مُحَمَّد عَلِي | MATH MENTOR

Matematikaga oid kitob yozmoqchi bo'lganlar Latex muhitida ishlashni bilishsa va latexda kitob yozishsa juda chiroyli chiqadi. Umuman olganda matematiklar(ya'ni matematikadan ilmiy ish qiladiganlar) latexni bilishi shart. Misol uchun ChatGPT yoki DeepSeekga murakkab matematik masalalarni latex kodida yozib bersangiz ularni tushunishi oson bo`ladi va javoblari ham yaxshiroq chiqadi. Bizda latex muhitida ishlaydigan ilovalar juda kam, deyarli yo'q ham, ko'pchilik ilovalarda formulalarni rasm qilib tashlaydi va shaxsan menga bu yoqimsiz.

Ajoyib shogirdim Behzod Qurbonboyev latex muhitida ishlaydigan ilovani ishlab chiqibdi:

https://play.google.com/store/apps/details?id=ttt.org.uz

Siz ushbu ilovada maktab testlaridan tortib universitet olimpiadasi savollarigacha topishingiz mumkin. Telegram kanal:

@ttt_org_uz

Ilova ma'lumotlar bilan to'ldirib borilmoqda. Ishonamanki bu ilova yoshlar uchun juda foydali bo'ladi.

@karimraximov

⚡️2026-yilgi Vazir jamgʻarmasidan ustama oluvchi nomzodlar joriy yilgi malaka sinovlari ishtirokchilari orasidan tanlab olinadi

✅ Vazir jamgʻarmasidan ustama berish tartibiga oʻzgartirish kiritish boʻyicha tayyorlanayotgan Hukumatning yangi qaror loyihasiga binoan, endilikda barcha pedagoglar mazkur ustamani olishga daʼvogarlik qilishi mumkin.

❗️ Buning uchun talabgor pedagoglar malaka toifasi sinovlarida qatnashishi lozim.

➖ Maktabgacha va maktab taʼlimi vazirligi tomonidan tayyorlangan ushbu qaror loyihasiga koʻra, kelgusi yildan boshlab Vazir jamgʻarmasi uchun oʻtkaziladigan birinchi bosqich (test) sinovlari oʻtkazilmaydi.

Keyingi bosqichga nomzodlar sifatida malaka sinovlarining birinchi bosqich natijalariga koʻra umumiy ballning kamida 80 foizini qoʻlga kiritgan fan oʻqituvchilari hamda maktabgacha taʼlim tashkilotlari tarbiyachilari orasidan eng yuqori natijani koʻrsatgan uchta nomzod tanlab olinadi (hududlar kesimida fan yoʻnalishlari boʻyicha taqsimlangan har bitta kvota uchun).

2026-yilgi Vazir jamgʻarmasidan ustama oluvchi nomzodlar joriy yilgi malaka sinovlari ishtirokchilari orasidan tanlab olinadi. Shunday ekan, bu yil oʻtkaziladigan malaka sinovlarida faol ishtirok eting.

👇Vazir jamgʻarmasi va Attestatsiyaga oid namunaviy testlarni quyidagi botlar yordamida bepul bajarishingiz mumkin:

O'zbek tilida: 👉 https://t.me/uztditestbot
Rus tilida: 👉https://t.me/uztditest_rusbot
Qoraqalpoq tilida: 👉 https://t.me/uztdi_qrtestbot

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

📉O‘zbekistonda hafta o‘rtasida havo harorati -9 darajagacha soviydi

"O‘zgidromet" prognoziga ko‘ra, 24-25-fevral kunlari mamlakatimizning shimol va cho‘l hududlarida, 26-fevralda qolgan barcha hududlarda yomg‘ir yog‘ib, qorga aylanadi. Ayrim joylarda yog‘ingarchilik kuchli bo‘ladi.

Havo harorati 26-27-fevral kunlari 0...-5 darajagacha soviydi. Ish haftasi davomida respublika shimolida harorat kechalari 
-4...-9 daraja sovuq, kunduz kunlari -3 daraja sovuq, +2 daraja iliq bo‘ladi.


👉@xushnudbek👈

ILM qadri

Rivojlangan mamlakatlar taraqqiyoti bosh omili – ilmdir! Turlik ilmlardagi peshqadamlik ilmiy ishlanmalar – yuksak texnologiyalarga asos yaratdi, ular esa, sanoatdagi inqiloblarga sababchi bo’ldi. Zamonaviy dunyoda iqtisodlar shu tarzda rivojlandi, rivojlanadi. Iqtisodlari rivojlangan jamiyatlarda esa ILM oliy qadriyatga, birlamchi ehtiyojga aylandi. Zamonaviy fikrlaydigan insonlarning ilmga intilishlari sababi ham shu, aslida.

Biz esa ilmning kerakligini tushunamiz, lekin uning naqadar kuchli qurol ekanini to’liq anglamaganmiz. Jamiyatimiz ilm ortidan boyigan hamyurtlarimizni bilmaydi. Ilm bilan boyish mumkinligini tasavvur ham qila olmaydi.

Qolaversa, ma’lum davrda ilmli insonlarning nisbatan kam haq to’lanadigan ishlarda ishlagani ham jamiyatning keng qatlamida ilm olishga bo’lgan rag’batni yo’qotdi. O’sha rag’bat va ishtiyoqning so’ngani sabab bugun ilm beruvchi ustozlar qadri tushdi.

E’tibor bering – horijda ilm o’rganish uchun katta haq to’lash kerak bo’ladi. Chunki, ilmga intilganlar juda ko’p. Taraqqiy etgan jamiyatlarda insonlar kelajagini ilmsiz tasavvur eta olmaydi.

Bugun ilm har qachongidanda muhim, dolzarb va ahamiyatlidir. Buning uchun, aytaylik, TVdagi ko’ngilochar dasturlar o’rnini jiddiy mavzuli ko’rsatuvlar egallashi, ilm egalariga mikrofonni berish kerak. Gapirganida ega-kesimni bir-biri bilan “urishtirib” qo’yadiganlar jamiyat ijtimoiy fikriga o’ta salbiy ta’sir ko’rsatadi. Jamiyat ulardan o’rnak olishi kerak emas.

Bugun ertalab, nonushta payti, kanallarni almashtirayotsam (odatda, O’zbekiston tarixi, Madaniyat va ma’rifat kanallarini ko’raman) bir kanalda suhbat bo’layotgan ekan. Boshlovchi yigit mehmonga savol beryapti: “Negadir sizni konsertlarda oldingi qatorlarda ko’rmay qo’ydik, buning sababi nima?” Mehmon javob berdi: “Hozir konsert dasturi bilan band bo’lganim sababli…” Tushundimki, mehmon ham shou-biznes vakili ekan. Shu yerda bir fikr keldi. Konsert dasturlarida ilk qatorlarda yozuvchi, olim… kabi nodir insonlarni ko’rmagan ekanman. Demak, biz ularga ilk qatorlarni ra’vo ko’rmaymiz. Qiziqda!

Xulosa o’rnida aytar so’zim shuki, qadriyatlar o’zgarmas ekan biz o’z salohiyatimizni to’liq ko’rsata olmaymiz. Biz ijtimoiy fikrda ham, aniq fanlarda ham so’z ayta oladigan xalqmiz, shuni unutmasligimiz kerak.

Ноижтимоий Ўзбекистон: Ўқитувчининг таътил пулини кесишда синалган ноқонуний методичка энди ҳамма меҳнаткашларга нисбатан қўлланилади

Кучга кирганига 2 йил тўлмаган Меҳнат кодексига адашмасам, бешинчи марта ўзгартириш ва қўшимчалар киритилди. Ҳа, нима бўпти, дейишга шошилманг. Чунки сиз агар олигарх ўғри ёки чиновник бўлмасангиз, кун ва тийин санайдиган меҳнаткаш бўлсангиз, бу сизнинг зиёнингиз учун.

Хусусан, энди якшанба куни ҳар йилги меҳнат таътили вақти учун ҳақ тўлашда ва меҳнат шартномаси бекор қилинганда фойдаланилмаган меҳнат таътили учун компенсация тўлашда ҳисобга олинмайди. Бу дегани агар 24 кун кунга меҳнат таътили берилса, сизга 21 кунлик таътил пули тўланади. Таътил олмай, ишдан бўшаб кетсангиз ҳам компенсация пули худди шу тартибда, нонингизни туя қилиб ҳисобланади.

Бу ҳали ҳаммаси эмас. Худди шу қоида, яъни меҳнат таътили ҳисобидан якшанбани ҳисобга олмаслик бечора ўқитувчиларга 2023 йилдан бери қўллаб келинмоқда. Тасаввур қилинг, қонунга зид бўлса ҳам, ҳукумат қарори асосида, яна Ўзбекистон ижтимоий давлат деб эълон қилинган йилдан бошлаб, Ўқитувчиларга 56 кун таътил берилиб, 48 кунга таътил пули тўлаб келинган.

Хўп бўлади мактаб вазирлиги ғинг демаган, таълимдаги саноқсиз боқиманда профсоюзлар ғинг демаган. Энди ўқитувчилар танасида синалган бу усул Ўзбекистондаги барча меҳнаткашларга нисбатан қўлланилади. Табиийки, садоқатликлар учун оромгоҳга айланган ва казоларга совға ташийдиган бассейн профсоюзлар яна овоз чиқармайди.

Бу ўзгартиришлар қачон ва қаерда жамоатчилик билан муҳокама қилинди, ташаббус қайси бир минорадан чиқди, тўғриси, мен билмайман. Лекин биламанки, мақсад пулни тежаш бўлган. Ахир бойларнинг хизматидаги қорни тўқ ўзбек чиновниги кабинетидан, хизмат машинасидан, сафар ва устамаларидан, алоҳида бонусларидан тежамайди-ку. Фестивал, банкет ва форумлардан тежамайди-ку. Меҳнаткашларнинг таътил пулидан уриб қолиб, бемалол тежаш мумкин. Меҳнаткаш ҳам одамми?

Ўзбекистон ижтимоий давлат? Бу шунчаки шиорми? Конституцияда шунақа ёзилган бўлса, нима қипти?