Birburchak

#sovgʻa

Bu nashriyot qanaqa tezlikda ishlayapti bilmadim, lekin adashmasam har oyda kitob chiqaryapti. Yana kitoblari yaxshi sifatda, yaxshi darajada.

Bu safargi ikki kitobining har ikkisi “oʻzimizniki” ekan. Bittasida Sharq va dunyo siyosatiga oʻzimizning siyosatchi olim nigohidan qarasak, boshqa birida oʻzbek yozuvchisining “Oyimtillasi” bilan tanishishimiz mumkin. Ikkisi ham oʻqishli koʻrindi.

Sovgʻalar uchun “Pir nashr” nashriyotiga rahmat. Ana shunday davomiylik, sifat va shiddat sizlarni tark etmasin!

➡️@qora_yigit

Ertaga kechki paytda videodani koʻrib chiqib fikr bildirganlar ichidan 3 kishiga mana shu kitobdan sovgʻa qilaman. Gʻoliblarni oʻzim, izohlarni oʻqigan holda tanlayman.

Tanlov shartlari bilan tepadagi postda tanishsangiz boʻladi.

Xona burchagida turadigan stol ustiga 100$ qoʻyib qoʻygandim. Odatda bu stolga 2,5 yoshli qizimning boʻyi yetmasdi. Ammo shu kunlarda bu stolning ustidagi narsalarni amallab olishni oʻrganibdi.

“Kambagʻallik girdobidan chiqish” kitobini oʻqib oʻtirsam, kitob varaqlari ustiga ikkita qogʻoz parchasi uchib tushdi. Rahmatli Franklinning bir yuzi bu parchada, yuzining qolgan yarmi u parchada…

Oynur esa xursand. “Dada, pulingizni ikkita qilib berdim”, deydi. Ooooh yuragim, boy boʻlish uchun “Kambagʻallik girdobidan chiqish” degan kitob oʻqib yurganimda bu ne sinov deb siqilaman-da endi.

Qattiq siqilganimdan uygʻonib ketibman. 100 dollarim yoʻq ekanini eslab yuragim yana ham tinchlandi. Tagʻin puli bor ekan deb qarz soʻrab yurmanglar, doʻstlar. Pulim yoʻq. Bu rasmni esa 100$ yirtilmasidan oldin tushimda rasmga olgandim)))

➡️@qora_yigit

#finished

Brayan Treysi "Samaradorlikning 21 yo‘li" kitobining asosiy g‘oyasini mashhur yozuvchi Mark Tvenning "Agar ertalab birinchi bo‘lib tirik qurbaqani yutsangiz, kunning qolgan qismi bundan oson kechadi" mazmunidagi jumlasi atrofida qurgan ekan.

Muallif eng qiyin va eng muhim ishlarni katta va xunuk qurbaqaga o‘xshatadi. Birinchi bo‘lib eng kattasi va jirkanchini paqqos tushirsangiz kunning qolgan qismi go‘zal kechadi deydi. Ya’ni eng qiyin va muhim ishni hal etsangiz qolgani osonlashib boraveradi degan fikrni ilgari suradi.

Buni oson va samarali qilish uchun 21 ta tavsiya beriladi. Har bir tavsiya bir bob bo‘lib real keyslar va raqamlar bilan asoslab beriladi. Yaxshi tomoni fikrlar qisqa va lo‘nda tushuntirilgan. Boshqa bu kabi kitoblardagidek ortiqcha ezmalanish va "o‘tlab ketish"lar yo‘q.

Kitobda o‘rganishingiz mumkin bo‘lgan eng muhim uchlik haqida gapirib o‘tmasam bo‘lmas. Bular: eng muhimlarini belgilab olish, qaror qabul qilish va qarorlarni to‘g‘ri saralash.

Qaror qabul qilish bo‘yicha hammada muammo bo‘lsa kerak. Ko‘p odamlar mukammallikni kutib, ishni boshlamaydi yoki doimiy ravishda kechiktiradi. Muallif esa "Samaradorlikning 21 yo‘li" kitobida bunga quyidagicha amaliy maslahat beradi: "Ishga kirishish uchun o‘zingizga 5 daqiqa qoidasi qo‘ying: "Faqat 5 daqiqa shu ish bilan shug‘ullanaman" deb boshlang. Ko‘pincha aynan shu 5 daqiqalik bosqich ishni to‘liq bajarishga turtki beradi, deydi u.

Yana keng tarqalgan "kasallik"lardan biri kechiktirish odati. Sababsiz yoki o‘zimizcha qandaydir sabablar o‘ylab topib ishni ortga tashlaymiz. G‘oyamizni kimdir amalga oshirganida esa afsus qilamiz. Masalan, menda bunaqasi ko‘p bo‘lgan.

Bu odatni yengish uchun esa "ishni bo‘laklarga bo‘lib bajarishni, katta ishning kichik bo‘laklariga esa yuqorida aytilganidek, "5 daqiqa faqat shu ish bilan shug‘ullanaman" deb kirishish bu odatdan qutulishda yuqori samara beradi, deydi Brayan Treysi.

Xulosa qilib aytganda, "Samaradorlikning 21 yo‘li" kitobi vaqtingiz va hayotingizni tartiblashga yordam beradi. Endi buyog‘i kitobdagi tavsiyalarni hayotingizga qanchalik tatbiq eta olishingizga bog‘liq.

➡️@qora_yigit

Bugun Hiltonda AKSning taqdimoti boʻldi. Chiroyli tashkil qilishibdi. Muallif va oʻquvchilarga yangi kitoblar muborak boʻlsin. Mana shunday tadbirlar koʻpayaversin 😇

➡️@qora_yigit

Youtubega 5-videoyim chiqdi. Tomosha qiling, fikr bildiring, yaqinlarga yuborib qoʻying

Koʻrish uchun: ➡️https://youtu.be/XAS6J6xeDdo

👍Tara Vestoverning “Talaba”si faqatgina oʻqishdagi yutuq emas, balki ruhni ozod qilish va dunyoni yangi ko‘z bilan ko‘rish haqida ham.

➡️@qora_yigit

Bu kitobning oʻzbekchaga tarjima qilinish tarixi qiziq.

Bookerberg “Non fiction” loyihasida shu kitob haqida gapirib oʻtadi. Videoni koʻrgan “Pir nashr” bu kitobni oʻrganib chiqadi va tarjima qiladi. Koʻrib turganingizdek, u nashr ham etildi.

Kitobni oʻqishni boshlarkanman, muallifning fikrlari va vaziyatlarga yondashuvi menga yoqmoqda. “Mamlakatlar tanazzuli sabablari” kitobini oʻqiganlarga bu kitobni bemalol tavsiya qilish mumkin. Ular bu kitobni juda-juda sevib oʻqishsa kerak.

Oʻqib boʻlgach sizlar bilan kitob haqida batafsil gaplashamiz.

➡️@qora_yigit

Yaxshi yangilik boʻladiganga oʻxshayapti a? 👀

➡️@qora_yigit

#finished

“Inson istagan paytda yotib, istagan paytda uygʻona olishi, ishga borishim kerak degan bosim bilan uygʻonmasligi eng katta baxt. Ana shu narsa uning erkinlik darajasini koʻrsatadi”, degan fikrlari "Yugurmasaydim yozolmasdim" kitobidan menga eng yoqqan joylaridan biri boʻldi. Endi umuman bu kitob, gʻoyas haqida ozroq toʻxtatilib oʻtaman.

Haruki Murakami o‘zining yozuvchilik va yugurish tajribalarini ichki dunyosi va hayot falsafasi bilan qorishtirib soʻzlab beradi. Asar avtobiografik xotira janrida yozilgan bo‘lib, muallifning yozuvchilik va sport faoliyati o‘rtasidagi bog‘liqlik qanchalik muhim hamda ruhiy ekanini ochib beradi.

Kitobda Murakami yugurish va yozish bir-biriga o‘xshash jarayon ekanligini aytadi. “Har ikkisi ham sabr, matonat va intizom talab qiladi. Har kuni muayyan masofani yugurish va muntazam yozish orqali ijodiy intizom mustahkamlanadi”, deydi u.

Muallif yugurish orqali tanani chiniqtirish va bu oʻz-oʻzidan ruhiy bardoshlilikni oshirishini aytadi. Kitobni oʻqish jarayonida shuni bildimki, uzoq vaqt va uzoq masofaga yugurish odamning oʻz imkoniyati chegaralari qayerda ekanini aniqlashga, chidamli boʻlishga va yozuvchi uchun muhim boʻlgan monologlar bilan ishlashda katta yordam berarkan.

Yana bir tomoni ana shu uzoq vaqt va uzoq masofaga yugurish har kimga kerak boʻlgan yolgʻizlik va oʻz-oʻzi bilan suhbat qilishi uchun zoʻr imkoniyat yaratib beradi. Murakami ham uzoq muddatli mashg‘ulotlar davomida o‘zi bilan muloqot qilib, o‘z fikrlarini tartibga soladi va ichki ovoziga quloq tutgani haqida soʻzlaydi.

“Yugurmasaydim yozolmasdim” asari orqali Murakami qanday qilib yozuvchilikka qadam qoʻygani, asarlarini qanday tartibda oʻqish kerakligi, adabiyot uchun nimalardan kechgani, unga roman yozish nimalar bergani haqida batafsil va falsafiy fikrlari bilan boʻlishgan.

Oldingi postlarimda takrorlagan bir gapimni yana qaytarmoqchiman. Yozuvchi kuchli boʻlsa har qanday mavzuda qiziqarli va eng soʻnggi varagʻigacha yutoqib oʻqiydigan kitob yoza olarkan. Bunga Murakamining har kuni ertalab yugurishi haqidagi kitobni oʻqib yana bir bor amin boʻldim.

Murakamining qaysi asarini oʻqigansiz? Uning kitoblari haqida qanday fikrdasiz?

➡️@qora_yigit

22-fevral kuni Hiltonda “AKS” toʻplamidagi kitoblarning taqdimoti boʻlarkan. Taklifnoma uchun tashakkur!

“AKS”ning hamma kitobini oʻqib chiqqandim. Qiziqsangiz, fikrlarimni oʻqib koʻrishingiz mumkin:

▪️Ajdar sayyorasi – Alisher Fayzullayev

▪️Kungaboqar – Shahzod Shomansurov

▪️Tongotar – Raxshona Ahmedova

▪️Shakl – Tillaniso

▪️Oqdan qizilga – Anif

▪️Havo – Gulnoz Moʻminova

Siz ham taqdimotga boring. Mualliflar bilan koʻrishish, suhbatlashish va kitoblariga imzo qoʻydirish imkoniga ega boʻlasiz. Qatnashish uchun joyni onlayn band qilish kifoya.

➡️@qora_yigit

Shahrizodam, dahri-dun motam,
Bu ozurda jonimdan oʻtsang!
Tushlarimga kirib labingda
lablarimga may quyib ketsang..

Shahrizodam, rangu-roʻy zotan,
Nam koʻpchigan xazonlar yangligʻ.
Peshonamning sen yoziq qismi
Umri boqiy bitilmas chandiq.

Shahrizodam, kuyinchak notam,
Sakkizinchi, yo, toʻqqizinchi.
Ishq, ishq, ishq - deb chiqarar ohang,
Qani siz ham qoʻl tekkizingchi...

Shahrizodam, toʻlgʻonar, o, tan,
O, yoʻq senga tushmasin ogʻrim.
Aql...
Yurak...
Qanday yaxshi edi,
Bittasini bermasang Tangrim!

©️Muhiddin Nido

➡️@qora_yigit