Бош прокурорнинг биринчи ўринбосари Б.Валиев бошчилигидаги ишчи гуруҳ томонидан
Бухоро вилоятида тадбиркорликни қўллаб-қувватлаш, хорижий инвестицияларни кенг жалб қилиш ҳамда бошқа долзарб соҳаларда амалга оширилган ишлар юзасидан ўрганишлар давом этмоқда.
Хусусан,
Қоракўл туманидаги “Enter Steel Korakul” МЧЖ томонидан металл қувур ишлаб чиқариш лойиҳаси,
Жондор туманидаги “Arjumandbonu Chorvasi” фермер хўжалигининг паррандачилик кластерини ташкил этиш ва “Абдулбоқи Рахмон” оилавий корхонасида мебель ишлаб чиқариш лойиҳалари жойига чиққан ҳолда ўрганилди.
Шунингдек, Жондор туманида вилоят прокуратураси ташаббуси билан ташкил этилган мебелчиликка ихтисослаштирилган “Охших” кичик саноат зонасида амалга оширилаётган ишлар билан танишилиб, тадбиркорлар ва мутасаддилар иштирокида лойиҳаларни белгиланган муддатларда ишга тушириш ҳамда мавжуд муаммоларни бартараф этиш билан боғлиқ масалалар муҳокама қилинди.
Бундан ташқари, вилоятда фаолият юритувчи экспортёр корхона вакиллари билан учрашув ўтказилиб, уларнинг фаолиятида юзага келган муаммолар ва ҳудудда экспорт салоҳиятини ошириш борасидаги таклифлари муҳокама қилинди.
Учрашув натижасига кўра, тадбиркорларнинг фаолиятида юзага келган муаммоларни тезкорлик билан бартараф этиш ҳамда тўғридан-тўғри хорижий инвестиция иштирокидаги лойиҳаларни янада жаддаллаштириш юзасидан мутасаддиларга тегишли топшириқлар берилиб, ижроси алоҳида назоратга олинди.
Ишчи гуруҳ ўрганишлари давом этмоқда.
🌐 Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | @user-vs9yb6uq6e' rel='nofollow'>YouTube
| Veb-sayt