#PREMYERA
Senga oxirgisi bo’lay maylimi?
Mayli dunyolarcha bo’lsin tashvishing,
Aybing emas xatto g’aming, kechmishing,
Menga qiziq emas, kechang, o’tmishing,
Senga oxirgisi bo’lay maylimi?
Kechir ojizangni u sal telbaroq,
Meni menligimcha sevding qalbi oq,
Birgina o’tinchim, yagona so’roq,
Senga oxirgisi bo’lay maylimi?
Balki go’zallarni poylading yo’lin,
Balki erkalading, ushlading qo’lin,
Eslamay sevaman ishon hech birin,
Senga oxirgisi bo’lay maylimi?
Mengacha bo’lgani hiyonat emas,
Sevgiga ishonmoq jinoyat emas,
Bittagina talab, shikoyat emas,
Senga oxirgisi bo’lay maylimi?
Bir muddat tuyg’ular yo’lin buzmadim,
Tushunmoq istadim, tashvish tizmadim,
Ishondim, bir fursat umid uzmadim,
Senga oxirgisi bo’lay maylimi?
Men uchun birinchi, ham so’nggisi sen,
Ham qadim, ham yolg’iz, ham yangisi Sen,
Ko’nglingdek, yuraging bo’lsa hamki keng,
Senga oxirgisi bo’lay maylimi?
