QISHLOQ XO'JALIGI VAZIRLIGI

🌱🌱🌱🌱🌱🌱

Ommabop va serhosil no‘xat: uni qanday sharoitda yetishtirish samara beradi?

🍃No‘xat yorug‘likka talabchan, issiqsevar o‘simliklar guruhiga kiradi, ammo urug‘lari +2-5°C haroratda unib chiqa boshlaydi. Bu jarayon 20-30 kunga cho‘zilib ketishi mumkin. Havo harorati +6-8°C bo‘lganda urug‘lar 10 kunda unib chiqishi kuzatiladi. Maysalari -8, -10°C sovuqqa bardosh beradi.

✅Gullash va dukkaklanish davrlarida issiqlikka talabchan bo‘ladi. Uning O‘zbekistonda qishlab chiqadigan bir nechta shakllari mavjud. Dukkakli-don ekinlari orasida lalmikor yerlarda qurg‘oqchilikka va yuqori issiq haroratga eng chidamli bo‘lgan o‘simliklardan hisoblanadi.

❗️No‘xat qurg‘oqchilikka chidamli dukkakli-don ekinlaridan hisoblanadi. Tuproqda maqbul namlik CHDNS 60-75% bo‘lganda, o‘simliklar yaxshi o‘sadi. Namgarchilik mo‘l bo‘lganda askoxitozdan ko‘p zararlanadi. Tuproqni unchalik ham tanlamaydi, sho‘rlangan, unumdorligi past, qumloq yerlarda kam hosil beraveradi. O‘sish sharoiti va navlariga qarab o‘sish davri 65-140 kun bo‘lishi mumkin.

🔗No‘xat bir tonna urug‘ va shunga muvofiq vegetativ organlar hosil qilish uchun sof holda 52 kg azot, 21 kg fosfor, 49 kg kaliy o‘zlashtiradi. Ozuqa moddalarini eng ko‘p o‘zlashtiradigan davri urug‘ning to‘lishi, pastki dukkaklarning sarg‘ayishiga to‘g‘ri keladi.

💬Ushbu o‘simlik uchun eng qulay bo‘lgan tuproqlar, qumloqli bo‘z va o‘tloq tuproqlardir. Ular kislotali va qumli tuproqlarda yomon o‘sadi. O‘zbekistonda keng tarqalgan dukkakli don ekinlari uchun eng yaxshi tuproq muhiti pH 6,0-7,5.

🌐Website 💬Telegram 💬Facebook 📺YouTube 📷Instagram

Edilboy qo‘y zotlari

🐏 Edilboy qo‘y zoti – go‘sht-yog‘ yo‘nalishidagi dag‘al jun beradigan yirik dumbali qo‘y zoti. XIX asrda Qozog‘istonda xalq seleksionerlari tomonidan mahalliy dumbali qo‘ylarni tanlash va ko‘paytirish yo‘li bilan chiqarilgan. Zot yirik gavda tuzilishi, tez o‘suvchanlik, erta yetiluvchanlik, yuqori mahsuldorlik va sifatli juni bilan tavsiflanadi.

ℹ️Mahsuldorligi jihatidan hisori qo‘ylariga yaqin. Tusi qoramtir, qo‘ng‘ir, oq, sarg‘ish, qo‘chqorlari ham, sovliqlari ham to‘qol.

🥩 Qo‘chqorlarining tirik vazni 100–105 (ba’zan 150) kg, sovliqlariniki 65–70 (115) kg, 4–5 oylik qo‘zilariniki 40–42 kg. Qo‘chqorlaridan 3–3,5 kg, sovliqlaridan 2,5 kg jun olinadi (kokillarining uzunligi 15 sm). Sovliqlari nisbatan sersut. Edilboy qo‘y zoti, asosan, Qozog‘istonda sof holda urchitib, ko‘paytiriladi.

🌐Website 💬Telegram 💬Facebook 📺YouTube 📷Instagram

👍👍👍👍👍👍👍👍

Yomg‘irlatib sug‘orish tizimining afzalliklari:

1. Ekin maydonlarini sug‘orish uchun o‘qariqlar va egat olish talab etilmaydi, natijada har bir gektardan o‘rtacha 106 ming so‘m iqtisod qilinadi. Hosildorlik 30 s/ga oshadi, daromad esa 9 mln so‘mga ortadi;
2. Ekin maydonlarni sug‘orish uchun ortiqcha suv sarflanishini oldini olish orqali har bir gektardan o‘rtacha 2 600 kub metr suv hamda suv solig‘i uchun sarflanadigan mablag‘larning 60-70 foizi iqtisod qilinadi;
3. Har bir gektarda urug‘ sarfi 250-300 kgdan 160-180 kg/ga qisqarishi evaziga o‘rtacha 720-960 ming so‘m iqtisod qilinadi,
4. Ekin maydonlarni sug‘orishda suv bir tekis taqsimlanadi, natijada suv yetib bormaslik holatlari kuzatilmaydi hamda ekinlarning bir xilda rivojlanishiga erishiladi;
5. Mineral o‘g‘itlar suv bilan birga berilishi natijasida har bir gektarda o‘rtacha 400 kg azotli o‘g‘it tejalib, 1,1 mln so‘m iqtisod qilinadi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Mosh ekish sxemasi, miqdori va unga oid agrotexnik amaliyot

🌲Egat oralig‘i 60-70 sm, bir qatorda o‘simliklar oralig‘i 15 sm holatda ekiladi. Ekish miqdori naviga qarab o‘rtacha 16 kg gektariga tashkil qiladi.

▶️Agar 90 sm egat oraligida ikki qatorda ekilganda, o‘simliklar oralig‘i 15 sm va urug‘ ekish miqdori 30 kg gektariga tashkil qiladi.

✅Ertapishar «Durdona» navi o‘simliklari yuqori ko‘chat qalinligiga chidamlidir. Qalin ekilishiga qarab sarflanadigan urug‘ miqdori 30 kg gektariga tashkil qiladi.

Ekish sxemasi

🌱70 sm ikki qatorda, qator oralig‘i - 15-20 sm, o‘simliklar oralig‘i 15 sm bo‘ladi. Katta maydonlarda mosh don seyalkalari yordamida, kichik maydonlarda esa qo‘lda tesha bilan ekiladi.

❗️Urug‘larni ekish chuqurligi 3-5 sm bo‘lishi lozim. Sug’orishda suvni boshqarish juda muhim. Oziqlantirishda ham me’yorning ahamiyati yuqori. Harorat yuqori bo’lishi tavsiya etilmaydi.

📌U Asosan bahor va yoz oylarida ekiladi. O‘simlik tez o‘sishi, yaxshi soya berishi bilan yerning namligini saqlaydi. Sho‘r va oziq moddalar kam bo’lgan tuproqlarda ham yaxshi rivojlanadi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Ziravor o‘simliklarning qanday foydali xususiyatlari bor?

🌱Ziravor o‘simliklar – taomlarga lazzat kirituvchi va xushbo'y hid beruvchi o‘simliklar bo‘lib, ko‘p yillik, ikki yillik va bir yillik turlariga bo‘linadi, ularga Zira, Zirk, Zig‘ir, Zig‘irak, Murch va boshqa o‘simliklar kiradi.

🍲Ushbu o’simliklar asosan, taomlarni mazali va xushbo‘y qilish bilan birga, sog‘liq uchun ham bir qator foydali xususiyatlarga ega. Ular ko‘plab madaniyatlarda uzoq tarixga ega bo‘lib, xalq tabobatida keng qo‘llaniladi.

🟢Zira - o‘zining kuchli ta'mi va hidiga ega bo‘lgani uchun oshpazlikda keng qo‘llaniladi. U turli xil taomlar, shu jumladan, go‘sht, sabzavot va dukkaklilar bilan birga ishlatiladi. U oshqozon faoliyatini yaxshilaydi, gazni kamaytiradi va hazm jarayonini qo‘llab-quvvatlaydi. Shuningdek, immunitetni kuchaytiradi.

🟢Zirk - u O‘rta Sharq va Osiyo oshxonalarida keng tarqalgan. Bu o’simlik salatlar, sho‘rvalar va go‘shtli taomlarda ishlatiladi. Zirk yallig‘lanishni kamaytiradi, qon aylanishini yaxshilaydi va toksinlarni chiqarishda yordam beradi. Bu o‘simlikning barglari va urug‘lari antibakterial xususiyatlarga ega.

🟢Zig‘ir - uning urug‘lari sog‘liq uchun foydali yog‘lar manbai hisoblanadi va turli xil taomlarda, shu jumladan, non va salatlarda ishlatiladi. U omega-3 yog‘ kislotalariga boy bo‘lib, yurak salomatligini yaxshilaydi. Shuningdek, ichak faoliyatini normallashtiradi va teri sog‘ligini qo‘llab-quvvatlaydi.

🟢Zig‘irak - ko‘pincha hind oshxonasida ishlatiladi. U ozuqalarga xushbo‘y hid va ta'm berish uchun qo‘shiladi. Zig‘irak hazm qilishni yaxshilaydi, oshqozon og‘rig‘ini kamaytiradi va yallig‘lanishga qarshi xususiyatlarga ega. U, shuningdek, respirator kasalliklar uchun foydali hisoblanadi.

🟢Murch - u taomlarga achchiqlik berish uchun keng qo‘llaniladi va ko‘plab oshxonalar uchun asosiy ziravorlardan biridir. Murch metabolizmni tezlashtiradi va hazm jarayonini yaxshilaydi. U shuningdek, yallig‘lanishga qarshi va antibakterial xususiyatlarga ega.

🌐Website 💬Telegram 💬Facebook 📺YouTube 📷Instagram

Ishning samaradorligi puxta qilingan rejada aks etadi

🟢Bugun qishloq xo‘jaligi vaziri Ibrohim Abdurahmonov raisligida qishloq xo‘jaligida amalga oshirilayotgan islohotlarning natijadorligiga bag‘ishlangan yig‘ilish o‘tkazildi.

🔀Unda vazir o‘rinbosarlari, vazirlik markaziy apparati, departament va boshqarma boshliqlari ishtirok etishdi.

✅Yig‘ilishda, dastavval, paxtachilikda amalga oshirilishi lozim bo‘lgan kelgusi ishlar, xususan, "Agroplatforma" tizimini yanada takomillashtirish borasida mutasaddilarga topshiriqlar berildi.

🔗Shuningdek, yoshlarga yer ajratish masalalari ham muhokama qilindi. Xususan, qishloq xo‘jaligidagi yer va suv resurslaridan samarali foydalanish orqali oziq-ovqat ekinlari yetishtirishni ko‘paytirish, aholi, shu jumladan, yoshlar bandligini ta’minlash, daromadini oshirish borasida amalga oshirilayotgan ishlar tahlil etildi.

✍️Bundan tashqari, Toshkent viloyatida qishloq xo‘jaligida amalga oshirilayotgan ishlarning joriy holati ham muhokama qilindi. Bunda eng so‘nggi, istiqbolli deya topilgan amaliyotlarni qo‘llash, yerlardan unumli foydalanish zarurligi aytib o‘tildi.

⚡️Yig‘ilishda investitsion loyihalarning amaldagi holati, xususan, qishloq xo‘jaligi sohasida amalda o‘rnatilgan aloqalarni yanada mustahkamlash masalalari muhokama doirasida bo‘ldi. Bu borada investitsiya dasturiga kiritilgan loyihalar ijrosini ta’minlash yuzasidan ko‘rilayotgan choralar haqida mas’ul xodimlarning hisoboti tinglandi.

Qishloq xo‘jaligi vaziri Ibrohim Abdurahmonov ijro masalalariga to‘xtalar ekan, qonunchilik hujjatlari va topshiriqlar loyihalari tayyorlanishi ustidan shaxsiy nazoratni tashkil etish, ushbu hujjatlarni ijrochilarga tezkor yetkazilishi, mazkur hujjatlar ijrosi amalda nazorat qilinishini shaxsan tashkil etish hamda o‘z vaqtida, to‘liq va natijali ijro etilishini ta’minlash ijro intizomini mustahkamlashdagi asosiy vazifalardan biri ekanligini ta’kidlab o‘tdi.

❗️Yig‘ilish yakunida vazir mahsulotlarni qayta ishlash, aholini sifatli oziq-ovqat mahsulotlari bilan ta’minlash, oziq-ovqat xavfsizligiga erishish, suv masalalarini hal etish, yerdan unumli foydalanish, hududlarda ekilayotgan ekinlar sarhisobini yuritish, shu kabi muhim ma’lumotlar asosida ishni tizimli tashkil etish borasida ham o‘zining muhim topshiriqlarini berdi. 

📌Shu bilan birga, mas’ullarga har bir tumanni o‘rganish kerakligi hamda tumanlar ombor kitoblarini shakllantirish, bu boradagi ishlar samaradorligini nazorat qilishga qaratilgan bir qator ko‘rsatmalar berib o‘tdi.

🌐Website 💬Telegram 💬Facebook 📺YouTube 📷Instagram