To‘g‘ri, bilmay sevib qoldim seni axir,
Lekin, afsus to‘g‘ri kelmas ekan taqdir,
Aytmoqchiydim qilmay dedim senga qahr,
Sevgilimning yoshginasi kichik ekan.

Yoshingni ham so‘ray desam xijolat dil,
Yoki og‘rib qolarmikan dedim ko‘ngil,
Yo‘qotgim ham kelmas axir sen buni bil,
Sevgilimning yoshginasi kichik ekan.

Seni deya sitam chekdim, bildirmadim,
Ichimda dard lekin senga sezdirmadim,
Vaqt davo bu kunlar hamki o‘tar dedim,
Sevgilimning yoshginasi kichik ekan.

Shirin so‘zlab qilgan eding meni telba,
Hayratda dil taslim bo‘ldim deya tavba,
Chidolmayman ketgin deya berma zarba,
Sevgilimning yoshginasi kichik ekan.

Sog‘inchlarda yurak titrab to‘ldi-ku dard,
Nomusimiz o‘yladimda qo‘nmasin gard,
Lekin afsus topolmadim sendayin mard,
Sevgilimning yoshginasi kichik ekan.

Qo‘lim siltab unutmoqchi bo‘ldim barin,
Qiynalsam-da sendan olis yurdim nari,
Alam qilar borolmayman yoshsan hali,
Sevgilimning yoshginasi kichik ekan.

✍Solihabegim
Dilafruz Shahrixoniy