Samarqand viloyati Veterinariya va chorvachilikni rivojlantirish boshqarmasi | axborot xizmati

#Adliya_xabari #Qonunchilikdagi_yangiliklar

❗️Yangi yil bayramida dam olish kunlari belgilandi

⚡️“Yangi yil bayramini nishonlash davrida qo'shimcha ishlanmaydigan kunni belgilash va dam olish kunini ko'chirish to'g'risida”gi Prezident qarori (452-son, 24.12.2024 y.) qabul qilindi

✅ Qarorga ko'ra, 2025-yilda 5 kunlik ish haftasida ishlaydigan xodimlar uchun dam olish kuni 4 yanvar – shanba kunidan 2 yanvar – payshanba kuniga ko'chirildi hamda 6 kunlik ish haftasida ishlaydigan xodimlar uchun 2 yanvar – payshanba qo'shimcha dam olish kuni etib belgilandi.

📌 Yangi yil bayrami arafasida quyidagi kunlar dam olinadi:

🔹28 dekabr (shanba) — 5 kunlik ish haftasida ishlaydigan xodimlar uchun dam olish kuni (6 kunlik ish haftasida ishlaydigan xodimlar uchun ish kuni);

🔹29 dekabr (yakshanba) — umumiy dam olish kuni;

🔹30 dekabr (dushanba) — qo'shimcha dam olish kuni;

🔹31 dekabr (seshanba) — qo'shimcha dam olish kuni;

🔹1 yanvar (chorshanba) — Yangi yil bayrami;

🔹2 yanvar (payshanba) — 5 kunlik ish haftasida ishlaydigan xodimlar uchun dam olish kuni, 6 kunlik ish haftasida ishlaydigan xodimlar uchun qo'shimcha dam olish kuni.

Kanalga ulanish👇👇👇
https://t.me/huquqiyaxborot_lotin

E’tirof va qutlov: Samarqandda qishloq xo‘jaligi xodimlari kuni keng nishonlandi

🟢Qishloq xo‘jaligi mamlakat iqtisodiyotining tayanch tarmoqlaridan biri sifatida e’tirof etilib, bu sohada amalga oshirilayotgan islohotlar mamlakatimizning oziq-ovqat xavfsizligini ta’minlash va eksport salohiyatini oshirishda muhim ahamiyat kasb etmoqda. Bu jarayonda fidoyi dehqonlar, mirishkor fermerlar, chorvadorlar, irrigatorlar, agronomlar va boshqa qishloq xo‘jaligi xodimlarining o‘rni beqiyos. 

🎗Ana shunday mehnatkash insonlar faoliyatini e’tirof etish va rag‘batlantirish maqsadida bugun Samarqand viloyatining Samarqand shahrida joylashgan “Diyora” bazmgohida Qishloq xo‘jaligi xodimlari kuni - “Hosil bayrami” keng nishonlandi. Tadbirda qishloq xo‘jaligi vaziri Ibrohim Abdurahmonov, Samarqand viloyati hokimi Adiz Boboyev, viloyat qishloq xo‘jaligi mas’ullari, klaster rahbarlari, fermerlar, tizim tashkilotlari vakillari va sohada faoliyat yuritayotgan ko‘plab ishchi-xodimlar ishtirok etishdi.

🔝Tadbir avvalida Samarqand viloyati hokimi Adiz Boboyev barcha qishloq xo‘jaligi xodimlarini bayram bilan samimiy qutlar ekan, mirishkor dehqonlar, fidoyi fermerlar, zahmatkash chorvador va pillakorlar, suv va tuproqni samarali boshqarayotgan irrigatorlar, mexanizatorlar, agronomlar hamda o‘z bilim va tajribasini soha rivojiga baxshida qilayotgan jonkuyar olim va mutaxassislarning mehnatini yuqori baholadi.

Shuningdek, bayram tadbirida qishloq  xo‘jaligi vaziri Ibrohim Abdurahmonov qishloq xo‘jaligi xodimlariga o‘z tabrik so‘zini yo‘llab, bugungi kunda sohada amalga oshirilayotgan keng islohotlar, Prezidentimiz tomonidan ilgari surilayotgan qator tashabbuslar, tizimda joriy etilayotgan innovatsion loyihalar, sifatli va natijaga yo‘nalgan sa’y-harakatlar yordamida erishilgan yuqori hosildorlik borasida so‘z yuritdi va bu kabi samaradorlikning ta’minlanishida samarqandlik fermer, dehqonlarning ham ko‘magi beqiyos ekanligini ta’kidladi.

 
🎁Bayram davomida sohada zahmatli mehnat qilib kelayotgan sohaning zalvorli yukini o‘z yelkasida ko‘tarib kelayotgan mirishkor dehqon va fermerlar, tizim istiqboli uchun samimiy mehnat qilib, qishloq xo‘jaligining rivoji uchun sa’y-harakatini ayamay kelayotgan 10 nafar xodim “O‘zbekiston Respublikasi qishloq xo‘jaligi fidoyisi” ko‘krak nishoni, 37 nafar soha mutaxassislari faxriy yorliq hamda esdalik sovg‘alari bilan taqdirlanishdi. 

✅Bu kabi e’tirof va rag‘batlantirishlar xodimlarni yanada ko‘proq mehnat qilishga undash bilan birga, ularning faoliyatini qadrlashda muhim o‘rin tutadi. Tadbirning bayramona qismi turli musiqiy chiqishlar bilan davom etdi. Unda ishtirok etayotgan barcha soha vakillari esa, ko‘tarinki kayfiyatda tadbirni kuzatib, o‘z mehnatlarining qadrlanishidan mamnun bo‘ldilar.

📌Mazkur tadbir yakunida Samarqand viloyati hokimligi va Toshkent davlat agrar universiteti o‘rtasida ilmiy, texnik va amaliy hamkorlik qilish bo‘yicha anglashuv memorandumi imzolandi. Aytish mumkinki, bu kabi hamkorlik kelishuvlari soha rivojiga yo‘nalgan ko‘plab loyihalarning amaliyotga tatbiq etilishiga, shuningdek, talabalarning bu boradagi nazariy va amaliy salohiyatining ortishiga xizmat qiladi.

🌐Website 💬Telegram 💬Facebook 📺YouTube 📷Instagram