Prezidentlar haqida

Чўқинтирган ота (The Godfather) 1972-йилда катта экранларга чиққан ҳамда Марио Пузо қаламига мансуб 1969-йилда ёзилган шу номдаги асари асосида суратга олинган жиноят ҳақидаги АҚШ фильмини кўрганмисиз?!

Бу шунчаки бизнес! Бошқа ҳеч нарса эмас! -
деган иборани одамлар онг остига сингдириш асарнинг асосий ғояси ҳисобланган. Сицилия мафиясини умуман асрлар давомида сақланиб келган ғарб бизнес маданиятининг илдизига мазкур ибора болта урди. Коллектив шакл бўлиниб бизнес эгалари индивидуал ҳолга айлантирилди. Ишдаги ҳар қандай хиёнат шунчаки бизнес деган маънода қабул қилдириш режаси амалга ошди.

Ушбу асарни ким молиялаштирган деб ўйлайсиз?! Буюртмачи ким бўлган, биласизми?! Нега фильм қатор йўналишда Оскар мукофотини олди?! Кимга керак эди?!

Жавоб РОТШИЛДЛАР ОИЛАСИ!

Ротшилдлар оиласи ғарб банкларини асосий эгаларидир. Ҳар қандай бизнес ички хиёнат орқали банкрот ёқасига келса унга кредит бериш, уларни қонини шу орқали ичиш, бизнес батамом ўлганда унинг мол мулкига эгалик қилиш уларнинг асосий режаси ҳисобланади. Шунинг учун ҳам мазкур асарга катта пул тикилган. Ўзини тиклаб олган бизнес ўз даромадини ўзига ётқизади. Унга кредит керак бўлмайди. Бу нарса Ротшилдлар учун зарар ҳисобланган.

Ҳар қандай машҳурлик ортида албатта бир яширин мақсад ётишини асло унутманг!

Айтганча бизнес оламини онгини забт этган оилалар ҳозирда кичик давлатлар сиёсатини манипуляция қилмоқда.

Ўзбекистон ташқи қарзи кўпайиб бормоқда! Хулоса ўзингиздан!

Мардон Аслонов


@elmadad

Хабарингиз бўлса Хитой компанияси томонидан DeepSeek-AI (深度求索), сунъий интеллект дастури яратилди. Унга нисбатан сарфланган маблағнинг камлиги ва ишлаш механизмини юқорилиги рақобатчилар акцияларини жаҳон биржа бозорида қисқа муддатда қулашига сабаб бўлди.

Унинг унумдорлиги Google ёки OpenAI каби технологик компанияларнинг ўхшаш моделларидан устундир ва у тезда дунё бўйлаб иловалар дўконларида (АPPS) энг яхши 10 таликка кирди.

Ғарб давлатларига Хитойнинг бундай кутилмаган зарбаси тарихда бўлмаган эди.

Жаҳл отига минган ғарб сиёсатчилари DeepSeek сунъий интеллектга Уйғурлар, Хитойдаги сиёсий маҳбуслар, Тайван масаласи ва бошқа шунга ўхшаш мавзулар бўйича савол беришди. Табиийки, DeepSeek Хитой манфаатларидан келиб чиққан ҳолда жавоб қайтарди. Бу жавоб уларга етарли асос бўлди. Мана кўрдингизми бу DeepSeek холис эмас дейилди.

Энг қизиқ томони шундаки, бўлган мана шу воқеа сунъий интеллект аслида маълум манфаатлар учун хизмат қиладиган дастур эканлиги ошкор бўлди.

Демак, Ғарб давлатларининг ўз сунъий интеллекти ўзларига мос, Хитойники ўзига хос, эртага Россия ишлаб чиқарса уники ҳам ўзига яраша фикрлайди.

Шунинг учун сунъий интеллект мана бундай деди деб ишониб юрманг! Аллоҳ бандасига берган интеллектдан тўғрироқ ишлайдигани йўқ аслида! Мияни ишлатинг!

Мардон Аслонов


@elmadad

Трамп баёноти ортидан нефть нархи халқаро биржа савдоларида туша бошлади. Байден даврида ҳарбий уруш авж олган бўлса, Трамп даврига келиб иқтисодий уруш юқори даражага кўтарилади. СССР қулашини асосий сабабларидан бири ҳам нефть нархини тушиши ҳисобидан бўлган. Айнан шу тарих ҳозирги Россияни ҳолатида такрорланиш бўсағасида турибди.

Трамп ва унинг командаси иқтисодиёт одамлари, улар қонли урушдан хабарсиз. Одамни қурол ёки очлик билан ўлдириш керак бўлса, Трамп айнан сув ва ҳаводек зарур бўлган эҳтиёжларни бўғиб очлик билан ўлдирадиган тоифага киради.

Иқтисодий уруш ҳарбий урушдан хавфлироқ уни фронт чегараси чексиз. Қаерда инсонлар яшаса ўша ерда очлик хавф солиши мумкин. Ҳарбий урушда саноқли одамлар снаряддан ўлса, иқтисодий урушда миллионлаб одамлар очлик билан курашади.

Ўзбекистон том маънода нейтраллик ролида бўлиши керак. Россияга ёрдам бераман деб ғарқ бўлиш ҳеч гап эмас!

Ҳақиқий уруш жаҳон ҳамжамиятида энди бошланади. Бунда асосий қурол иқтисодий ричаклар бўлади. Ҳатто Хитой ҳам бу борада АҚШга ён босмоқда. Чунки Хитойни миллиардлаган аҳолиси барқарор ҳаётда бойлик, очлик даврида улкан хатар ҳисобланади. АҚШ бошқарувига жаҳон иқтисодиётини бошқарадиган кучларни содиқ менежер итлар галаси келди. Шуни ўзи кўп нарсани айтиб турибди.

Мардон Аслонов


@elmadad

Бундан бир неча йил олдин Назарбек томонида импорт кўчатлар сотадиган жойга борган эдим. Ўшанда асосан Голландиядан қимматбаҳо манзарали дарахтлар олиб келинар эди. Нархлари ҳам қиммат эди.

Уларни ҳар хили билан танишиб туриб кўзим чеккароқда турган эр-хотинга тушиб қолди, қарасам ўзимизни райҳон кўчатини яшикка солиб сотаётган эканлар. Ҳеч ким улардан бирор нарса сўрамас эди. Ҳар бир харидорга мўлтираб қараб туришар эди. Олдиларига бордим. Кўнгиллари учун бир яшик яшил ва қизил рангли кўчатлардан олдим. Ишонасизми жудаям хурсанд бўлишди. Ҳақиқий деҳқон оила. Савдодан хафа. Райҳон кўчатини жудаям кўп экишган экан. Уларни райҳончи дейишаркан. Пулни беришим билан аёллари дарров ўшатта сомса сотадиган болани чақирди. Демак овқатланиш учун ҳам починни кутишган.

Кўнглим ғаш бўлди. Карвон кўп ризқи бўлак деб бизнеслари ҳаққига дуо қилдим. Орадан бир икки кун ўтар-ўтмас ахборотда Ислом Каримовнинг райҳон кўчатини берилиб махтаётганига кўзим тушиб қолди. Шу райҳонни экиш керак ҳамма жойга десалар бўладими?!

Ўша кўчатлар сотадиган жойга орадан бир ойлар ўтиб яна бордим, буюртма берган импорт кўчатларим келгани учун чақиришди. Борибоқ ҳалиги эр-хотин қидирдим, ЙЎҚ! Манга жудаям қизиқ эди уларни аҳволи. Хуллас ўшаттаги кўчатчилардан сўрасам, ҳа, уларни олдига яқинлашиб бўлмайди. Пулга кўмилиб кетишди. Уйидан райҳон кўчатини олиб кетишвотти котталар деса бўладими.

Ислом Каримовни бир оғиз гапидан кейин маддоҳ раҳбарлар Каттага райҳон ёқаркан деб ҳар жойга райҳон экиш акцияси эълон қилинган экан...

Мардон Аслонов


@elmadad

Ўзбекистон истеъмолчилар ҳуқуқларини ҳимоя қилишга ДХХ масъул бўлмас экан, халқимиз алебастрни цитрамон деб, молники деб эшшак гўштини еб юришга маҳкум бўлаверади.

Нега айнан ДХХ?

Тан олиш керак манаман дегани ҳам ҳамон шу тизимдан қўрқади. Булар зимдан кузатади, қўли ҳар нарсага етади, керак бўлса қандай туш кўрганларни билади.

Коррупцияга қарши кураш, антитерроризм, гиёҳвандлик каби халқ истеъмол қиладиган товарларни хатари йўқми?! Айниқса, фармацевтика кирадиган жойига кириб бўлди. Дори бизнеси ривожланиб кетди. Фирмалар ноинсоф врачлар билан тил бириктириб халқни ўлдиришгача борадиган келишувларни амалга ошириб ўз дорисини ўтказмоқда.

Ўзбекистон истеъмолчилар ҳуқуқларини ҳимоя қилиш нол даражада. Муддати ўтган маҳсулотлар дўкон расталаридан кўринади.

Давлат хавфсизлик хизмати учун янги тайинланган раис мазкур масалада бош қотириши керак деб ўйлайман.

Истеъмолчи сифатида ҳуқуқларимиз ачинарли аҳволда. Бир тарафда ҳиндистон дорилари болаларимизни қириб юбораётган бўлса бошқа тарафда ўзимизни ишлаб чиқарувчи айрим ноинсофлар халқни алдаб соққа қилмоқда.

Мардон Аслонов


@elmadad