💝🌺❀B͚A͚H͚T͚L͚I͚ ͚O͚N͚L͚A͚R͚ ͚O͚L͚D͚I͚N͚D͚A͚❀🌺💝

БЎЛМАЙДИ ҲАЁТ.

Яшаяпмиз неларни кутиб,
Шамол янглиғ умримиз ўтиб.
Дунё-дунё дардларин ютиб,
Дардга дармон  бўлмайди, ҳаёт.

Ҳасадгўйдан безади юрак, 
Оқибатни қадрлаш керак,
Бўлсак мудом дўст учун тиргак,
Дилга армон бўлмайди, ҳаёт.

Азоб мен-ла  биргадир нетай,
Юзланаман дунёга атай,
Манманликдан юз буриб кетай,
Шунда  вайрон  бўлмайди ҳаёт.

Бойлар олса кўнгил шодлигин,
Мансабдорлар дил ободлигин.
Кўриб қалбнинг оҳ, барбодлигин,
Нечун ҳайрон  бўлмайди ҳаёт?

Миш-миш бўҳтон яшар изма-из,
Қалб каъбасин бузиб нетамиз?
Бу дунёдан ўтиб кетамиз,
Мангу  достон бўлмайди ҳаёт.

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

* * *


Баҳайбат шахарнинг гардидек гўё,
Зериккан курсилар бўлар маконим.
У сира келмайди деган бу дунё,
Кунда минг марталаб узади жоним.

Дондек сочиламан кабутарларга,
Ёки булутларга бичаман либос.
Мени соқчи қилиб қаро тунларга,
Сўнг эса унутиб кетгансан ҳалос.

Осмонлар елкамга олганлар миниб,
Соғинчим сойида чўмилади вақт.
Кўксимда аламлар печакдек униб,
Дарахтлар хайкали турарлар карахт.

Етим умидларим йиғлаб саро-сар,
Биз ўтган йўлларда сақлаяпди жон.
Хануз бораяпди биз йўқ вагонлар,
Метронинг энг сўнги бекати томон...


Малика Тавфиқ

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

* * *

Ўзим бордим сенга асрга,
Қалб тўридан  қурдим олтин тахт.
Энди қолган бутун умрга,
Ҳаётимга ҳуш келибсан, БАХТ!

Сени интиқ кутгандим, ишон,
Парвозларим энди сен томон,
Соғингандим жуда ҳам ёмон,
Ҳаётимга ҳуш келибсан, БАХТ!

Хўп синалдим қисмат қўлида,
Ёлғонларнинг ёмғир, дўлида,
Сени топдим умид йўлида,
Ҳаётимга ҳуш келибсан, БАХТ!

Аллоҳимдан сўралган неъмат,
Илоҳий ишқ, гўзал мухаббат,
Кетмайман деб сўз бергин фақат,
Ҳаётимга ҳуш келибсан, БАХТ!

Меҳринг билан мумдек эритдинг,
Ширин сўзлар болидан тутдинг,
Жон-жонимга жойланиб кетдинг,
Ҳаётимга ҳуш келибсан, БАХТ!

Бахтни кўз-кўз этмоқлик ҳато,
Бизни ўзи асрасин Худо,
Номеҳрга айтдик алвидо!
Ҳаётимга ҳуш келибсан, БАХТ!


Малика Тавфиқ

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

Бахт.......❤️🌹
Кимки бахтли бўлса, хар жойда бахтлидир: саройда хам, кулбада хам, бойликда хам, қашшокликда хам, чунки у уз юрагида бўлган бахт фавворасини очибди.
Инсон мана шу чашмани топмагунича хеч нарса унга хақиқий бахтни бера олмайди...

🌺Баъзан сен танимаган инсонлар бўлади -
Сени таниган,
Меҳр қўйган
Ва ҳатто дуо қилган..

Яшагинг келади...

Бир - бирингизни эхтиёт килинг, севинг , тушунинг..
Доимо кечиринг...
Ва бир- бирингизни хамиша кадрланг...
Хаёт ортга кайтмайди хеч качон...

Ҳаёт Инсон учун энг гўзал неъмат. Аммо берилган бошқа неъматлар ҳам жуда қадрлидир... Бир кунги зулмат, инсонни кўп нарсага ўргатади ва тафаккурга чорлайди...
Қадр, сабр, шукр тушунчалари буюк тушунчалардир. Бугунимизни қадрига етайлик Қадрдон, борига шукурли, синовларга сабрли бўлайлик...

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

#ибрат

Кимга пулдори ширин,
Кимга дилдори ширин.
Менга эса қадрдон
Дўстлар дийдори ширин!

Дардим айтсам тинглаган,
Кўзимдан ҳам англаган.
Ўзим бир-бир танлаган
Дўстлар дийдори ширин!

Ҳасад қилмас молимга,
Куйсам кулмас ҳолимга.
Кўнган менинг боримга
Дўстлар дийдори ширин!

Суҳбатида яйрайсан,
Булбул бўлиб сайрайсан.
Асрайсан-авайлайсан
Дўстлар дийдори ширин!

Сохта дўстдан асрасин,
Жонга қасддан асрасин.
Номард, пастдан асрасин
Дўстлар дийдори ширин!

Кимгадир моли ширин,
Кимгадир жони ширин.
Менга эса қадрдон
Дўстлар дийдори ширин!

✍️ Низомиддин Ладуний

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

ХАЙР ФЕВРАЛЬ - АССАЛОМ БАҲОР...

Мана эшик тақиллатар март,
Қиру адир, боғу роғ маҳтал.
Ичи заҳил, кўнгли тўла дард,
Кетиб борар кайвони февраль...

Ундан мерос рутубат, оғриқ,
Яхли, намли, димиққан ҳаво.
Елкасига опичиб соғлик,
Келаётир баҳорий наво...

Дала ухлар ёнбошлаб ётиб,
Ҳали борлиқ карахт - мудроқда.
Бодомларни аста уйғотиб,
Янгиланиш кириб келмоқда...

Оғир дардни енггандай кўнгил,
Муз бағрида эригандай қор.
Шавқи ортиб садо берар дил:
"Хайр февраль,
Ассалом, баҳор!.."

Акрамжон АЗИЗОВ,
Фарғона, Олтиариқ тумани.

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

ЙЎЛОВЧИМАН!



Ўлим соя йўлимга муштоқ,
Бўғзимда жон, танамда титроқ,
Манзил аниқ, бир уюм тупроқ,
Йўловчиман, ярим йўлдаман.


Тан олганга беш танга дунё,
На сенга, на, менга бу дунё,
Кимга вафо қилган бу дунё,
Йўловчиман, ярим йўлдаман.


Йигирмамда севгидан куйдим,
Ўттиз ёшда жонимдан тўйдим,
Бу дунёни ўйламай қўйдим,
Йўловчиман, ярим йўлдаман.


Тан олмайди одамзод насли,
Қачонлардир ўлади асли,
Олдинда бор Аллоҳнинг васли,
Йўловчиман, ярим йўлдаман.


Айланганман жони фидога,
Ўралган бир оппоқ ридога,
Синов учун келган дунёга,
Йўловчиман, ярим йўлдаман.


Армоним кўп, қўлимдан туткан,
Дардларим бор ичимга юткан,
Бехос келар ўлимни кутган,
Йўловчиман, ярим йўлдаман.


Гуноҳ тўла ўнгу-сўлида,
Қолган ўша қисмат дўлида,
Кафан тутиб турган қўлида,
Йўловчиман, ярим йўлдаман.


Керилма қўй, бўлма жонсарак,
Уриб-уриб тўхтайди юрак,
Шону-шухрат нимага керак?
Йўловчиман, ярим йўлдаман.


Қачонлардир ўлишин билган,
Қалбда оғриқ, кўзлари кулган,
Жон берганга таваккал қилган,
Йўловчиман, ярим йўлдаман.


Ўлим соя, жонимга муштоқ,
Бўғзимда жон, танамда титроқ,
Кўз олди бир тумандек оппоқ,
Йўловчиман, ярим йўлдаман!...


(Гоҳи ёмғир, гоҳи дўлдаман, Йўловчиман ярим йўлдаман..)


📙-Камронбек Исмоилов. 2024.18.02.

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️

Каналимизнинг фаол ва изох қолдираётган аъзоларига ўз миннатдорчилигимизни билдирамиз.😊🙏🌹

Сизларни кўнглингизга манзур бўлаётган постлар улашаётганимиздан чексиз хурсандмиз.🥰
Борингизга шукур азиз обуначиларимиз.🤗

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️