Muttaqiy.uz


Гео и язык канала: Узбекистан, Узбекский
Категория: не указана


Абдулқайюм Комилнинг расмий телеграм каналига хуш келибсиз!
Каналимизда Ҳинд уламоларининг китобларидан таржималар бериб борилади.
Каналимиздан мақолалар ва маълумотлар олинганда манба кўрсатилиши шарт!

Связанные каналы

Гео и язык канала
Узбекистан, Узбекский
Категория
не указана
Статистика
Фильтр публикаций


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


Рўзада ғазабдан сақланиш.

Рўзага тааллуқли бўлган учинчи иш ғазабдан сақланишдир. Чунончи, ҳадиси шарифда келадики, Набий соллаллоҳу алайҳи васаллам Рамазон ойини ғамхўрлик, хайрихоҳлик ойи, деганлар. Шунга кўра, ғазаб ва унинг сабабидан содир бўладиган жиноятлар, гуноҳлар, масалан, жанжаллашиш, уришиш ва ҳақорат сўзларни айтиш – буларнинг барчасидан сақланишга ҳаракат қилинг. Ҳадиси шарифда Набий соллаллоҳу алайҳи васаллам шундай марҳамат қиладилар:

وإن جَهِل على أحدِكم جاهلٌ، و هو صائمٌ فلْيقُلْ: إني صائمٌ
«Агар бирингизга рўзадор ҳолида бирор жоҳил жоҳиллик қилса, мен рўзадорман, десин» (Имом Термизий ривояти).
Яъни бирор кимса сизга жоҳиллик билан жанжал чиқарадиган сўзларини айтса, мен рўзадорман, денг. Мен жанжал қилишни истамасман, тил билан ҳам, қўл билан ҳам жанжаллашмайман, денг. У сақланмаса ҳам, сиз сақланинг. Чунки жанжалдан сақланиш рўзанинг асосий талабларидандир.


"Рамазонни қандай ўтказамиз" китобидан 54-бет. Таржимон Абдулқайюм Комил. Дин ишлари бўйича қўмитанинг 03.03.2024 йилдаги 03-07/1371- рақамли хулосаcи асосида тайёрланди.

@muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


ИЛМ ВИҚОРИ.

Исо ибн Юнус раҳматуллоҳи алайҳ машҳур муҳаддислардан бўлиб, Мулла Али Қори у кишининг баъзи бир ибратли ишларини шундай нақл қиладилар: “Ҳорун ар-Рашид Ҳаж учун Маккаи Мукарраммага бориб, қозилар қозиси Имом Абу Юсуф раҳматуллоҳи алайҳга шаҳарнинг машҳур муҳаддисларини ҳузурларига чорлашни ҳукм қилдилар. Имом Абу Юсуф раҳматуллоҳи алайҳ барча муҳаддисларга хабар жўнатдилар. Шунда Маккаи Мукаррамадаги барча муҳаддислар тўпланди. Лекин биргина Абдуллоҳ ибн Идрис раҳматуллоҳи алайҳ ва Исо ибн Юнус раҳматуллоҳи алайҳ ташриф буюрмадилар. Ҳорун ар-Рашидга бу маълум бўлгач, ўзларининг икки фарзандлари Амийн ва Маъмунни Исо ибн Юнус раҳматуллоҳи алайҳнинг ҳузурларига ҳадис эшитиб келишга юборди. Иккиси у кишининг ҳузурига келганида, мамнуният ила ҳадис ўқитиб қайтариб юбордилар. Ҳорун ар-Рашид бунинг мукофоти учун ўн минг дирҳам бериб юбордилар. Лекин у киши пулни қабул қилмадилар. Ҳорун ар-Рашид ўн мингни кам билиб олмади, дея тушундилар. Шунинг учун қайта икки баробар пул юбордилар. У пуллар Исо ибн Юнус раҳматуллоҳи алайҳга етганида: “Агар бирор киши менга ҳадис ўқитишим эвазига ушбу масжиднинг шифтигача тилло тўлдириб тақдим қилса ҳам мен уни асло қабул қилмайман” дедилар. Чунончи, Ҳорун ар-Рашид кейин уни пулни олишга мажбур қилмадилар” (“Жамъул-васоил”, 24)

"Аллоҳга мақбул банда бўлиш сирлари" китобидан, 161-бет. Таржимон Абдулқайюм Комил. Дин ишлари бўйича қўмитанинг 07.07.2023йилдаги 03-07/5161- сонли хулосаси асосида нашрга тайёрланди.

@muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


Бу ойда ёмонликлар гуноҳи ҳам
зиёда бўлади
.

Ҳакимул уммат, Мавлоно Ашраф Али Таҳановий раҳматуллоҳи алайҳ айтадилар: «Рамазон ойида гуноҳларнинг офати ҳам янада зиёда бўлади. Чунки, масалан, бирор жойнинг муқаддас бўлиши сабабли у ерда гуноҳ қилиш бошқа жойларда гуноҳ қилишдан оғир бўлгани каби, бирор вақтнинг муқаддаслиги ҳам худди шундай – бошқа пайтларда қилин­ган гуноҳлардан кўра муқаддас вақтларда қилинган гуноҳнинг уқубати каттароқдир. Масалан, биров масжиддан ташқарида ароқ ичди, у гуноҳ. Лекин масжидда ўтириб ичиш янада оғирроқ гуноҳ бўлади. Шундай экан, Рамазон ойидаги яхшиликлар зиёда бўлгани каби, унда қилинган гуноҳ ишлар ҳам бошқа пайтдагидан оғирроқ бўлади. Рамазоннинг одоби шуки, бош, қулоқ, кўз, қўл, оёқ – барча аъзоларни гуноҳлардан муҳофаза қилинг”.

"Рамазонни қандай ўтказамиз" китобидан 40-бет. Таржимон Абдулқайюм Комил. Дин ишлари бўйича қўмитанинг  03.03.2024 йилдаги 03-07/1371- рақамли хулосаcи асосида тайёрланди.

@muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


Рўза ва таровеҳдан бир қадам
олдинда
.

Муборак Рамазонни бошқа ишлардан фориғ ҳолда кутиб олгач, энди, инсон бўш вақтни қайси ишларга сарф қилсин? Рўза борасида ҳар бир мўмин биладики, рўза тутиш фарз ва таровеҳ ҳам жуда муҳимдир. Лекин бошқа бир жиҳатга эътибор қаратишни хоҳлайман. Алҳамду лиллаҳ, қалбида зарра баробар иймони бор кимсанинг қалбида муборак Рамазонга ўзгача бир эҳтиром бўлади. Шу эҳтиром сабабидан ушбу муборак ойда Аллоҳга кўпроқ ибодат қилиш ва нафлларни янада кўпайтириш ҳаракатида бўлади. Оддий кунларда беш вақт намозни адо қилиш учун масжидга кела олмайдиган одамлар ҳам таровеҳ каби узун намозда ҳар куни иштирок этадилар. Алҳамду лиллаҳ, одамларнинг ибодатда, намозда, зикр ва Қуръон тиловатида машғул бўлишлари шу ойнинг баракоти сабабидандир.

"Рамазонни қандай ўтказамиз" китобидан 35-бет. Таржимон Абдулқайюм Комил.
Дин ишлари бўйича қўмитанинг 04.04.2022 йилдаги
02-07/2234-рақамли хулосаcи асосида тайёрланди.

@muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz




Muborak Ramazon oyida tuxfa o'laroq Abdulqayyum Komil tarafidan tarjima qilingan Muftiy Muhammad Taqiy Usmoniy hafizahullohning "Ramazonni qanday o'tkazamiz?" kitobi qayta nashr qilindi. Alloh taolo barchamizga manfaatli qilsin.


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


Рамазон ойи учун фориғ бўлинг

Рамазон ойида фақат рўза тутиш ва таровеҳ ўқиш билан иш битмайди. Балки, бу ойнинг талаби шуки, инсон ўзини барча дунёвий ишларидан фориғ қилсин. Чунки ўн бир ой Аллоҳга ибодат қилишдан ташқари, ҳаётнинг бошқа иш ва ташвишлари ила машғул бўлди. Лекин Рамазон ойи асл мақсад бўлмиш фақат ибодат тарафига қайтиш ойидир. Шунинг учун бу ойнинг ҳар бир лаҳзасини, ҳеч бўлмаганда, энг кўп қисмини ёки имкони борича кўпроқ вақтини Аллоҳнинг ибодатига сарф қилсин ва бунинг учун инсон олдиндан тайёр бўлиши ва режа тузиши керак.

"Рамазонни қандай ўтказамиз" китобидан 34-бет. Таржимон Абдулқайюм Комил.
Дин ишлари бўйича қўмитанинг  04.04.2022 йилдаги
02-07/2234-рақамли хулосаcи асосида тайёрланди.

@muttaqiyuz


Намоз вақтлари. (Тошкент вақти билан).

Телеграм каналимиз:
https://t.me/muttaqiyuz


БИР НОТЎҒРИ ТУШУНЧАНИНГ ИНКОРИ .

Ҳакимул уммат, Мавлоно Ашраф Али Таҳонавий раҳматуллоҳи алайҳ ваъзларидан бирида бу дуо ворид бўлган ҳадисни баён қилгандан кейин шундай дейдилар:
“Бундан ҳеч кимга Набий соллаллоҳу алайҳи васаллам жуда кўплаб гуноҳкорлар ҳақида лаънат айтганлар, ўша лаънатлар барчаси гуноҳкорлар учун раҳмат ва қурбат бўлиб кетади, деган хаёл келмасин. Масалан, Ул зот бир ҳадисда:
لَعَنَ اللَّهُ الرَّاشِيَ وَالْمُرْتَشِيَ
Яъни: “Аллоҳ таоло пора олувчи ва пора берувчини лаънатласин”, – деганлар.
Энди бу ҳадисни эшитиб, пора олувчи ёки пора берувчи, Набий соллаллоҳу алайҳи васалламнинг бу лаънатлари менинг ҳаққимда раҳмат ва қурбат бўлади. Чунки ўзлари шундай дуо қилганлар, деган нотўғри тушунчага бормасин. Бунинг сабаби шуки, ҳадиснинг бошида Набий соллаллоҳу алайҳи васаллам шундай ҳам деганлар:

اللَّهُمَّ إِنَّمَا أَنَا بَشَرٌ أَغْضَبُ كَمَا يَغْضَبُ الْبَشَرُ

Яъни: “Эй Аллоҳим! Мен бир башарман ва башар ғазаб қилгани каби мен ҳам ғазаб қиламан”.
Бу ғазабнинг натижасида баъзан бирортага озор етказиб қўйган ёки лаънатлаган бўлсам ёки ёмон гап айтган бўлсам, у ҳолда унинг ҳаққига буни раҳмат ва қурбат қилиб қўйгин, демоқдалар. Шунга кўра, бу ҳадис Набий соллаллоҳу алайҳи васалламнинг ғазаб ҳолатида бандалик жиҳатидан бирортага айтган лаънатлари ҳақидадир. Бундай лаънат унинг ҳақига раҳмат ва қурбат бўлиб кетади. Лекин Набий соллаллоҳу алайҳи васаллам бирор кишига гуноҳи сабабидан лаънат айтган бўлсалар ёки дин ва шариат тақозосидан лаънат айтган бўлсалар, бундай лаънат ҳеч қачон унга раҳмат ва қурбат бўлиб кетмайди”.


"Ўзаро жанжаллар ва уларнинг ечими" китоби 122-бет. Таржимон Абдулқайюм Комил.
Дин ишлари бўйича қўмитанинг 29.08.2022 йилдаги 03-07/6747-рақамли хулосаcи асосида тайёрланди

@muttaqiyuz


#yangilik

✨ «Hilol eBook»da yangi kitob: «Goʻzal xotima»

✍️
Muallif: muftiy Shuʼaybulloh Xon Miftahiy
📝 Tarjimon: Abdulqayyum Komil

✅ Mazkur kitobda goʻzal xotima topish uchun umr davomida qanday amallarni bajarib yurish hamda nimalardan saqlanish lozimligi va nihoyat, soʻnggi nafasda bu dunyoni iymon bilan tark etish uchun nimalarga ulgurib qolish muhimligi juda qiziqarli va latif tilda bayon etilgan.

Umid qilamiz, ushbu kitob har bir moʻmin-musulmon uchun yoʻlchi yulduzdek nur sochib, goʻzal xotima sari yoʻl koʻrsatib turadi.

«Goʻzal xotima» kitobini «Hilol eBook» dasturida mutolaa qiling. 😊

📖 Dasturni yuklab olish

* Ramazon chegirmasi davomida ushbu kitobni 2 000 soʻmga xarid qiling.

🟢 Yaqinlaringizga ulashing.

🟢 @hiloldasturlari


ЎЗГАЛАР ҲАҚҚИГА ДУО
ҚИЛИШ
.

Дуо борасида бошқа бир муҳим нарса ҳам бор: мусулмон банда фақат ўзига эмас, ўзгалар учун ҳам дуо қилиши лозим. Хоҳ у ўзининг қариндошлари бўлсин, дўсту ёрлари ёки бирор бошқа-бегона бўлсин. Бошқанинг ҳаққига дуо қилиш катта фазилат экани ҳадисларда кўп келган. Чунончи, Набий сол­лаллоҳу алайҳи васаллам шундай деганлар:

دَعْوَةُ المَرْءِ المُسْلِمِ لأَخِيهِ بظَهْرِ الغَيْبِ مُسْتَجابَةٌ، عِنْدَ رَأْسِهِ مَلَكٌ مُوَكَّلٌ كُلَّما دَعا لأَخِيهِ بخَيْرٍ، قالَ المَلَكُ المُوَكَّلُ بهِ: آمِينَ وَلَكَ بمِثْلٍ

Яъни: «Мусулмон кишининг биродари ҳаққи­га ғойибона қилган дуоси ижобатдир. Унинг бошида бир муаккал фаришта туради. Ҳар гал у биродари ҳаққига дуо қилса, у муаккал фаришта: “Аллоҳ қабул қилсин ва сенга ҳам унга ўхшаши бўлсин”, деб айтади» (“Саҳиҳи Муслим”, 4914, “Сунани Ибн Можа”, 2886, “Муснади Аҳмад”, 20717).
Шунинг учун дуода бахиллик қилмасин ва фақат ўзи учун дуони хос қилмасин. Балки, бутун мусулмонлар, ота-она, ака-ука, опа-сингил, дўсту ёрлар ва бошқа қариндошлар учун ҳам чин қалбдан дуо қилинсин
.

"Дуо мўминнинг қалқони" китобидан 82-бет. Таржимон Абдулқайюм Комил. Дин ишлари бўйича қўмитанинг 2022 йил 07.01 даги 03-07/65-рақамли хулосаcи асосида тайёрланди.

@muttaqiyuz


Рамазон ойида асл мақсад сари қайтинг.

Ибодат қилишдан ташқари дунё ишларига ҳам рухсат берилиши суиистеъмол бўлишини Аллоҳ таоло яхши билар эди. Қачон инсон дунё ишлари ва ташвишларига машғул бўлса, секин-секин унинг қалбига ғафлат пардаси тушиб боради, кейин дунё ишлари ва ташвишларига бутунлай ўралашиб қолади. Шу сабабли ушбу ғафлатни кетказиш учун Аллоҳ таоло баъзи вақтларни тайин қилган. Улардан бири муборак рамазон ойидир. Чунки йилнинг ўн бир ойида сиз тижорат, зироат, меҳнат, дунё иш ва ташвишлари, ейиш, ишлаб топиш ва ўйин кулгу қилиш ила машғул бўлдингиз. (Яъни Аллоҳга ибодат қилишдан бошқа ишлар ила ҳам машғул бўлдингиз.) Бунинг оқибатида қалбингизга ғафлат туша бошлади. Аллоҳ таоло ана шу ғафлатдан чиқишингиз, асл яратилиш мақсадингиз бўлмиш ибодат сари қайтиб олишингиз учун бутун бошли бир ойни тайин қилди. Чунки айнан ибодат учун сиз бу дунёга юборилгансиз, айнан ибодат учун яратилгансиз. Ушбу ойда Аллоҳ таолонинг ибодатида машғул бўлинг ва ўн бир ой содир этганингиз гуноҳларни мағфират қилдириб, қалбга тушган занг­ларни ювдириб олинг. Мана шу ишлар учун Аллоҳ таоло бу ойни тайин қилгандир.

"Рамазонни қандай ўтказамиз" китобидан 21-бет. Таржимон Абдулқайюм Комил.
Дин ишлари бўйича қўмитанинг 13.03.2024 йилдаги
03-07/1321-рақамли хулосаcи асосида тайёрланди.

@muttaqiyuz

Показано 20 последних публикаций.