Mudarris Abdulvaliy

#fikrat #psixologiya

🪓 Negativ fikrlang

- Bu gap koʻpchilikka erish tuyuladi, ammo oʻzlari negativ fikrlashga moyil ekankigini, hattoki, oʻzlari bilmagan holatda negativ fikrlab kelayotganligi bilishmaydi. Oddiy savol:

3-4 yoshli bola oʻynab yurgan uyda uni qoʻli tegishi mumkin boʻlgan joyga pichoq qoʻyasizmi?

Nima uchun unda chiroq va dazmolni oʻchirdingizmi, yoʻqmi ketishdan avval tekshirasiz?

- Negativ oʻylash emasmi bular!?

Ma’lum bir vaziyatni yomon tomonini oʻylab, avvalroq uni oldini olish keyin boʻldigan pushaymondan ancha yaxshiroq, toʻgʻrimi?

Yuz berishlik ehtimoli bor boʻlgan har qanday xavf-hatarni oldini olish bu negativ fikrlash emas. Tayyorgarlik!

Oʻz sohangizda, maqsadlaringizni dekompazitsiya qilayotganingizda ana shunday kelajakda sodir boʻlish ehtimoli bor boʻlgan yomon hodisalarni ham inobatga olib oldindan tayyorgarlik qilib qoʻying.

- “B” plan doim boʻlsin!

“Oʻqishga kira olmasam keyin nima bilan shugʻillanaman?”

“Imtihondan yiqilsam nima qilaman?”

“Bu biznesim oʻxshamay bankrot boʻlsam bundan qanday chiqib ketaman?”

Oʻylang bularni. Rejalashtiring. Hammasini yozma aniqlashtirib qoʻying. Shunda muvaffaqiyatsizlik kelgan paytda siz ham ruhan, ham aqlan tayyor turasiz. Istalgan muvaffaqiyatsizlik sizni qoʻrqitmay qoʻyadi. Aksincha, siz muvaffaqiyatsizlikka yangi bir imkoniyat deb qarashlikni oʻrganasiz)

Bu hayot Azizlar. Turli hil tasodiflarga boy dunyoda yashayapmiz. Guvohi ham boʻlyapsiz…

- Ha aytgancha, bir iltimos.

“Negativ fikrlasang hayoting yomonlashadi, yomon voqealar yaqinlashadi” deydigan parapsixolog va izoteriklarni safsatalariga uchmang, tarqatmang. Yuqoridagi savollarni shunchaki ularga berib koʻring)

@mudarrisAbdulvaliy

#challange

Assalomu alaykum Azizlar. Hamma sog'-omonmi?

Ancha vaqtdan beri shaxsiy rivojlanish bo'yicha chellenjlar qilmay qo'ydik. Yodingizda boʻlsa 30 kunlik, 60 kun chellenjlar qilganmiz.

7-aprel, dushanba kuni “Puzzle” nomli 30 kunlik marafonimizni boshlimiz. Marafonda aqlan, ruhan va jismonan rivojlanishga urgʻu beriladi.

30 kunda 4 odat ustida birga ishlimiz. Dangasalik kasalligini yengillashtiramiz.

1. Davomiy mutolaa
2. Sport (yugurish, yurish, fitness…)
3. Kunlik rejalashtirish
4. Ixtiyoriy odat

Marafonning olib borilish tartibini maxsus guruhda alohida tushuntiraman.

Qizlar uchun: https://t.me/+2J3i6E9bes5jN2My
Yigitlar uchun: https://t.me/+eGyW3AcNric0ZDQy

- Rostmana hayotimni o'zgartiraman degan niyati borlarni kutaman)

🧩 Puzzle Marafon - foydali odatlarni pazl kabi teramiz

#iqtibos

Tilingdan oldin qalbingni tarbiya qil. Chunki so‘z qalbdan kelib, tildan chiqadi.

©️Jaloliddin Rumiy

🤔 Qadrdonlar, qalbni qanday tarbiyalamoq kerak, ma’lum bir usul bormi?

- Fikringiz?

@mudarrisabdulvaliy

#psixologiya #ilmiqiyofa

🎭 Atrof toʻla ahmoqlar(mi?)

Shunday insonlarni koʻrgansiz davrani oldi boʻlib, hammani oʻziga qaratib rosa gapga ustalik qilishadi, koʻp kulishadi. Ba’zilari esa oʻta asabiy, turtinib ketsangiz yeb qoʻygudek qarab baqirib ham ketadi, koʻproq jaxlda yurishadi. Bir xillari bor juda ogʻir, “dunyoni suv bossa oʻrdakka ne gʻam” deydiganlar safidan, kam kuladi, uncha munchaga asabiylashmaydi ham, bosiq odamlar. Yana birlari bor oʻta kam gap lekin ta’sirchan, sal narsaga ham koʻziga yosh kelaveradi. Oʻzlarini dunyosida yashaydi.

Yuqorida siz 4 toifagi odamlarni koʻrdingiz. Ularning atrof-muhitga nisbatan reaksiyalarini ochiqlashga harakat qildim. Shu orqali sizlarga bitta narsani tushuntirmoqchiman. Bu muhim!

• Odatda quvnoq, kulib xushchaqchaq boʻlib yuradigan insonlarning hammasi ham - xulqi buziq, bachkana emas!

• Odatda asabiyroq, jaxldor boʻlib, biroz qoʻpol ham gapirib qoʻyadigan insonlarning hammasi ham - kibrli, manman emas!

• Odatda bosiq, vazminlik bilan yuradigan, harakatlari sust boʻlgan insonlarning hammasi ham - beparvo, e’tiborsiz emas!

• Odatda sokin va sal ogʻir gapga yigʻlab yuboradigan, ta’sirchan odamlarning hammasi ham - qoʻrqoq, kuchsiz emas!

Ular shunday yaratilgan. Biz shunday yaratildik!

Atrofimizda bizga noodatiydek tuyulayotgan odamlar aslida ahmoq emas, shunchaki biz ularni tushunmayapmiz.

Xohlaysizmi, yoʻqmi jamiyat va undagi odamlar bilan birga yashaysiz. Doimiy muloqotdasiz. Insonlarni tabiiy qabul qiling. Ular shunday xusussiyat bilan yaratilganliklarini oʻzingizga eslating. Munosabatlarni yaxshiroq saqlab qolishga bu yordam beradi.

Yaxshi munosabatlar - muvaffaqiyatingiz kalitlaridan, albatta.

@MudarrisAbdulvaliy

#ritorika

🕹️ Xavfli qurol

Sahnada nutq qila olish bu - san’at. Nafaqat san’at, u - ilmdir ham. San’atda erkinlik bor lekin umumiy qonun-qoidalar oldindan boʻlgan. Kichik misol: qoʻshiq aytishdan avval tomoq qizdirilishi.

Ritorika san’atida ham ana shunday usullar mavjud va ularni oʻrganish talab etiladi. Demak notiqlik oʻrganish va uni amalda qoʻllash orqali egallanadi.

- Toʻgʻri, vaqt oʻtishi bilan insonlar bilan muloqotda ma’lum bir koʻnikmalarga ega boʻlasiz, ammo bu ta’sirli, ommani boshqara oladigan kuchli nutq egasi boʻla olasiz degani emas. 60 ga kirib sahnada bir ogʻiz gapni maromida gapira olmaydigan insonlarni eslang, ular sal kam 55 yil odamlar bilan muloqotda lekin sahnada...)

Har qanday ruhan sogʻlom inson notiq boʻla oladi!

Nutq bu - qurol. Xavfli qurol. Undan toʻgʻri va ijobiy foydalana olgan soha egasi atrofidagilardan doim bir pogʻona baland koʻrinadi. Sohasiga oid ilmi unchalik yuqori boʻlmasa ham!

Nutqidan toʻgʻri foydalana olmagan professor esa mohirona dars oʻta olish naryoqda tursin, ma’lumotlarni hattoki ta’yinli yetkazib bera olmasligi oʻzi qanchalik xavfli?

- Hozirdan qurolni oʻqlang. O‘qlash esa mutolaasiz bo‘lmaydi :)

@MudarrisAbdulvaliy

#fikrat

🏆 Muvaffaqiyat aslidaa…

“Muvaffaqiyat siri bunda”, “muvaffaqiyat siri unda” degan ma’nodagi koʻp ertaklarga duch kelamiz.

- Ertak? Qanaqasiga?

Bir oilada bir xil sharoitda oʻsib, ulgʻaygan aka-ukalar orasida va ularning erishgan natijalarida qanchalik farq bor? Savol ritorik. Ular bir xil harakat qilishsa, natijalari bir xil boʻladimi? Albatta, yoʻq.

Insonning muvaffaqiyati bir qancha faktorlarga asoslanadi. Asosiylari: Irsiyat, ijtimoiy muhit, tarbiya, taqdir va duo. Endi yana bir oʻylab koʻring, yuqoridagi jarayonlar ikki insonda bir xil darajada duch kelish ehtimoli qanchalik yuqori?

- Sizga men ham bir sirni ochay)

Aslida hech qanday umumiy “muvaffaqiyat siri” yoʻq!
Shunchaki har bir insonning oʻz muvaffaqiyat yoʻli bor holos. Yoʻlingizni topa olsangiz va u tomon kerakli kuch bilan harakat qila olsangiz boʻldi.

- Imkonqadar oʻz muvaffaqiyat yoʻlingizni ishlab chiqing. Harakatdan rohatlaning. Natija kutganingizdek boʻlish yoki boʻlmaslik ehtimollari bor. Esingizdan chiqarmang. Natija insonni qoʻlida boʻlmagan faktor.

Siz muvaffaqiyatli insonlarning hayotida yashamang. Oʻzligingizni yarating. Huddi ulardek!

@MudarrisAbdulvaliy