Psixolog Saodat Komilovna

Эртадан бошламоқчи бўласиз китоб укишни;

Эртадан бошламоқчи бўласиз спорт билан шуғулланишни;

Эртадан бошламоқчи бўласиз тирикчилик билан жиддий шуғулланишни;

Эртадан бошламоқчи бўласиз илм олишни..

Эртадан бошламоқчи бўласиз узгаришни...

Эртадан бошламоқчи бўласиз уз устингизда ишлашни;

Хуллас, эртадан ҳаётингизни оқ қоғоздан бошлашга умид қилаверасиз…

Аксига олиб, БУГУН келаверади.. қайта-қайта БУГУН келаверади…

#tushungan_tushundi
@muammo_yechim

#PSIXOLOGIYA

​Psixolog qabulida:
— Men masʼuliyatni zimmamga olishdan qoʻrqaman.
— Hamma ham oʻz qoʻrquvlarini tan olishga jurʼat topavermaydi.

— Men hech qaysi ishni oxiriga yetkaza olmayman.
— Siz qiziqishingiz soʻngach, diqqatingizni boshqa tomonga qaratishni uddalarkansiz.

— Hatto siz bilan ham natijaga erishishimga shubham bor.
— Prognoz qilishni yaxshi bilarkansiz.

— Meni shunaqa qilib qoʻyishdi.
— Siz atrofdagilar taʼsirini tan olarkansiz.

— Menga yordam berasizmi?
— Siz yordam soʻrashni bilarkansiz.

— Savolimga javob bermadingiz!
— Qatʼiyatli ham ekansiz.

— Yaʼni, yoʻq, demoqchimisiz?
— Munozarani oʻtkirlashtirishga tayyor ekansiz.

— U holda men nima uchun toʻlov qildim?
— Xarajatingiz uchun javob talab qila olyapsiz.

— Xullas, menga nima boʻlgan?
— Bir necha daqiqalik suhbat asnosida siz yetuk, mard, talabchan, ishonchli va kuzatuvchan inson ekanligingizni koʻrsatdingiz.

— Lekin bularning bari hayotimda sezilmayapti.
— Siz qarama-qarshiliklarni ham payqay olyapsiz.

— Men shu sifatlarning hammasini ishga sola olganimda, hayotim oʻzgacha kechardi.
— Siz hayotingiz oʻz salohiyatingizni namoyon eta olishingizga bogʻliq ekanligini tushundingiz.

— Axir bu tabiiy-ku.
— Siz buni tasdiqladingiz.

— Lekin oʻz salohiyatimni qanday namoyon eta olishim mumkin?
— Siz ularning borligi va namoyon boʻla boshlaganini tan oldingiz.

— Men ularni shu yerda koʻrsata olayotganimni siz aytdingiz.
— Siz esa buni tan oldingiz.

— Lekin bu sifatlarni koʻproq namoyon etish uchun nima qilish kerakligini aytmadingiz!
— Siz oʻzingiz uchun muhim savolni oʻtkazib yubormay, yana bir bor qatʼiyat koʻrsatdingiz.

— Bundan biror naf bormi?
— Siz oʻz qarashingizni himoya qilishni bilarkansiz.

— Lekin taslim boʻlgan paytlarim ham boʻlib turadi.
— Demak, ikkala variantdan ham foydalana olarkansiz.

— Men shunchaki qiyinchiliklarni yoqtirmayman!
— Aqlli odam ekansiz.

— Lekin bu feʼlim ishlarni yarim yoʻlda tashlab ketishimga sabab boʻladi!
— Siz oʻzaro bogʻliqlikni koʻra olar ekansiz.

— Lekin qatʼiyat koʻrsatish uchun qiyinchiliklardan qoʻrqmaslik kerak.
— Albatta. Va siz vaqti-vaqti bilan buni uddalayapsiz.

— Demak, men endi qiyinchilikdan qoʻrqmayapmanmi?
— Siz oʻz kuchingizni tan ola boshladingiz.

— Biroq men zaifman!
— Zaifligingizni ham.

— Lekin men bir paytni oʻzida ham kuchli, ham zaif boʻla olmayman!
— Yechimga yaqinlashdingiz.

— Demak, men kuchliligim va zaifligimni navbati bilan ishga solsam boʻlarkan-da.
— Siz nafaqat savol qoʻyishni, balki javob topishni ham yaxshi uddalarkansiz.

— Hamma sifatlarim shundaymi?
— Hayot qonuniyatini angladingiz chogʻi.

— Men har xil boʻlishim mumkin. Lekin yaxshi sifatlarimni koʻproq namoyon eta olishim kerak...
— Muhim kashfiyot.

— Lekin u holda hech qachon oʻz nuqsonlarimdan qutula olmayman-ku.
— Tanlash ixtiyorini tashlab yuborolmaysiz.

— Demak, ixtiyor doim oʻzimdami?
— Yaxshi fikrlayapsiz.

— Infantil yoki yetuk boʻlib qolish oʻzimning tanlovim ekan-da?
— Har soniyada!

— Axir bu masʼuliyat-ku!
— Albatta. Masʼuliyat butun hayotingiz davomida siz bilan edi va shunday boʻlib qoladi.

— Xarakter-chi?
— Hozirgina siz uni shubha ostiga oldingiz.

— Xarakter — men avtomatik tarzda namoyon etayotgan sifatlarimmi?
— Bu siz avtopilotga ishonib topshirib qoʻygan narsa.

— Tanlov hamisha bormi?
— Siz endi hammasini tushunib boʻldingiz.

— Buni hazm qilib olishim kerak.
— Siz yana bir bor mustaqil fikrlay olishingizni namoyon etdingiz!

@muammo_yechim

​​Atrofimizdagilarning bizga ta’siri qanday?

Har qanday odam ijtimoiy mavjudotdir, ya'ni qandaydir darajada atrofdagilarga bog'liq. Odamlar bilan u yoki bu tarzda o'zaro aloqada bo'lar ekan energiya almashinuvi yuz beradi. Albatta bu yerda qandaydir g'ayritabiiy va sirli narsa haqida gap ketayotgani yo'q.

Yaxshiroq anglash uchun, quvnoq odam bilan muloqotda bo'lganingizda, siz bilan nima ro'y berishini eslang? Ko'p hollarda kayfiyat ko'tarilishni boshlaydi. Qiyin vaziyatga tushib qolgan yaqiningiz bilan ham shu holat. Siz bilan o'z muammosini bo'lishgach, aaabiyroq bo'lib qolasiz, xavotir his qilishni boshlaysiz. Energiya almashinuvining ushbu jarayonidan yaxshilik uchun, shaxsiy o'sish uchun foydalanish mumkin va zarur!

Masalan, o'z kuchingizga ishonch yetishmayaptimi? Atrofingizni muvaffaqiyatli odamlar bilan qurshab oling va muvaffaqiyat qanday qilib sizning doimiy hamrohingizga aylanib qolganini sezmay qolasiz.
Yoki o'zingizni juda yopiq his qilyapsizmi?
Muloqot doirangizni erkinrog'iga o'zgartiring. Kayfiyat bilan ham xuddi shunday. Ko'proq ruhiyatingiz ko'tarinki bo'lishini xohlaysizmi? Pozitiv odamlarni toping va iloji boricha ular bilan ko'proq muloqotda bo'ling!

Yodingizda tuting: har qanday hislar yuqumlidir.
@muammo_yechim

Baxtingizni his qiling!

Qachon so‘nggi marta o‘zingizni baxtli his qilgansiz?
Bu hissiyotni qaytarish mumkinmi?

Aslida ko‘pchiligimiz baxtni tez-tez his qilamiz faqat bu asli qanday hissiyot va u bizga qanday ta‘sir o‘tkazishini bilmaymiz xolos.

Agar baxt nima deb savol berilsa, javoblar hammada turlicha bo‘ladi. Kimdir yaxshi ish, kimdir oila va boshqalarga pul yo sog‘liq deb javob beradi. 

Psixologiyada baxtga hissiyot sifatida quyidagicha ta’rif beriladi. Baxt bu odam o‘zinining mavjudligi, imkoniyatlarini namoyon qilishi, o‘z hayoti mazmunidan to‘liq ichki qoniqish hosil qilish hissidir. 

Demak, sizga ichki qoniqish va lazzatlanishga imkon beradigan istalgan narsa baxt sifatida baholanishi mumkin.
Kimdir baxt pulda desa, bu hamma uchun shunday emas aslida. Baxt kishining atrofdagilarga, narsalarga munosabatidan kelib chiqadi. Odam nimalarni ko‘proq qadrlashidan, u yuzaga chiqadi. Baxt har doim odamning tashqi olam bilan munosabatidan kelib chiqib his qilinadi.

Sizning baxtli yoki baxtsizligingiz hayotingizda yuz berayotgan voqealarga emas, balki shu voqealarga siz qanday munosabat bildirishingizga bog‘liq. Istalgan qiyin vaziyatda ham xotirjamlikni saqlab qolish va chiqish yo‘lini qidirish mumkin.

Bu sizning shu vaziyatda o‘zingizni qanday tuta olishingizga bog‘liq. Ba’zan vaqtida kelgan avtobus ham, yoki birovlarning maqtovi ham o‘zingizni baxtli deb sanashga sabab bo‘ladi. Atrofga optimistik ko‘z bilan qarasangiz, o‘zingizni shuncha oson baxtli his qila olasiz!

@muammo_yechim

#Tanqid_haqida👆👆👇👇

Odatiy tanqid tashqi belgilar asosida shakllanadi. Biz odamga qaraymiz uni nimasidir yoqmaydi, yoki unga tegishli nimanidir tanqid qilishda ham avvalo o‘sha odamga nisbatan munosabatimiz buni belgilaydi. Ishoning, tanqidchi doimo hammani ham tanqid qilavermaydi. U o‘zi bilgan va o‘sha odamdan kutgan reaksiyasi asosida tanqidni boshlaydi.

Ammo, biz buni yuragimizga yaqin qabul qilib, kuyunib yuramiz. Aslida bir narsani tushunishingiz lozim, tanqidchi hech qachon sizni o‘rningizda bo‘lolmaydi va siz his qilgan narsalarni his qilolmaydi.  Tanqid ko‘pincha chuqur o‘ylanmay bildiriladi, shu sabab uni yurakka yaqin olish noto‘g‘ri.  Tanqid - bu birovning boshi bilan fikrlash.

Tanqidga eng foydali javob - empatiya. Ya’ni tanqidga rozi bo‘lish, unga hayrixohlik bildirish. Yoki tanqidga hech qanday qarshi fikr bildirmaslik. Bu darhol tanqidchini esankiratib qo‘yadi. U sizdan qarshi reaksiya kutgandi, ammo siz unday javob bermay aksincha fikrlarida jon borligini ta’kidlaysiz, tamom. Endi keyingi tanqidlarga o‘rin yo‘qdek bo‘lib qoladi.

Davomi bor...

@muammo_yechim

Meni istagancha tanqid qiling: tanqidlarga qanday javob berish kerak?

Yozuvchi  Elbert Xabbard shunday degan: Tanqid qilishlarini xohlamaysizmi - unda hech nima qilmang, hech kim bilan gaplashmang va hech kim bilan bo‘lmang.

Yozuvchi bu bilan nima demoqchiligi aniq. Tanqid og‘riqli bo‘lsada,  biron ish faoliyati bilan shug‘ullanayotgan istalgan odam tanqidlar, tanbehlarga duchor bo‘lishi aniq. Ba’zan bitta shunday tanbehni deb butun tun kimlardir uxlay olmaydi. Xo‘sh, tanqid bu tarzda xayolimizga o‘rnashib olmasligi uchun nima qilishimiz kerak?
Buning uchun tanqid qanday yuzaga kelishini tushunishimiz lozim?

Dastlab, tanqid aslida tanqidchining o‘z tajribasidan kelib chiqqan shaxsiy fikri ekanini tushunish lozim. Tanqidchi nimanidir tanqid qilishda o‘sha narsani o‘zi biladigan ma’lumotlar va o‘z tajribasiga solishtirib baholab ko‘radi. O‘z qarichiga moslashga harakat qiladi, agar tushmasa darhol tanqid qilishga o‘tadi.

Davomi bor...👇👇
@muammo_yechim

Hech e'tibor berganmisiz?

Garchi inson laboratoriya jonivori bo‘lmasada ko‘pincha o‘zini shunday tutadi. Ba'zan odamlarni qafasga solishadi va huddi kalamushlardek munosabatda bo‘lishadi. Ularni manipulyatsiya qilishib,  o‘z xohishlariga ko‘ra qurbonlik qildirishadi. Aslida laboratoriya kalamushlari qafaslari ham ko‘pincha ochiq bo‘ladi.

Agar kalamush chiqmayotgan bo‘lsa uni bir holat ushlab turibdi. Qafasda barchasi tanish va odatiy. Katta hayotga qadam qo‘yarkan odam erkin dunyoning quvonchli va xavfli jihatlariga ham e'tibor berishi kerak. Bu holat uni qo‘rqitadi. U darhol qafasga qaytadi,  chunki qafasda o‘zini yaxshi tutsa va knopkani o‘z vaqtida bosib tursa u o‘ziga kerakli ovqat,  suvni olishini biladi.

Odamlar bilan ham shunday erkinlikka erishish katta ma'suliyatni bo‘yinga olishdir. Bunga hamma ham tayyor bo‘lavermaydi.

Erik Bern
@muammo_yechim

  Psixologga qachon borish kerak?

🔹Ko‘pincha odamlar ayni qaysi holdan keyin psixologga murojaat qilishni aniq bilolmaydilar. Quyida esa biz depressiyaning qaysi belgilari paydo bo‘lsa psixologga murojaat qilishni ko‘rsatamiz. Demak agar sizda:

1. Tushkunlik kayfiyati 14 kundan ortiq davom etayotgan bo‘lsa;

2. Atrof muhitga qiziqish butkul so‘nsa. Ish, o‘qish hech qanday mashg‘ulot qiziqtirmay, axmoqona ko‘rina boshlasa;

3. Doimiy toliqish. Ertalab uyg‘onganingizdanoq doimo og‘ir,  charchoq bilan uyg‘onsangiz;

4. Besabab aybdorlik hissi. O‘zingizni keraksiz deb bilib, past baho bera boshlasangiz;

5. Diqqatni jamlay olmaslik. Odam biror matn yo so‘z yodlashni uddasidan chiqolmasa;

6. Buzulgan uyqu. Tunda uxlolmaslik, umuman uyqu kelmasligi yoki doimiy ravishda uyqu kelaverishi holati uchrasa.

Psixolog yoki psixiatrga murojaat qilish lozim.

@BALANCEmarkazi
@muammo_yechim

O‘zgarishlar davri bosqichlari

Psixologlar Jeyms Proxazki va Jon Norkrosslarning “Pozitiv o‘zgarishlar psixologiyasi” kitobida keltirilgan “O‘zgarishlar davri” nomli o‘zgarishga eltuvchi bosqichlar 6 ta bo‘lib quyidagilardan iborat:

1. O‘zgarishga qarshilik (Menda hammasi joyida,nega o‘zgarushim kerak deb hisoblash.)

2. O‘ylab ko‘rish (Muammo borligini tan olish va balki nimadir qilish kerakdir deb o‘ylash)

3. Tayyorgarlik(Odam muammoni yechish uchun aniq harakatlarni boshlaydi, o‘zidagi nimanidir o‘zgartirishni reja qiladi)

4. Harakat(uchinchi bosqichdagi reja asosida o‘zgarishga harakat boshlanadi. Natija qanday bo‘lishiga qarab, oqibatlar o‘ylanadi, solishtiriladi. Shunga monand harakatlar davom etadi)

5. O‘zgarishni saqlab qolish(Muammo yechilgan, kishi o‘zi xohlagandek o‘zgargan bo‘lsada risk bor bo‘ladi. Odam yana osongina oldingi holiga qaytishi mumkin. Iroda sinaladigan payt keladi)

6. Yakun(So‘nggi bosqichda o‘zgarish butkul tugatiladi. Mavjud muammo o‘zini eslatmaydi. Kishi oldingi holatini qo‘msamay qo‘yadi)

Odamlar psixologga odatda 2- bosqchida murojaat qilishadi. Qanday o‘zgarish, o‘zi o‘zgarish kerakmi, degan gaplarga psixolog yordamida javob izlanadi. Motivatsion intervyu olib borishda psixolog muammo masshtabini, o‘zgarishlar ko‘lamini aniqlashga harakat qiladi. O‘zgarishga sabablar motivi va sababi aniqlanadi. Shu sababli ham uslub motivatsion intervyu deb nomlangan.

@BALANCEmarkazi
@muammo_yechim