QISHLOQ XO'JALIGI VAZIRLIGI

AQSH kompaniyasi bilan yangi hamkorlik aloqalari o‘rnatilmoqda

🟢Bugun Qishloq xo‘jaligi vazirligida AQSHning zanglamaydigan metall sanoat va qishloq xo‘jaligi texnikalari ishlab chiqaruvchi "Paul Mueller Company" vakillari bilan uchrashuv bo‘lib o‘tdi.

💬Unda ikki tomonlama hamkorlikni yo‘lga qo‘yish masalalari muhokama qilindi.

💬Muloqot davomida, “Paul Mueller Company” kompaniyasi, O‘zbekistonning sut sanoati va strategik mintaqaviy mavqeini inobatga olgan holda, mamlakatni faoliyat uchun potensial baza sifatida ko‘rishini ta’kidladi.

🎯Kompaniya, sut mahsulotlari ishlab chiqaruvchilar va qayta ishlash kompaniyalari bilan uchrashuvlar o‘tkazib, O‘zbekistonda qishloq xo‘jaligi va sutchilikda foydalaniladigan texnikalarni ishlab chiqarishni yo‘lga qo‘yishni maqsad qilgan.

🌍"Paul Mueller Company" 1940-yilda AQSHning Missuri shtatining Springfield shahrida tashkil etilgan bo‘lib, ishlab chiqarish va sotish jarayonlarini Osceola, Ayova, Groenlo, Niderlandiya va Vetnamda olib bormoqda.

✅Tashrifning asosiy maqsadi O‘zbekiston sut sanoatini modernizatsiya qilish va samaradorligini oshirish yo‘llarini belgilashdir. Bu, shuningdek, qishloq xo‘jaligini rivojlantirish va xorijiy investitsiyalarni jalb qilishning ustuvor vazifalariga mos keladi.

🔵Uchrashuv davomida, O‘zbekistonning sut va meva-sabzavotlarni qayta ishlash salohiyati to‘g‘risida ma’lumotlar taqdim etildi. Yakunida sutchilik va meva-sabzavotchilik sohalarida hamkorlik aloqalarini rivojlantirish bo‘yicha aniq takliflar ishlab chiqishga kelishib olindi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Po‘stloq ostiga payvand qilish: Tushunarli va mukammal qo‘llanma

🌳Po‘stloq ostiga payvand qilish — bu yangi navlarni mavjud daraxtlarga ulab, bog‘lar hosildorligini oshirish va mevalarning sifatini yaxshilash usuli. Bu usul ayniqsa danakli (olxo‘ri, shaftoli, nok, olma) va urug‘li (anor, tut) daraxtlar uchun qo‘llaniladi.

✂️Asosan, o‘simlikni faol o‘sish davrida (3-4 sm yangi o‘sish bo‘lgan paytda) payvand qilish eng yaxshi natija beradi. Bunda ulash uchun 30-60 sm uzunlikdagi katta shoxlar kesiladi. Biroq, ona shox qoldirilishi shart. U ulangan navlarga ozuqa yetkazib beradi va ularning yaxshi o‘sib ketishini ta’minlaydi.

▶️Ona shox boshqa ulangan novdalardan pastda bo‘lishi kerak. So‘ng, 5-6 sm uzunlikda po‘stloq kesiladi. Po‘stloq yaxshi ajralishi uchun kesish yo‘nalishini to‘g‘ri tanlashishi zarur. Ulangan novda qalamdan qalinroq bo‘ladi. Novdani 4 sm uzunlikda qiya (diagonal) qilib kesiladi, xuddi shu kesilgan joyni orqa tomonida ham 4 sm uzunlikda kesiladi.

Novdani po‘st ostiga joylash

➖Ulangan novda tayyorlangan shox po‘sti orasiga kiritiladi;
➖Ushlab turishi va tez bitishi uchun bir-biriga mixlab qo‘yiladi;
➖Shox aylanasi bo‘ylab har 10 sm masofada yangi navlar ulanadi.

📌Qurib qolish va chirishning oldini olish uchun ulangan joy bog‘lab, mustahkamlab qo‘yiladi. Keyin suvga asoslangan bo‘yoq (voda emulsiya) bilan bo‘yaladi. Bunda 3 litr voda emulsiyaga 1 litr suv qo‘shib tayyorlanadi. Ulangan novdaning ustki va pastki qismlari bo‘yaladi. Yangi o‘sgan novdalar shamoldan zararlanmasligi uchun ularni tirgakka bog‘lash lozim.

Nega po‘stloq ostiga payvand qilish samarali?

➖Eski daraxtlarga yangi navlarni ulab hosildorlikni oshirish mumkin;
➖Changlantiruvchi navlarni yetishmayotgan bog‘larda yangi changlantiruvchi navlar ulash mumkin, bu esa mevalarning hosildorligini yaxshilaydi;
➖Ushbu usul genetik jihatdan kuchli daraxtlarni saqlab qolish imkonini beradi.

✅Po‘stloq ostiga payvand qilish bu samarali, tabiiy va iqtisodiy jihatdan foydali usul bo‘lib, bog‘ni modernizatsiya qilish va navlarni o‘zgartirish uchun ajoyib yechim hisoblanadi. Daraxtlar to‘g‘ri tayyorlansa, ulangan navlar tez o‘sib ketadi va bog‘ hosildorligi keskin oshadi!

🌐Website 💬Telegram 💬Facebook 📺YouTube 📷Instagram

🇺🇿O‘zbekiston Milliy axborot agentligi (Uza.uz) ning rasmiy sahifasida qishloq xo‘jaligi vaziri Ibrohim Abdurahmonov bilan bo‘lib o‘tgan "Texnika asrining murakkab savollariga insoniylik tushunchalari bilan javob berishimiz lozim" mavzusidagi suhbat havola etildi.

🗣Unda zamonaviy ilm-fan va texnologiyalarning ahamiyati, ilmiy yutuqlarning iqtisodiy rivojlanish va inson hayoti sifatini oshirishdagi roli, texnologik taraqqiyotni axloqiy me’yorlar bilan uyg‘unlashtirish kabi masalalar yuzasidan fikrlar ilgari surilgan.

📌Shuningdek, qishloq xo‘jaligi sohasida HECI tizimi (Humanity, Ethics, Creativity, and Imagination) joriy etilib, oliy ta’lim muassasalarida innovatsion va axloqiy bilimlarni uyg‘un rivojlantirishga e’tibor qaratilayotgani borasida ham alohida to‘xtalib o‘tilgan.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Qishloq xo'jaligi raqamlarda:

✅Hozirda dunyo aholisining soni 8,1 mlrd kishidan oshib, o‘rtacha yillik o‘sish 75 mln kishini tashkil etmoqda. Ushbu holat o‘z navbatida jahonda oziq-ovqat mahsulotlariga bo‘lgan talabni oshishiga olib kelmoqda.

📰Ma’lumotlarga ko‘ra, dunyo aholisi sonining oshishi natijasida 2050-yilga borib bugungi kunga nisbatan 70 foiz ko‘proq oziq-ovqat yetishtirish zarurati paydo bo‘ladi.

🌐Website 💬Telegram 💬Facebook 📺YouTube 📷Instagram

Ona asalari yetishtirish texnologiyasi: mukammal tizim va qo‘shimcha tavsiyalar

🐝Ona asalari yetishtirishni muvaffaqiyatli amalga oshirish uchun texnologik jarayonning barcha bosqichi puxta rejalashtirilishi lozim. Dastavval, har bir asosiy oiladan 3 ta mumkatak romli, ona arisi mavjud kichik yosh oila shakllantiriladi.

💫Yotoq uyalarining orqa tomonidan kichik teshikcha ochilib, faner yoki kontrplak yordamida 4–5 ta mumkatak rom sig‘adigan cho‘ntak hosil qilinadi. Ushbu cho‘ntak kichik oilaning rivojlanishi uchun alohida maydon vazifasini bajaradi.

🍯Yosh oilani mustahkamlash uchun asal va gulchang aralashmasidan iborat qo‘shimcha oziq berish tavsiya etiladi. Yosh oilani kuchsizlantirmaslik uchun ularning ichiga begona asalari kirishining oldini olish maqsadida teshikchalarga maxsus himoya setkalar o‘rnatish lozim.

❗️Yotoq uyada asosiy va kichik oila qishlashga ketadi. Bu jarayon davomida 4–5 ta mumkatak romdagi arilar yetarli oziq bilan ta’minlanishi kerak. Qishki sovuqlardan himoya qilish uchun uyani maxsus izolyatsiya materiallari bilan qoplash tavsiya etiladi.

📌Kelgusi yil bahorida kichik yosh oilani kuchaytirish uchun asosiy oiladan 2 ta usti yopilgan lichinkali rom olib qo‘shiladi. Bu kichik oilaning tez o‘sishini ta’minlaydi. Jarayon davomida kichik yosh oilaning ona arisi vaqtincha dumaloq simli qafas to‘r ostiga joylashtiriladi.

📸Romlarni qo‘shishdan oldin arilarning sog‘lig‘i va lichinkalarning sifatini diqqat bilan tekshirish zarur. Har qanday yuqumli kasallik aniqlansa, davolash choralari ko‘rilishi kerak. Bahorda harorat barqaror bo‘lishini ta’minlash uchun yotoq uyaning joylashuvi va o‘rami e’tiborga olinishi lozim.

✅Ona arilarni yuqori mahsuldor zotlardan yetishtirish kichik oilalarning rivojlanishini tezlashtiradi va asalarichilikdan olinadigan umumiy foydani oshiradi. Asosiy va kichik oilalar o‘rtasida muntazam ravishda resurslar almashinuvini tashkil etish resurslardan samarali foydalanishga imkon beradi.

❗️Asalarilarning tabiiy sharoitini yaxshilash uchun ularning atrofidagi o‘simliklarni ko‘paytirish muhimdir. Ona asalari yetishtirish texnologiyasi samarali amalga oshirilsa, bu nafaqat asalarichilik mahsuldorligini oshiradi, balki kichik oilalarning iqtisodiy jihatdan mustahkamlanishiga ham yordam beradi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Dorivor issop (hyssopus): u o‘zida qanday foydali xususiyatlarni jamlagan?

✅Ushbu shifobaxsh o‘simlik qadimdan tibbiyotda keng qo‘llanilib kelinadi. Uning tarkibidagi fotokimyoviy moddalar yallig‘lanishni kamaytirishga yordam beradi. Shamollash, bronxit va boshqa nafas yo‘llari kasalliklarini bartaraf etishda birlamchi vosita sifatida ko‘riladi.

🍃O‘simlik yo‘talni yengillashtiradi va nafas olish yo‘llarini tozalashga yordam beradi. Shuningdek, teri yaralari va kesiklarini davolashda qo‘llaniladi. Qolaversa, oshqozon va ichak faoliyatini yaxshilash, ovqat hazm qilish tizimidagi muammolarni yengillashtirish xususiyatiga ham ega.

🔵Uni qanday yetishtirish mumkin?

🔘Dorivor issop (hyssopus) o‘simligi asosan urug‘idan yoki vegetativ yo‘l bilan ko‘paytiriladi. Uning yaxshi o‘sishi va rivojlanishi uchun unumdor tuproqlar, quyosh yaxshi tushadigan maydonlar tanlanishi kerak. Issop ko‘p yillik o‘simlik bo‘lganligi sababli, uni almashlab ekish dalalariga joylashtirmaslik lozim. Chunki, u bir yerda 20-25 yil davomida hosil berishi mumkin.

💬O‘simlik ekiladigan yerlarni kuzda gektar hisobida 15-20 tonna chirigan go‘ng va 30-40 kg superfosfat, yog‘ingarchilik kam bo‘ladigan mintaqalarda va sizot suvlari chuqur joylashgan tuproqlarda 20 kg dan azot o‘g‘iti berib, yerni 25-28 sm chuqurlikda haydab qo‘yiladi.

❗️Uni urug‘idan ko‘paytirish eng yaxshi usul hisoblanadi. Urug‘ni eng mo‘tadil ekish vaqti oktabr oyining oxiri va noyabr oyining birinchi haftasi hisoblanadi. Urug‘lar chuqurroq (2-3 sm) ekiladi. Ular qurib qolmasligi va mog‘orlamasligi uchun vaqti-vaqti bilan namlab turiladi.

💧Ekishdan oldin yerlar begona o‘tlar qoldiqlaridan tozalanadi, boronalanadi va mola bilan tekislanadi. Havo harorati 15-17°C isiganda egat oralari 70 sm qilib ekiladi. Har bir gektar yerga 4 kg gacha urug‘ sarflanadi. Agar tuproq tarkibida namlik yetishmasa, ekilgandan so‘ng darhol sug‘oriladi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Uy hovlisiga qanday daraxt turlarini ekish mumkin?

🌳Uy hovlisiga ekish uchun bir qancha foydali daraxt turlari mavjud. Ular havo sifatini yaxshilash, soya hosil qilish, meva berish yoki estetik jihatdan go‘zal ko‘rinishni ta’minlash maqsadida tanlanadi. Quyidagi daraxtlar uy hovlilari eng foydali hisoblanadi:

🍒 Mevali daraxtlar:
➖Olma: Ekilishi oson va hosildor daraxt. Bahorda go‘zal gullar, kuzda esa mazali meva beradi.
➖Gilos: Shirin mevalari va bezakli ko‘rinishi bilan yaxshi tanlov.
➖O‘rik: Tez o‘sadi va mazali mevalar beradi.

🌳Soyali daraxtlar:
➖Yong‘oq: Katta va keng soyali, mevalari ham foydali.
➖Akatsiya: Juda tez o‘sadi va issiqda yaxshi soya beradi.

🌺Bezakli daraxtlar:
➖Magnoliya: Bahorda chiroyli gullaydi va juda go‘zal ko‘rinish hosil qiladi.
➖Sireniya (lilak): Xushbo‘y gullari va bezakli ko‘rinishi bilan ma’lum.

ℹ️Shuningdek, har qanday daraxtni ekishda tuproq va iqlim sharoitlariga e’tibor berish muhim. Hovlingizning o‘lchami va boshqa shartlarni inobatga olib, o‘zingiz uchun eng mos daraxtni tanlashingiz mumkin.

🌐Website 💬Telegram 💬Facebook 📺YouTube 📷Instagram

Bodom daraxti: turlari va zararkunandalari

🌱Bodom – yong‘oqsimon mevalilar turkumiga mansub bo‘lib, mamlakatimiz hududida juda keng tarqalgan, qadimdan parvarishlanib kelinadigan daraxtlardan biridir.

✅Hozirgi kunda bodomning 40 ga yaqin turi ma’lum. Osiyo shimoli hamda Markaziy Amerikada, Yevropaning janubida, O‘rta Osiyoda tarqalgan. O‘zbekistonda 5 turi mavjud bo‘lib, ulardan asosan, shirin mag‘izli bodom (A.somminis L.) ekiladi, qolganlari yovvoyi holda uchraydi.

↔️Bodom daraxtiga 20 turga yaqin zararkunandalar zarar keltiradi. Quyida esa uning asosiy zararkunandalari keltirilgan:
– yong‘oq mevaxo‘ri;
– sharq mevaxo‘ri;
– olti nuqtali zlatka;
– bodom zlatkasi;
– akmeodera;
– shiralar.

🌐Website 💬Telegram 💬Facebook 📺YouTube 📷Instagram