«БУРЧИНГНИ АДО ЭТ»

Томирингда оқар шижоат,
Сендадир энг метин матонат,
Кўрсатиб қўй битта жасорат,
Йигитлик бурчингни адо эт.

Тоблантир ироданг, саботинг,
Ҳарбийлик чинакам ҳаётинг,
Унутиб қўйма қасамёдинг,
Йигитлик бурчингни адо эт.

Ўзинг бўл шу юртнинг қалқони,
Бепаён сарҳадлар посбони,
Ўзбекнинг ҳақиқий ўғлони,
Йигитлик бурчингни адо эт.

Муқаддас ватаннинг байроғи,
Муқаддас заминнинг тупроғи,
Бўл тинчлик машьали, чироғи,
Йигитлик бурчингни адо эт.

Жасорат мерос бу авлодга,
Ғанимлар қолажак иснодга,
Муносиб Темурдек аждодга,
Йигитлик бурчингни адо эт.

Қўлласин боболар дуоси,
Кетмасин озодлик ҳавоси,
Мард ўғлон, миллатнинг фидоси,
Йигитлик бурчингни адо эт.

✍Абдумуталиб Эргашалиев

https://t.me/+PBE4iYDhh-GjsEVv


Ⓜ️anba: @sherlar


        👍 #like_boss