𝑝𝑎𝑟𝑎𝑑𝑖𝑠𝑒

Ayollar haqida koʻp yozaman. Bu galgi satrlarim boshqacha boʻladi.

Erkaklar. Ularning yelkasida katta mas’uliyat bor. Ba’zan koʻzlariga qarasangiz, koʻp narsani oʻqisangiz boʻladi. Koʻzlar yolgʻon soʻzlamaydi. Agar chin dildan ularni tushunaman deya qaray olsangiz, shularni koʻra olasiz:

• Mas’uliyat, javobgarlik;
• Oila himoyasi, ota-ona, farzandlari, ayolining majburiyatlari;
• Uyga olib kiriladigan non uchun ba’zan pul yetmay qolgandagi aybdorlik hissi;
• Katta tavakkal qilib boshlangan ishni, ba’zan oʻxshamay qolishidagi tushkunlik;
• “Oilamni qanday boqaman?”, degandagi chorasizlik;
• Kuni boʻyi ishlab kelgandan keyingi charchoq;
• Uni ba’zan hech kim tushunmasligidagi yolgʻizlik.

Jim boʻlib qolishadi ba’zan. Oʻsha vaqtda, erkakni tushunmay qolib, ba’zan biz ayollar noliymiz. “Unim kam, bunim kam”, deya muammolarimizni ayta boshlaymiz. Ayolligimizga borib, “U menga vaqt ajratmayapti”, deymiz. Oʻzi biz, hech muammolarimizni aytishdan avval ulardan soʻraganmizmi:

• “Sizda hammasi joyidami?”…
• “Sizning roziligingizni olish uchun, koʻnglingizdagi ishlarni qila olyapmanmi?”…
• “Ba’zida sizga koʻp gapirib qoʻyaman. Oʻsha vaqt aytgan gaplarimdan ranjimaysizmi?”…
• “Ishlaringiz joyidami?”…
• “Sizga moddiy taraflama yordam bera olmasam ham, sizni eshitaman, menga hammasini ayting”…

Bizdan koʻra koʻproq mehr istashadi ba’zan. Bizdan koʻra koʻproq yosh bola boʻlishadi. Ularni ham eshiting. Qiziqishlari, maqsadlarini tinglang. Yaxshi eshituvchi boʻling. Suhbatdosh boʻling. Eng muhimi, ularga Robbisiga yaqin boʻluvchi amallarni koʻproq eslatib turing.

Tushunaman, qiyin bizga ham, ba’zida qoʻpol gaplar bilan bizni ranjitib qoʻyishadi. Lekin, vaqt oʻtgach, barbir ayblarini tan olishadi. Va bilasizki, koʻnglimizni olishga harakat qilishadi. Shu sababli, bir oz muddat sukut qilib barchasi oʻz iziga tushishini kutaylik.

Ba’zan shunchaki tushuning ularni. Eng chiroyli soʻzni ayting: “In shaa Alloh birgalikda hammasini uddalaymiz, hali hammasi yaxshi boʻladi”. Va kuting.

Robbim barchani yuqorida sanab oʻtganim kabi, mas’uliyatli erkaklarga yoʻliqtirsin va bizni ham soʻraganimizga munosib boʻlishimizni nasib qilsin.

Hozir katta burilish boʻladi kanalda. Nima deb oʻylaysiz?

Post kimlar haqida?

Qizlar, sizlarga eng yaxshi kanallarni ilinaman doim.

Ushbu sahifada nafaqat qizlar, balki yosh onalar uchun ham foydali maslahatlar berib boriladi 🌷

Eng sevimli kanalimdan biri 🌸

Nima desammikin, ba’zi xayrlashuvlar qalbni mahzun qiladi. Men bilgan eng qalbi toza, oʻz ishiga mas’uliyatli va bu yoʻlda hammani boshini qotiradigan, tirishqoq, Qamarni sevuvchi va albatta oʻzgacha olami bor boʻlgan @jalolovna_j oilamizni tark etdilar.

Jasmina, siz eng yaxshilardansiz. Qamar sizni sevadi, men buni aniq bilaman 🤍

Oʻsha gapim, muhimi qalbingizni asrang 🌟

Hech narsani istamay qoladigan vaqtlar bo‘ladi. Atrofingdagilar tushunish uyoqda tursin-u, o‘zingni o‘zing tushunmay qolasan. To‘lib to‘lib ichingni sochging keladi. Qayerga sochishni bilmaysan.

O‘ylayman, ba'zan qalb shu yo‘l bilan o‘zini o‘zi tarbiyalaydimi Bilmadim.

O‘zimni o‘zim tushunmaganimda, Robbimning kalomidan oyatlarni eslab, tinchlanaman.

قَالَ رَبِّ ٱشْرَحْ لِى صَدْرِى
"Ey Robbim, O‘zing qalbimni keng qilgin.

وَيَسِّرْ لِىٓ أَمْرِى
Mening ishimni oson qil.

وَٱحْلُلْ عُقْدَةًۭ مِّن لِّسَانِى
Tilimdagi tugunni yechib yuborgin.

يَفْقَهُواْ قَوْلِى
So‘zimni anglasinlar"...
(Toha surasi, 25-28 oyatlar).