Президентнинг 03.01.2025 йилдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон қарори қабул қилинган.

Мазкур Қарор билан тасдиқланган Дастур ва ҳудудий “йўл хариталари”нинг ижросини тизимли равишда назорат қилиб бориш мақсадида Бош прокуратура ҳузурида 2025 йил мобайнида доимий фаолият кўрсатувчи Республика идоралараро мувофиқлаштириш ишчи гуруҳи тузиш белгиланган.

Қарор ижросини таъминлаш мақсадида Вазирлар Маҳкамаси, Бош прокуратура, Ички ишлар вазирлиги, Миллий гвардия, Ўзбекистон маҳаллалари уюшмасининг қўшма қарори билан Республика идоралараро мувофиқлаштириш штаби ва мазкур штабнинг 2025 йил мобайнида доимий фаолият кўрсатувчи ишчи гуруҳи тузилиб, уларнинг таркиби тасдиқланди.

Шу муносабат билан, мазкур мувофиқлаштирувчи штаб аъзолари ҳамда штабнинг ишчи гуруҳига жалб этилган масъуллар иштирокида йиғилиш ўтказилиб, келгусида бажариладиган ишлар муҳокама қилиниб, зарур чора-тадбирлар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook