#tanishuv

🆕Bu ruknda haftada ikki bor biror muallif (yozuvchi yoki shoir) bilan tanishtirib boraman.

🖥 Tanishing, rasmdagi inson Siyrat ilmi olimi Muhammad Amin Yildirim. U 1973-yil Turkiyaning Erzurum viloyati, Xuroson tumanida tugʻilgan. 1999-2004-yillarda Misrdagi oʻsha mashhur Islomiy universitet “Al-Azhar”da arab tili va Islomiy ilmlarni oʻrgangan. 15 yildan beri Siyrat ilmi bilan shugʻullanib keladi va shu yoʻnalishda koʻplab diniy-ilmiy kitoblar yozgan.

🔍

Muhammad Amin Yildirimning

“Dorul Arqam”, “Allohga chinakam bandalik”, “Oila axloqi”, “Nikoh axloqi”, “Savdogar sahobalar yoxud Saodat asrida tijorat”, “Muhammad Alayhissalomga muhabbat”, “Ayollar olamining sultoni Xadicha roziyallohu anho”

kabi kitoblari oʻzbek tiliga tarjima qilingan.

➡️Muhammad Amin Yildirimdan hozircha 3 ta kitob oʻqigan ekanman. Qiziqsangiz, ular haqidagi fikrlarimni oʻqib koʻrishingiz mumkin:

▪️“Dorul Arqam”

▪️“Allohga chinakam bandalik”

▪️“Ayollar olamining sultoni Xadicha” (roziyallohu anho)

📌

Bu muallifdan oʻqiganlarim ichida menga eng yoqqani

“Dorul Arqam”

kitobi boʻlgan. U kitobda Islom tarixidagi birinchi ta’lim maskani haqida soʻz yuritiladi. Va bu ta’lim maskanida nimalar oʻqitilgani, qanday uslubda oʻqitilgani hamda kim oʻqitgani haqida

men avval oʻzbek tilida uchratmagan ma’lumotlarni oʻqiganman.

Har varaqda 2-3 ta tarixiy kitobning qaysi betidan olinganigacha manba sifatida koʻrsatilgan. Bu esa bir kitob yozish uchun naqadar katta izlanish olib borilganini koʻrsatadi, nazarimda.

➡️@qora_yigit