I.V. Savitskiy nomidagi Davlat sanʼat muzeyida yarim yil mobaynida Italiyadagi galereya va koʻrgazma zallarida namoyish etilgan “Oʻzbekiston: sahrodagi avangard” nomli keng koʻlamli koʻrgazma loyihasi oʻz ishini davom ettirmoqda.

O‘zbekistonlik rassom Aleksandr Volkov o‘z san’atida Sankt-Peterburg va Kiyev rassomchilik maktablarida mutanosiblik va istiqbolga oid tahsil olgan bilimlarini qo‘llab, ikkinchi tomondan esa o‘ziga qadrdon Farg‘ona qishloqlarida duch kelgan ranglar avj-shiddati, jismlar jilosi va oromijon shabada tarovatini o‘rganish orqali komil maromiga yetkazadi. San’atdagi ovro‘pocha avangard oqimlariga ko‘z qirini tashlar ekan, musavvir o‘zining dastlabki asarlarida milliy mavzu va bezakda kubizm, futuristik parchalanish va handasaviy mavhumlik sari qisqartirish kabi badiiy usullarni tatbiq etadi va shu orqali o‘z dastxatiga xos va mos rangtasvir uslubini yaratishga muvaffaq bo‘ladi.

“O‘zbekiston: sahrodagi avangard” ko‘rgazmasi I.V.Savitskiy nomidagi Davlat san’at muzeyida 2025-yil 15-yanvarga qadar davom etadi.

🖼 Aleksandr Volkov, “Karvon”, 1926-yil