У зот менга: Саъидни уйланганлиги билан муборакбод этгани келдик, дедилар».

Бу хабар менга ушбу уйланиш саодатини ҳис қилдирган нарсаларнинг биринчиси эди. Кейин Аллоҳ ҳадя қилган ушбу улуғ яхшилик ва мўл-кўл саодат бугунгача давом этди.

«Бу менинг отамдир» китобидан Абдуллоҳ Ғуломов таржимаси.

@temurazam