СEВАМАН ДEГИН

Қўлларингни ушлайман, деб айт,
Қўйвормайман, оташман деб айт,
Юрагимга кирдинг қайси пайт,
Севаман де, севаман деб айт?

Ҳайқирганча юраклар урсин,
Ғурурларинг бир четда турсин,
Вафо нима, бир билиб қўйсин,
Севаман де, севаман деб айт?

Шам мисоли ёнайлик бирдек,
Гар йўқ бўлсанг, нелардир камдек,
Азоб, дарддан нари тургин, тек,
Севаман де, севаман деб айт?

Ҳар лаҳзада яйрасин танам,
Кўрсатмагин кўзларимда нам,
Пушаймонда чекмайин алам,
Севаман де, севаман деб айт?

Сенсиз қолмоқ ўлим билан тенг,
Парчаланган юраклардай кенг,
Кераклиги, муҳимлиги энг,
Севаман де, севаман деб айт?

Бизни кўрган қилсинда ҳавас,
Бирга бўлмоқ билгин осонмас,
Чекинмасдан, кураш бўлди, бас,
Севаман де, севаман деб айт?

✍Солиҳабегим
Дилафуруз Шаҳрихоний

https://t.me/+PBE4iYDhh-GjsEVv


Ⓜ️anba: @sherlar


        👍 #like_boss