Sirdaryo tumani hokimligi

Xorijdagi yoshlar bilan navbatdagi onlayn muloqot tashkil etildi

Sirdaryo tumani sektor rahbarlari hamda tegishli masʼullar ishtirokida xorijda mehnat migranti bo‘lib ishlayotgan, oliy taʼlim muassasalarida tahsil olayotgan sirdaryolik yoshlar bilan navbatdagi onlayn muloqot tashkil etildi.

Rasmiyatchilikdan holi, samimiy va do‘stona ruhda kechgan muloqotda yoshlarning tadbirkorlik faoliyatini yo‘lga qo‘yish, ish bilan taʼminlash bilan bog‘liq ko‘plab savollarga batafsil javob berildi.

Shuningdek Sirdaryo tumanida aholi bandligini taʼminlash borasida amalga oshirilayotgan dasturlar, tashkil qilinayotgan yangi ish o‘rinlari hamda tumanda ijtimoiy-iqtisodiy va boshqa sohalarda bo‘layotgan o‘zgarishlar to‘g‘risida maʼlumotlar berildi.

📲 @Sirdaryotumanpress

#talim

⚡️Oʻzbekistonda xalqaro imtihonlarga bo'lgan qiziqish ortib bormoqda

👨‍🏫 Ayniqsa, yoshlar xorijda ta’lim olishni, zamonaviy kasblarni o'rganishni istashmoqda. Davlatimiz ularning intilishlarini qo‘llab-quvvatlab, xalqaro imtihon xarajatlarini qoplash imkoniyatini yaratmoqda.

📈 2024-yil statistikasi:

⏺Xalqaro imtihonlar uchun jami 24 534 ta ariza topshirilgan boʻlib, bu 2023-yilga nisbatan 10% oʻsishni koʻrsatadi.

⏺Bunda IELTS eng talabgir imtihonga aylandi – 14 782 ta ariza kelib tushdi. Shundan 11421 tasi davlat tomonidan moliyalashtirildi.

⏺Hududlar kesimida Toshkent shahri yetakchi boʻldi: 5043 ta arizachiga xarajatlar qoplab berildi. Imtihon xarajatlarini qoplash uchun 10 milliard 596 million soʻm mablagʻ ajratildi.

⏺IELTS'dan tashqari, TORFL/ТРКИga – 5774 ta, TOEFL iBTga – 293 ta ariza topshirildi.

⏺Akademik imtihonlarga ham talab yuqori bo'ldi: SATga – 2922 ta, GREga – 54 ta, GMATga – 36 ta ariza kelib tushdi.

⏺Osiyo tillari boʻyicha imtihonlar (TOPIK, HSK, JLPT) ham oʻz oʻrniga ega boʻlib, jami 235 ta arizani tashkil etdi.

💬 Muvaffaqiyatli yoshlar safiga siz ham qo‘shiling!

📱 Хizmatdan foydalanish uchun havola: https://my.gov.uz/oz/service/413

🌐  my.gov.uz | egov.uz
🚀Telegram 🔵 Facebook  ▶️YouTube 📷instagram 🚀 Bot

Xalq deputatlari Sirdaryo tuman Kengashining VII-chaqiriq 6-sessiyasi bo‘lib o‘tdi

Sessiya kun tartibida quyidagi masalalar ko‘rib chiqildi.

1. 2025-yilda Sirdaryo tumanini kompleks ijtimoiy-iqtisodiy rivojlantirish dasturi to‘g‘risida.

2. Tuman mahalliy byudjetining 2025-yil boshiga shakllangan erkin qoldiq mablag‘larini ishlatish taklifini tasdiqlash va mablag‘ ajratish to‘g‘risida.

3. Xalq deputatlari tuman Kengashi deputatlari tomonidan o‘z saylovchilari oldida axborot berishning namunaviy tartibi va 2025-yilning 1-choragi davomida o‘z faoliyati yuzasidan saylovchilar oldida axborot berishining reja-jadvalini tasdiqlash to‘g‘risida.

4. Sirdaryo tumani hududidagi qishloq xo‘jaligiga mo‘ljallangan yerlarda amalga oshirilgan monitoring natijalari to‘g‘risida.

5. Va boshqa masalalar.

📲 @Sirdaryotumanpress

⚡️“Tashabbusli budjet”ning 2025-yilgi 1-mavsumi doirasida ovoz berish bosqichi boshlandi

“Tashabbusli budjet” jarayonlarining 2025 yilgi 1-mavsumi 1-fevraldan boshlanib, 20-martga qadar davom etadi. Bunda:

⁃ Loyiha kiritish bosqichi — 1–20 fevral;

⁃ Saralash bosqichi — 21 fevral–7 mart;

⁃ Targ‘ibot bisqichi — 8–10 mart;

⁃ Ovoz berish bosqichi — 11–20 mart kunlari o‘tkaziladi.

Joriy yildagi 1-mavsum g‘oliblari 21 mart — Navro‘z bayrami kuni e’lon qilinadi.

📲 @Sirdaryotumanpress

Sayyor qabul-muammolar yechimining samarali tizimi

Sirdaryo tumani ichki ishlar boshqarmasi boshlig’i, 3-sektori rahbari Oybek Abdullayev tomonidan “Shirin” mahallasida tasdiqlangan reja-grafik asosida sayyor qabul o‘tkazdi.

Qabulda fuqarolarning ichimlik suvi bilan taʼminlash, elektr energiyasini yaxshilash, davolanish va moddiy yordam olish kabi murojaatlariga yechim izlandi.

Murojaatlar tegishli tartibda nazoratga olinib, bir qanchasi joyida ijobiy yechim topgan bo‘lsa, qolganlarining ijrosini taʼminlash yuzasidan muddat belgilandi.

📲 @Sirdaryotumanpress