RAMAZON MUBORAK

ТАРОЗИ (24. 09 — 23. 10)

Куннинг биринчи ярмида моддий аҳволингиз ажойиб тарзда яхшиланади. Аммо пулларни дарров ишлатишга тушиб кетманг. Агар заҳирангизда камомат юзага келган бўлса, ўшани тўлдиринг. Айримлар кун давомида бош, буйраклар оғриғи, қон босими тушиб кетишидан безовталанишлари мумкин. Агар бундай симптомлар сизни анчадан бери қур-қур безовта қилиб келаётган бўлса, врач кўригига шошилинг. Ўзингизни ўзингиз даволашга асло уринманг. Афсус чекиб қолишингиз ҳеч гап эмас.

ЧАЁН (24. 10 — 22. 11)

4 март куни ё дам олишни танланг, ё ишни. Агар ўзингизни ўта ҳорғин ҳис этаётган бўлсангиз, вақтинча дам олинг. Акси бўлса, бор кучингизни иш бажаришга сарфланг-да, мукофотини олинг. Баъзиларнинг заиф характерларига гувоҳ бўлсангиз, хотиржамликда муносабат билдиринг. Шунда ўша одам билан ҳам муносабатингизга путур етмайди. Кечқурун оила қурмаганларни романтик учрашув кутади. Тоза ҳаво сайрини ҳам эсдан чиқарманг.

ЎҚОТАР (23. 11 — 21. 12)

Тез-тез шамоллаб қолаётган бўлсангиз, тиббий кўрикдан ўтиш масаласини бугундан қолдирманг. Хасталикдан фақат профессионал тарздаги муолажаларгина халос эта олади. Молиявий масалага келсак, бугун даромаддан харажатлар кўпроқ бўлиши мумкин. Оила аъзоларингиз билан орангизга совуқчилик тушмаслиги учун уларга нисбатан мулойимроқ муносабат юритинг. Овқатланиш режимини бузманг. Асабларни эҳтиёт қилинг.

ТОҒ ЭЧКИСИ (22. 12 — 20. 01)

4 мартда ҳар қандай воқеа-ҳодисани фожиа сифатида қабул қилишга мойиллик сеза бошлайсиз. Нега? Вазият сиз ўйлаганчалик оғир бўлмайди. Тўғри, молиявий муаммоларни ижобий ҳал этиш учун бадавлат танишлар ёрдами керак бўлиши мумкин. Лекин бу пашшадан фил ясашга асос бўла олмайди. Моддий аҳволингизни яхшилашда сира тортинмасдан ўзига тўқ танишларга қўнғироқ қилинг. Кимдир албатта ёрдам қўлини чўзади. Ҳеч бўлмаганда қимматли маслаҳатини аямайди. Ўзингизни эҳтиёт қилинг.

ҚОВҒА (21. 01 — 19. 02)

Агар ишларингиз ўзингиз хоҳлагандек унумли кечмаётган бўлса, сира хавотирга тушманг. Булуциз осмон фақат эртаклардагина бўлишини унутманг. Муҳаббат бобида оила қурмаганларнинг омади чопади ва йигитлар танлаганига муҳаббат изҳор қилишга ниҳоят жазм қила олишади. Фақат бундай масъулиятли паллада бўшашишни хаёлингизга ҳам келтирманг. Саломатлик ҳақида ҳам алоҳида қайғуринг.

БАЛИҚ (20. 02 — 20. 03)

4 март куни ташқи кўринишингиз ва саломатлигингиз билан боғлиқ ноқулай вазиятлардан нари бўлишга ҳаракат қилинг. Башарти бугунга қандайдир муолажала белгиланган бўлса, бошқа кунга қолдира туринг. Шахсий ҳаётингизда кутилмаган вазиятлар кўндаланг бўлиши мумкин. Ё қаергадир фавқулодда жўнаб кетасиз, ё қариндошлардан бири учун зарур буюмни харид қиласиз.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

ҚЎЙ (21. 03 — 20. 04)

Агар ҳозирги пайтда бажараётган ишларингиз моддий манфаат келтирмаётган бўлса, дарҳол бошқа иш топишингиз тавсия этилади. Кун давомида сафарга отланишингиз ҳам эҳтимолга яқин. Лекин сафардаги муваффақиятлар ҳам вақтинча. Дўстлар билан турли мавзуларда баҳслашиб қолишингиз эҳтимоли бор. Бу шахсий ҳаётингиз ва оиласиз бўлсангиз, романтик мавзуда бўлиши ҳам мумкин. Асабни асранг.

БУЗОҚ (21. 04 — 21. 05)

4 мартда ҳар жиҳатдан бақувват, яъни, бадавлат шахслар билан учрашиб танишишингиз кутилади. Худди ўшалар баъзи масалаларга ҳушёр муносабат юритишни ўргатиб қўйишади. Ишга ижодий ёндашганлар яқин келажакда шахсий бизнесини очишлари мумкин. Молиявий аҳволингиз ўртача кечади. Пулсиз қолиб кетмайсиз. Асосийси шу. Тўғри эмасми? Оилавий ҳаётда яқинларингизни ранжитиб қўйишдан сақланинг. Кечқурун тоза ҳавода сайр қилинг.

ЭГИЗАКЛАР (22. 05 — 21. 06)

Оилангизда қулай ва илиқ бир муҳитни яратишга ҳаракат қилинг. Бу суюкли инсонингиз билан муносабатларни мустаҳкамлашда, рўзғордаги муаммоларни ижобий ҳал этишда ёрдам беради. Уй-жой, молия ва хусусий мулк масаласида танаффуслар кўзга ташланади. Саломатлигингиз ҳам бугун сизга панд бериши кутилмоқда. Аллергия ва шамоллашдан безовталанишингиз эҳтимоли бор. Кечқурун оғир ҳазм бўлувчи таомлар истеъмол қилишдан ўзингизни тийинг.

ҚИСҚИЧБАҚА (22. 06 — 23. 07)

4 март куни кўзингизга жуда иссиқ кўринаверадиган одам билан танишасиз. Ҳақиқатан, уни биринчи кўрганингиздаёқ жуда танишга ўхшатаверасиз. Бундай ҳолатлар охири муҳаббат билан якун топади. Демак, оиласиз бўлсангиз, ўша инсон сизнинг тақдирдошингизга айланиши мумкин. Профессионал касбингиз билан боғлиқ ишлар масъулият ва аниқлик талаб қилади. Раҳбарлар ишониб топширадиган вазифаларни қанча кўп адо этсангиз, мукофоти ҳам шунча кўп бўлади. Серқатнов йўлларда жуда эҳтиёт бўлинг.

АРСЛОН (24. 07 — 23. 08)

Организмингизни жисмонан зўриқтиришдан, совуқ ҳавода кўп туриб қолишдан ва спиртли ичимлик истеъмол қилишдан сақланинг. Булар иммунитетингиз тушиб кетишини таъминлаб, айрим аъзоларингизга жиддий зиён етказади. Ҳамкасблар билан ўзаро муносабатларни мустаҳкамлашга ҳаракат қилинг. Агар сабабсиз улар билан баҳслаша бошласангиз, танқидга учрашингиз мумкин. Эмоциянгизни жиловда ушланг.

ПАРИЗОД (24. 08 — 23. 09)

4 мартда заҳирадаги пулларни ишлатиб қўйишдан сақланишингиз тавсия этилади. Гарчи моддий аҳволингиз минусга тушиб қолган бўлса ҳам заҳирадаги пулларга тегманг. Яхшиси, харидлардан воз кечинг. Кечқурун ёқимли ва хушчақчақ бир даврага тушиб қолишингиз кутилади. Кайфиятингиз юқори босқичгача кўтарилиши тайин. Даврадаги ҳар бир иштирокчи сизга фақат оптимизм ҳадя этади. Сурункали хасталикка чалинганлар профилактика ҳақида унутиб қўймасинлар.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

📿Саловат айтишни унутманг...

✨Пайғамбаримиз ﷺ га БИР ДОНА. саловат айтишнинг фазилати:

✨Расулуллоҳ соллаллоҳу алайҳи ва саллам айтдилар: «Умматимдан ким менга холис бўлиб қалбидан бир дона саловат айтса, Аллоҳ унга шу сабаб;
- ўнта раҳмат йўллайди,
- ўн даражага кўтаради,
- ўнта ҳасанот ёзади,
- ўнта хатосини ўчиради».

📚 Насоий, Табароний, Баззор.

📿Аллоҳумма солли аълаа саййидина  Муҳаммад
📿Аллоҳумма солли аълаа саййидина  Муҳаммад
📿Аллоҳумма солли аълаа саййидина  Муҳаммад

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

ТАРОЗИ (23. 09 — 23. 10)

Бугун тарози буржи остида туғилганларнинг вужудида куч дегани бисёр бўлади. Уни қаерга сарфлашни билмай ҳалак бўласиз. Агар ишхонада имкон топмасангиз, шахсий ҳаётингиз учун сарфланг. Ҳаётда муаммолар тиқилиб ётибди. Уларни бартараф этиш учун куч керак. Куннинг иккинчи ярмида янги танишувларни бошдан кечирасиз. Бир дунё ижобий эмоцияларга ҳам эга чиқасиз. Кечқурун қувноқ бир даврага тушиб хумордан чиққунча хурсандчилик қилишингиз эҳтимоли бор.

ЧАЁН (24. 10 — 22. 11)

3 мартда қуёшга яқинроқ туринг. Сиз бошқалардан кўпроқ нур олишингиз керак. Чунки иш жойингизда юмушларнинг адоғи йўқ. Жасурлик, меҳнаткашлик учун қуёшдан қувват олишингиз зарур. Кўча таомини ейишдан сақланинг. Акс ҳолда ошқозонингизда жиддий муаммо пайдо бўлиши турган гап. Ошхонадаги овқатлар ёқмаса, эринмасдан уйингизга бориб овқатланинг. Кечқурун албатта тоза ҳавода сайр қилинг. Сурункали хасталикка йўлиққан бўлсангиз, муолажаларни ўз вақтида олинг.

ЎҚОТАР (23. 11 — 21. 12)

Бугун сиз ўз хаёлларингизни ва ғояларингизни бошқалардан сир тутишингиз талаб этилади. Шунда юз фоиз омадга эришасиз. Сизни тўғри тушунганлар, ҳурмат қиладиганлардан керак бўлганда ёрдамингизни аяманг. Кун давомида профессионал касбингиз доирасизда янги лойиҳаларни ишлаб чиқишга эътибор қаратинг. Агар уддасидан чиқа олсангиз, яқин келажакда сиздан бадавлати бўлмаслиги мумкин. Оллоҳ сизга ёр бўлсин!

ТОҒ ЭЧКИСИ (22. 12 — 19. 01)

3 март куни сизнинг ишда қанчалар уддабуронлигингизни ҳамма кўриб қўйсин. Сиздаги азартни ҳали ҳеч ким билмасди. Мана, бугун билиб қўйишади. Ҳа, истеъдодингизни бошқаларга кўрсатиб қўйиш пайти етди. Саломатлик масаласида сира ташвиш тортманг. У сизга панд бермоқчи эмас. Башарти бирор ерингизда оғриқ сезсангиз, фақат врач маслаҳатига амал қилган ҳолда муолажалар олинг. Ўзингизга ўзингиз табиблик қилманг. Кечқурун айримлар севимли хоббисига қайтишни ихтиёр этади. Бу ҳам вақтингизни мазмунли ўтказишингизда катта ёрдам беради.

ҚОВҒА (20. 01 — 18. 02)

Бугун қовға буржи остида таваллуд топганлар ўзидаги зарарли одатларнинг қулига айланиш хавфи бор. Тафаккурга қулоқ тутинг. Яқинларингизнинг сизга қўядиган талаби юқори даражада бўлади. Молиявий аҳволингизни яхшилашда жиддий тўсиқларга рўбарў бўлишингиз кутилади. Эҳтиёт бўлинг. Пулларингизни кўнгли қора кимсалардан нари сақланг. Сизга ҳасад қиладиганларнинг саноғи йўқ. Улар сизга зиён етказиш учун қулай вазиятни кутишади.

БАЛИҚ (19. 02 — 20. 03)

3 мартда ёлғизлар ўзи яқиндагина танишган инсон билан бир умрга хайрлашишлари зарур бўлади. Характерларингиз тўғри келмайди. Бу қарама-қаршилик билан биргаликда ҳаёт кечира олмайсиз. Ўзингизга мосини топишингизга тўғри келади. Фақат характерингизни яхши тарафга ўзгартиришингиз сўралади. Аёллар, қизлар баҳор келиши муносабати билан ташқи қиёфаларига эътибор қаратишса, ёмон бўлмасди.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

ҚЎЙ (21. 03 — 20. 04)

Бугун сизни айрим кимсалар таъқиб остига олиши мумкин. Сиз ҳам жавоб сифатида уларни кузатинг. Ажаб эмаски, асл ниятлари шундан кейин ошкор бўлса. Тадбиркор бўлсангиз, бундай кимсалардан сақланишингиз керак. Рўзғордаги муаммоларни ўз вақтида бартараф этганингиз учун сизни яқинларингиз олқишлашлари мумкин. Жуфтингиз билан орадаги муносабатлар бироз совуқлашган бўлса, бугун улар ҳам ўз жойига тушади. Айримлар кечқурун уй таъмири билан банд бўлишлари кутилади.

БУЗОҚ (21. 04 — 20. 05)

3 март куни ишхонангизда шу қадар фаоллашасизки, мукофотни нақд қилиб қўясиз. Мукофот ҳақида анчадан бери ўйлардингиз. Ҳатто, уни нимага сарфлашни ҳам режалаштириб қўйган бўлсангиз азаб эмас. Тезликни камайтирманг. Аммо янги лойиҳаларга қўл уришдан тийила туринг. Кечқурун вақтингиз чоғ ўтиши кутилмоқда. Сизнинг шарофатингиз билан оиладаги муҳит жуда гўзал тус олади. Омад сизга ёр бўлсин!

ЭГИЗАКЛАР (21. 05 — 21. 06)

Бугун майда-чуйда ишлар билан банд бўлсангиз ҳам барибир даромадингиз камаймайди. Шунда ишнинг катта-кичиги бўлмаслигини англаб етасиз. Тадбиркорлар, шахсий бизнес эгаларига ўз муваффақиятлари ҳақида ҳамкорларга, шерикларга ёрилиш тавсия қилинмайди. Бизнес бу шахсий ишингиз. Унинг ҳақида бошқалар билиши шарт эмас. Сурункали хасталикка чалинганлар учун тоза ҳаво, танани чиниқтиришга йўналган муолажалар ва витаминга бой мевалар катта фойда беради.

ҚИСҚИЧБАҚА (22. 06 — 22. 07)

3 мартда асосий ишларни тез фурсатда тамомлай олсангиз, ажойиб бир даврага тушиб қолишингиз эҳтимоли бор. Анчадан бери дам олиб, кўнгил ёзишни хоҳлардингиз. Мана, сизга ажойиб имконият. Тадбиркорлар ва шахсий бизнесига эга дўстларимиз бугун энг юксак чўққиларни забт этиш лозимлигини унутмасликлари керак. Арзимас бир маҳсулотга пул тикасиз-у, мўмай даромад оласиз. Бугун харидлар ва хизмат сафарига отланиш муваффақият келтирмайди.

АРСЛОН (23. 07 — 23. 08)

Бугунги кунингиз руҳий масалада анча қалтис кечиши мумкин. Шунинг учун эҳтиёткорликни қўлдан бермаган ҳолда ҳаракатлар содир этишингиз сўралади. Кайфиятингизга позитивлик беришга ҳаракат қилинг. Токи у қуёшга айланиб сизни зарур ва фойдали нур билан таъминласин. Оила қурмаган бўлсангиз ва кўз остига олиб қўйганингиз бўлса, ташаббусни ўз қўлингизга олинг. Ишонинг, қанча қийинчилик билан бу муҳаббатга эга чиқсангиз, у шунча кўп яшайди.

ПАРИЗОД (24. 08 — 22. 09)

3 март куни вақтингиз асабийликларсиз, фавқулодда ҳодисаларсиз кечади. Севимли хоббингиз билан шуғулланишингиз, ёки табиат қўйнига чиқиб дам олишингиз ҳам мумкин. Яқин ўтмишдаги хатолар қалбингизни эзиб турган бўлса, қайғуга ботманг. Улар тез фурсатда ўтиб кетади. Агар пулингиз етарли бўлса, сайр-у саёҳат ҳам кўнгилдагидек ўтади. Ижод кишилари бугун кечқурун навбатдаги муваффақиятли ижоди учун мукофот олишади иншооллоҳ. Оллоҳ сизга ёр бўлсин!

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

ТАРОЗИ (24. 09 — 23. 10)

Кунингиз эрталабданоқ ташвишли лаҳзаларга бой бўлиши кутилмоқда. Ўзингиз истамаган ҳолда айрим харидларга қўл уришга мажбур бўласиз. Кайфиятни кўтарадиган харидлар сари интилардингиз, аммо бу сафар истакларга қарши боришга мажбурсиз. Оиласизлар муҳаббатда муваффақияцизликларга рўбарў бўлишлари мумкин. Бироқ кечқурун сизга кимдир кутилмаган совға этади-ю, кайфиятингиз яна азалий ҳолатига қайтади.

ЧАЁН (24. 10 — 22. 11)

2 мартда биринчи навбатда моддий аҳволингиз яхшиланади. Агар кимдир қаергадир дам олиш учун жўнаб кетишни мўлжаллаган бўлса, бугун ўша фурсат етди. Муҳаббатда ташвишларни бошдан кечиришингиз мумкин. Лекин улар вақтинча. Башарти қалбингизда бўлғуси жуфтингизга нисбатан шубҳалар бўлса, буни юзига айтинг. Бусиз саломатлигингизга путур етади холос. Кечқурун тоза ҳавода сайр қилишни унутманг.

ЎҚОТАР (23. 11 — 21. 12)

Бугун нафақат ақлий, балки жисмоний ҳаракатларни ҳам керагича содир этишингиз тавсия этилади. Бу сизга ортиқча вазндан халос бўлишда катта ёрдам беради. Эмоциянгиз меъёрда бўлиши учун сиз ёга ҳамда медитация билан шуғулланишингиз керак. Кечки пайт саломатлигингиз бироз панд бера бошлаши кутилади. Кечқурун хонадонингизга меҳмонлар ташриф буюриши мумкин. Аммо сиз уларни сира кутмоқчи эмасдингиз.

ТОҒ ЭЧКИСИ (22. 12 — 20. 01)

2 март куни уй-жой масаласи билан жиддий шуғулланишингизга тўғри келади. Эсда тутинг, бу ишни сиздан бошқа ҳеч ким ҳал эта олмайди. Ишни жон-жаҳдингиз билан бажаринг ва зинҳор ортга бош бура кўрманг. Майли, бўш вақтингиз умуман бўлмаслиги мумкин. Лекин мақсадингиз амалга ошади. Шахсий ҳаётда жанжаллардан қочинг. Молиявий муаммоларингиз бугун жойида қотиб туриши кузатилади. Заҳирангиздан фойдаланиб турганингиз маъқул.

ҚОВҒА (21. 01 — 19. 02)

Бугун қовға буржи остида туғилганларни фаолиятида ёқимли танаффуслар, қизиқарли ишлар ва хориж сафари кутиб туради. Уларнинг барчаси баравар бошингизга ёғилади. Тайёр туринг. Ижод кишиларининг ҳам бугун омади чопади. Бу омад сизга моддий манфаат ҳам келтиради. Шахсий ҳаётингизда таъмир ишлари билан банд бўлишингиз мумкин. Бу капитал таъмирга айланиб кетиши ҳам эҳтимолдан холи эмас.

БАЛИҚ (20. 02 — 20. 03)

2 мартда жиддийликдан қочинг. Ҳазил-мутойибага эътибор қаратинг. Одамларга майин жилмайиш билан муносабат юритинг. Шахсий ҳаётдаги муаммоларни ҳам ҳазил ёрдамида бартараф этишга ҳаракат қилинг. Бу қўлингиздан келади. Пул топишда сизга фантазия зарур. Бусиз мақсадга етишингиз қийин кечади. Олис сафарга отланишни хаёл қилган бўлсангиз, эрта тонгда йўлга чиқишингиз талаб этилади.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

ҚЎЙ (21. 03 — 20. 04)

Анчадан бери ўзингиз қизиқиб келган бир одамга яхшилаб разм солинг. Оиласиз бўлсангиз, у сизнинг бўлғуси жуфтингиз бўлиб чиқиши ҳам эҳтимолдан холи эмас. Ишда ҳам сизга омад кулиб боқади. Мартабанинг юқори чўққилари сари яна сезиларли қадамлар ташлайсиз. Ҳар бир ишни фикрлаган ҳолда бажаринг. Ҳар бир гапни фикрлаган ҳолда гапиринг. Шунда яқинларингизнинг сизга бўлган ҳурмати ортади. Буйрак ва асаб тизимини ниҳоятда эҳтиёт қилинг. Улар панд беришига йўл қўйманг.

БУЗОҚ (21. 04 — 21. 05)

2 март куни молиявий ҳамда ишингиз билан боғлиқ муаммолар ҳақида кўпроқ қайғура бошлайсиз. Улар шу қадар кўпайиб қолганки, кечга қадар бош кўтармасдан шу муаммоларни бартараф этиш билан банд бўласиз. Оилавий ҳаётда яқинларингизга янада кўпроқ ҳурмат бажо айлашингиз тавсия этилади. Молиявий муаммолардан хавотир олманг. Улар насиб бўлса кечқурун ижобий ҳал бўлади. Саломатлигингиз ҳам бугун панд берадиган даражада бўлмайди.

ЭГИЗАКЛАР (22. 05 — 21. 06)

Арзимас баҳона билан хавотирга тушишингиз тавсия этилмайди. Худога шукр, ишингиз бор. Демак, ҳаёт давом этади. Бугун фақат моддий манфаати кўпроқ ишларни бажаришга ҳаракат қилинг. Малака ошириш лозим бўлса, бу ҳаракатни ҳам содир эта бошланг. Кечки пайт оилалилардан кимдир жуфти билан жанжаллашиб қолиши кутилади. Ана шу ерда сукут сақлашга уриниб кўринг. Ён беринг. Лекин жанжал кучайиб кетишига йўл қўйманг.

ҚИСҚИЧБАҚА (22. 06 — 23. 07)

2 мартда ишхонадаги раҳбарларга эмоциянгизни намойиш эта кўрманг. Ҳатто, раҳбар ноҳақ бўлса ҳам сукут сақланг. Акс ҳолда яқин орада сизга тақдим этиладиган юқори лавозим йўққа чиқиши мумкин. Молиявий муаммоларингиз ҳам силлиқчасига ижобий ҳал бўлади. Маош олишингиз эҳтимоли бор. Ишонинг, маошингиз ошган ҳолатда қўлингизга тегади. Муборак бўлсин! Саломатлигингизни эҳтиёт қилинг.

АРСЛОН (24. 07 — 23. 08)

Ҳаётнинг ҳар жабҳасида ташаббускорлик, ташкилотчилигингизни намойиш этинг. Сиз катта истеъдод эгаси. Молиявий инқироздан чиқиб кетиш учун қарзларни, тўловларни амалга оширинг. Тўғри, қийин бўлади. Аммо шундан бўлак йўл йўқ. Вақтинча камроқ еб-ичиб туришингизга ҳам тўғри келади. Олис сафарга чиқиш керак бўлса, воз кечинг. Бугун сафар сизга муваффақият келтирмайди.

ПАРИЗОД (24. 08 — 23. 09)

2 март куни ишингизда асабийлик ҳолатлари юзага келиши мумкин. Лекин сиздек тажрибали ходим учун бу асаббузарликлар нима бўлибди. Масалага оптимистларча ёндашинг, вассалом. Агар ҳамкасблардан кимдир ёки раҳбарлар адолацизликка йўл қўя бошлаганини сезсангиз, секин четга чиқиб қўя қолинг. Куннинг иккинчи ярмида асабларингиз сизга панд бера бошлаши мумкин. Саломатликни асранг. Сурункали хасталикка дуч келганлар профилактикани тўхтатиб қўймасликлари тавсия қилинади.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik

🕟 Oʻzbekiston bo‘ylab saharlik vaqtlari

Toshkentda saharlik vaqti 05:38. Boshqa shaharlarda quyidagicha:

🔹 Avval saharlik qiladiganlar:
▪️ Angren – 05:35
▪️ Qo‘qon – 05:31
▪️ Namangan – 05:28
▪️ Farg‘ona – 05:28
▪️ Marg‘ilon – 05:28
▪️ Andijon – 05:26
▪️ Xonobod – 05:25

🔹 Keyin saharlik qiladiganlar:
▪️ Guliston – 05:40
▪️ Jizzax – 05:44
▪️ Denov – 05:44
▪️ Jomboy – 05:45
▪️ Samarqand – 05:47
▪️ Shahrisabz – 05:48
▪️ Kattaqo‘rg‘on – 05:50
▪️ Qarshi – 05:52
▪️ Nurota – 05:52
▪️ Navoiy – 05:54
▪️ Buxoro – 05:57
▪️ Xiva – 06:14
▪️ Nukus – 06:17
▪️ Mo‘ynoq – 06:19

Bu vaqtlar mahalliy sharoitga qarab ozgina farq qilishi mumkin, shuning uchun aniq vaqtni bilish uchun mahalliy masjid yoki islomiy tashkilotlardan ham tekshirib ko‘rish tavsiya etiladi.

Barchangizga xayrli saharlik va qabul bo‘lsin!

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    🕌Kanalga aʼzo boʻling👇

📿@Ramazon_taqvimi_SaxarlikIftorlik