ISLOM GOʻZAL ISLOM BAXT

Iymondir eng oliy taxt,
Allohga berilgan axd.
Moʻminlar, muslimalar,
Islom goʻzal, Islom baxt.

Saodatning kamoli.
Yaratganning jamoli,
Rasululloh visoli,
Islom goʻzal, Islom baxt.

Yaratgan yolgʻiz iloh,
Elchisi Rasulullah.
Doʻzaxdan bizga panox,
Islom goʻzal, Islom baxt.

Shaytonga dod soldirgan,
Bizni omon qoldirgan.
Borliqni quvontirgan,
Islom goʻzal, Islom baxt.

Gunoxkorga jazosi.
Bor yaxshiga rizosi.
Boʻlmas sira qazosi,
Islom goʻzal, Islom baxt.

Boshlamas halokatga,
Yetaklaydi jannatga,
Butun insoniyatga,
Islom goʻzal, Islom baxt.

Bizlar bilan Alloh bor,
Xolimizni qilmas xor,
Oʻzi doim madadkor.
Islom goʻzal, Islom baxt.

Koʻnglimizni hushlaydi,
Quvnatib koʻz yoshlaydi.
Yaxshilikka boshlaydi.
Islom goʻzal, Islom baxt.

Qilaylik dinga xizmat,
Topaylik xalqdan hurmat.
Shukurlar bizga himmat,
Islom goʻzal, Islom baxt.

Yoʻqdir sira zahmati,
Takrorlanmas sifati.
Yaratganning raxmati,
Islom goʻzal, Islom baxt.

✍Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟