⚡️⚡️⚡️

Султонбеков тиббиёт соҳасида Москва вилояти билан ҳамкорликка эришди

Тошкент вилояти ҳокимининг ўринбосари Отабек Султонбеков Владимир номидаги илмий-тадқиқот клиник институти ҳамда Тошкент вилояти соғлиқни сақлаш бошқармаси ўртасида ҳамкорлик тўғрисидаги битимни имзолади.

Учрашувда тиббиёт соҳасида учраётган муаммолар ҳам муҳокама қилинди. Жумладан, ташхис қўйишдаги хатолар, мутахассисларнинг малакалари етишмаслиги каби масалаларга алоҳида эътибор қаратилди.

Келишув доирасида ўқув ва амалий курслар ташкил этиш, Тошкент вилояти шифокорларини Москвада қайта тайёрлаш ва илмий алоқаларни мустаҳкамлаш каби қатор муҳим лойиҳаларни амалга ошириш режалаштирилган.

Бу ташаббус келгусида Тошкент вилояти соғлиқни сақлаш соҳасини янги босқичга кўтаришга катта туртки бўлиши кутилмоқда. “Бу ҳамкорлик икки мамлакат шифокорлари учун ҳам тажриба алмашиш, ҳам беморларга янги имкониятлар яратиш йўлида муҳим қадамдир,” – деди Отабек Султонбеков.

Yoshlar kundaligi