POSTDA|Rasmiy kanal

MAHORAT DARSI

Yaqinda Toshkent viloyati IIBB Ekspert-kriminalistika markazi xodimlari tomonidan IIV 2-sonli Toshkent akademik litseyida “Hujjatlarni texnik kriminalistik ekspertizasi bo'yicha qalbaki diplom va pullarni aniqlashning maxsus usullari” mavzusida navbatdagi mahorat darsi tashkil etildi.
Tadbirda mazkur soha vakillari tomonidan jinoyatchilikning oldini olish borasida amalga oshirilayotgan keng ko'lamli sa'y-harakatlar, qonunbuzarliklarni fosh etishda qo'llaniladigan texnikalar hamda voyaga yetmaganlar o'rtasida sodir etilayotgan jinoyatlar va ularning huquqiy oqibatlari to'g'risida batafsil tushunchalar berildi.
Eng muhimi, o'tkazilayotgan ushbu darslar o'quvchilarning bilimlarini yanada mustahkamlash bilan bir qatorda ularning huquqiy madaniyatini yuksaltirishda ham muhim ahamiyat kasb etmoqda.
O'z muxbirimiz.

Ayollar sharaflandi

8-mart — Xalqaro xotin-qizlar kuni munosabati bilan Namangan viloyati IIB JXX YHXB rahbariyati tomonidan bayram tadbiri tashkil etildi.
Tadbirda so'z olganlar ayol-qizlarga o'zlarining samimiy tilaklarini bildirib, bayram sovg'alarini taqdim etishdi. Shuningdek, Namangan viloyati IIB JXX JTSB Maxsus qabulxona xodimlari 8-mart – Xalqaro xotin-qizlar kuni munosabati bilan qabulxona xodimalari hamda maʼmuriy qamoq jazosini o‘tayotgan ayollarni tabriklashdi.
O‘z muxbirimiz,
Namangan viloyati.

Аёл борки, олам мунаввар

Фарғона шаҳридаги “Афросиёб” тантаналар мажмуасида ички ишлар органларида хизмат қилаётган фидойи аёллар ва соҳа фахрийларини шарафлашга бағишланган эҳтиром тадбирида ҳам ана шулар ҳақида атрофлича сўз юритилди.
Байрам кечасида соҳада хизмат қилаётган аёллар иштирок этдилар.
Тадбирда бошқарма бошлиғи, генерал-майор Азизбек Икрамов сўзга чиқиб,  соҳа маликаларини самимий муборакбод этди ҳамда Ўзбекистон Республикаси ички ишлар вазири, генерал-майор Азиз Ташпўлатовнинг 8 март – Халқаро хотин-қизлар куни муносабати билан байрам табригини ўқиб эшиттирди.
Шундан сўнг, байрам муносабати билан бир гуруҳ соҳа фидойиларига турли даражадаги мукофотлар топширилди.
Яна бир эътиборли жиҳати, ушбу байрам кечасига ички ишлар органларида ишлаб, хизмат пайтида халок бўлган ходимларнинг оналари ва турмуш ўртоқлари ҳам таклиф этилди. Уларга эҳтиром кўрсатилиб, байрам совғалари тортиқ этилди.
Абдувосит Сидиқов,
ўз мухбиримиз.
Фарғона вилояти.

ЮКСАК ЭҲТИРОМ КЎРСАТИЛДИ
Вилоят ИИБда 8 март - Халқаро хотин-қизлар куни муносабати билан байрам тадбири бўлиб ўтди. Тантанали кечага ички ишлар органларида хизмат қилаётган хотин-қизлар, фахрий аёллар ҳамда хизмат вазифасини бажариш чоғида ҳалок бўлган ички ишлар органлари ходимларининг оила аъзолари таклиф этилди.
Байрам тадбирини вилоят ИИБ бошлиғининг биринчи ўринбосари, полковник Илҳом Тиллаев очиб, ИИОда хизмат қилаётган аёлларнинг юртимиз тинчлигини таъминлашдаги фидойилигини алоҳида эътироф этди.
Шундан сўнг жамиятимиз ривожига муносиб ҳисса қўшаётган фахрий аёллар кўкрак нишонлари, фахрий ёрлиқлар, навбатдаги махсус унвонлар, эсдалик совғалари билан тақдирланди.
Тадбирда хизмат вазифасини бажариш чоғида ҳалок бўлган ички ишлар органлари ходимларининг оила аъзоларига ҳамда ҳамкасбларига ўрнак бўлаётган ёш ходималарнинг оналарига ҳам бошқарма раҳбарияти томонидан “Ташаккурнома” ҳамда эсдалик совғалари топширилди.
Ўз мухбиримиз.
Хоразм вилояти.

Ҳайдовчи хотин-қизлар қутланди

Юртимизда 8 март - Халқаро хотин- қизлар куни байрами муносабати билан меҳри дарё оналаримиз, гўзал ва лобар аёлларимиз, азиз опа-сингилларимизни гўзаллик ва нафосат айёми билан самимий қутлаш давом этмоқда.
Байрам муносабати билан Қашқадарё вилояти ИИБ Хавфсиз туризмни таъмилаш бошқармаси ходимлари ҳам аёлларимиз, шунингдек барча соҳада фаолият юритаётган опа-сингилларимизни байрам муносабати билан табриклаб, хушкайфият улашишди.
Ўзи мухбиримиз
Қашқадарё вилояти

Bayramga bag‘ishlab

8-mart - Xalqaro xotin-qizlar kuni munosabati bilan “Dinamo” sport majmuasida IIV Namangan akademik litseyi o‘quvchi qizlari o‘rtasida sport musobaqasi o‘tkazildi.
Ishtirokchilar 100 metr masofaga yugurish, chaqqon qo‘llar, mohir mergan va kuch ishlatish shartlarini bajarib, mahoratlarini namoyon etdilar.
G‘oliblar litsey rahbariyati tomonidan rag‘batlantirildi.

O‘z muxbirimiz,
Namangan viloyati.

Маҳаллада жиноят муҳокамаси

Норин тумани ИИБ бошлиғи подполковник Умид Бойхонов томонидан Тошқин маҳалласида содир этилган йўл транспорт ходисаси билан боғлиқ жиноят муҳокама қилинди. Йиғилишга жиноят содир этилган маҳалла ҳудудида яшовчи ҳайдовчилар, маҳалла фаоллари, оқсоқоллар ва ёшлар таклиф этилиб, жиноят тафсилотлари ҳақида гапириб ўтдилар.
Муҳокама якунида иштирокчиларга транспорт воситаларини очиқ холда ва калитини қолдириб кетиш, уларни бошқаришда тезликни ошириш, спиртли ичимлик истеъмол қилиб машина ҳайдаш, электроскутерларни вояга етмаганлар томонидан бошқариш фуқаролар ҳаётини хавфга қўяётгани тушунтирилди. Келгусида бу каби жиноятларнинг олдини олиш бўйича чора-тадбирлар белгиланди.
Ўз мухбиримиз,
Наманган вилояти.