Muhammad Amin Naziraliyev

Oyligingiz yetmayaptimi?

Oldin 500$ topar edingiz, endi 800$. Oldin ham zo'rg'a oylingizni yetkazib olar edingiz, hozir ham shunday. Nega?

Ishoning, men ham shu o'yinni ichidaman.

Balki kerak emas xarajatlarimiz oshganidadir. Kichik kundalik isroflar va o'ylanmay qilingan xaridlarda. Aksariyat hollarda xarajatlar shunchaki daromad ortidan oshib boraveradi.

Shkafingizni oching qancha kiyilmagan kiyimlar turibdi, ishlatilmagan buyumlarimiz yer to'lada turibdi, xatto kitoblarimiz ichida ham bir marta o'qishga arzimaydiganlari topiladi.

Bu hodisa “Parkinson qonuni” deb ataladi: daromad oshgani sari, xarajatlar ham tabiiy ravishda ko'payadi. Odam o'zini moliyaviy erkinroq his qiladi va ko'proq sotib olishga moyil bo'ladi. Lekin bu ko'pincha odatiy qulayliklar ortidan isrofgarchilikka aylanib qoladi.

"Moliyaviy muammolarni ko'p pul topish emas balki odatlarni o'zgartirish hal qiladi" deydi Devid Bax.

Qayerga ketayotganingizni bilmasangiz, borgan joyingiz yoqmaslik ehtimoli katta.

Muhammad Amin Naziraliyev

@mnshuz

Irodaga emas majburiyatga qo'ying

Bir yaxshi ko'nikmani boshladingiz, 1 hafta qilasiz keyin ish ko'pligi uchun to'xtatib qo'yasiz. Yoki davom etish uchun irodangiz yetmaydi.

Iroda yetmayaptimi? Majburiyatga qo'yish kerak. Vaqtlar o'tib irodangiz shakllanganda keyin majburiyatga qo'ymasdan irodaga tashlab qo'yaverasiz.

Iroda nimadan shakllanadi majburiyatdan. Ikkisi bir siklda. Irodaga qo'ysangiz eplay olmayapsiz, majburiyatga qo'yasiz. Majburiyatdan qachon irodaga olasiz, irodangiz shakllanganda. Uni uchun esa yana majburiyatga murojaat qilasiz.

Majburiyat ham ikkiga bo'linadi.

1. Tashqi majburiyatlar. Oila boqish, farzand tarbiya qilish, ota-onaga va ustozlarga xizmat qilish va hk.

2. O'zingizni majburlashingiz. Ba'zi bir ko'nikmalar. Bu ko'nikmalar esa boshqalardan ham ko'ra o'zingizniki.

Misol uchun: Semirib ketmaslik, erta turish, yozish, kitob o'qish, o'zingizga nisbatan hurmat.

Ikkinchi turdagilarni qanday qilamiz. Faqat vosita orqali. Hozircha vosita deb faqat biz marafonlarni topdik.

Marafonlar o'zingizni og'rig'ingizdan kelib chiqib bo'ladi. Men semirib ketyapman. Moliyaviy erkinlik, erkin ish grafigi, kam harakatlilik.

Endi nima qildim: Avvalo yugurish, keyin shira yemaslik endi esa ozgina vaqtdan keyin yurishdan boshloqchiman.

Bularni qilishim uchun challange qilish kerak. Ko'pchilikka vada berasiz va majburligingizdan maqsadga erishasiz.

Xulosa, irodaga qo'ymang majburiyatga qo'ying.

Muhammad Amin Naziraliyev

@mnshuz

O'zing adashtirmagin

Toshkentdaman, kursda o'tiribman. Mentor darsini o'tyapti. Bir nimalar deyapti. Kamina esa mentorning bironta gapini eshitmayapman, o'quvchilarga qarab faqat bir narsa haqida o'ylayapman.

Bu o'quvchilar qaysidir o'quv markaz, bog'cha va maktablarni kattalaridan. Ya'ni qo'lida eng kami 10 tadan 100 tagacha xodim ishlatadi va 200 tadan 2000 tagacha o'quvchi o'qitadi. O'zini va so'zini ta'siri katta yigitlar.

Bularni chiqargan birgina qarori shuncha o'quvchilarga ta'sir qiladi. Millatni qanchadir o'quvchini taqdirini hal qiladi bular.

Bularni chiqargan birgina qarori xodimlar va ularni oilalariga ta'sir qiladi.

Endi dars o'tayotgan mentorni ham o'yladim. U adashsachi?

Qalbimdan bir nido chiqdi: Mentorni adashtirib qo'ymagin!

"Bir odamning xatosi butun bir qavmning halokatiga olib keladi."
— Hazrat Umar (r.a).

Muhammad Amin Naziraliyev

@mnshuz

Mazasini his qilmayapsiz

Yoshligimda 1 oyda bir marta shashlik yer edik. Shunaqa mazali edi. Mazza qilar edim.

Vaqtlar o'tdi pulimiz ko'paydi endi bo'lsa haftada 1 marta yoki xohlagan paytimiz yeya olganimiz uchun shashlikdan mazza qilmay qo'ydik. Banan, mandarin, kivi misoli ham shunday.

Margulan Seysembay, qozog'istonlik milliarder deydi: "Menda bir paytlar 6 mlrd $ pul bo'lgan, 26 ta ekipajli yaxta, yaxtani ham eng zo'ri, ichida suv ostida suzadigan kemasi ham bor edi, rollce-royce mashinasi va hk. Va bulardan men "kayf" his qilmay qo'yganman.

Sovuq kunda kun bo'yi ishlab, qorni och uyga kelgan konchi, issiq uy va sho'rvadan yeganida men qora va qizil ikra yeganimdan ko'ra ko'proq "kayf" qiladi.

Yangi mashina olgan odam, u eski Lada Granta bo'lsa ham, mening navbatdagi Maybach mashinamni olganimdagi kayfdan ko'ra ko'proq "kayf" qiladi

Chunki men va o'sha paytdagi "menga o'xshagan" material narsalarga berilgan odamlarda garmonal ko'rlik hosil bo'ladi va keyingi yaxshiroq, qimmatroq narsaga intilish kuchayaveradi. Bu xohishlarning cheki yo'q." Iqtibos tugadi.

Kamina shira yemaslik marafonini boshlashdan ham maqsad shu. Shirali narsalar yeyaverib, tabiiy mahsulotlarni mazasini his qilmay qo'yganmiz. Tabiiysidan maza qiling))

Moddiy boylik va ortiqcha zavqlanish insonni haqiqiy lazzatdan mahrum qiladi, nazarimda.

Muhammad Amin Naziraliyev

@mnshuz

Uzoq yashash uchun

Jismoniy holatni ushlash, har vaqt tetik holda yurish, uyqu sifatli yaxshi bo'lishi uchun quyidagi ishlarni anchadan beri qilib kelyapman. Foydasi bo'ldi:

1. Kechqurun 20:00 dan keyin toam yemaslik. Semirib ketishdan uzoqda bo'lasiz. Uyqu sifati yaxshilanadi.

2. Bir kunda eng kami 25 daqiqa yurish. Stressni kamaytiradi va tetik bo'lishni taminlaydi.

3. Shira yemaslik. Kayfiyatni yaxshi qiladi va vazn to'plashdan halos qiladi.

4. Nonushta qilish. Bu ovqatlanishni tartibini joyiga qo'yadi.

Aytadiku, Sportni menga yoqqan eng yaxshi tomoni uni meni hayotimda yo'qligi))

Muhammad Amin Naziraliyev

@mnshuz

Shapaloqlar

1. Birinchi yegan shapalog'im bog'chada bo'lgan. Uxlamaganim uchun yordamchi tarbiyachim naqd qulog'imni tagiga tushurganlar. Tasviri ko'zim oldida.

Shuni mazasidanmi bog'cha ochishga qaror qilganim va tarbiyachi bolani ursa o'sha zahoti ishdan bo'shataman.

2. Universitetda 2-kurs edik. Ishga topshirdik. Tayyorlanmasdan, ba'zi ko'nikmalarni o'rganmasdan bordim. "O'zingni qadringni bilib tayyorlanib kelsang bo'lmaydimi?" degan gapni eshitdim. Shapaloqni kattasi tushdi.

Shundan keyin qaysi shogirdimiz ishga topshirsa, bilgan narsamni o'rgatishga kirishaman. Xatto ba'zi materiallar ham tayyorlaganman.

3. Yoshligimda do'stim bilan ish boshladim. Na yozish, na aniq narsalar belgilagan ekanmiz. Faqat og'zaki bo'ldi. Yakunda hisob kitob qiyomatga qoldi. Eng og'ir shapaloqlardan biri bo'lgan edi.

Hozir kimni sherikchilikda ish boshlashini bilsam chaqirmasa ham borib yozish, chizish, aniq asoslar bilan ish boshlashni tavsiya qilaman. Birlarini o'rtasida turib o'zim yozdirgan kunim ham bo'ldi.

Xulosai-kalom shuki, har bir shapaloqdan ibrat olmasak og'rigani qoladi xolos.

Bizga toshdek tekkan narsani gulga aylantiradigan o'zimiz.

Muhammad Amin Naziraliyev

@mnshuz

Jiddiy emasman

1. Kanalda jiddiy postlar chiqishi sizni aldab qo'ymasin. Aslida jiddiy inson emasman.

2. Kulishni va kuldirishni yaxshi ko'raman. Jiddiylik asliyatimda yo'q nazarimda.

3. Birinchi uchrashuvda ozgina hazil bilan tanishishni yaxshi ko'raman. Vodiy tushunadi lekin Toshkentdan uyog'i tushunmasdan turaverishini kuzatdim.

4. Bekorchi gaplar bo'lmagan latifalar eshitishni yaxshi ko'raman va o'zimda ham matn holatida to'plab yuraman.

5. Tabassum bilan yurish naqlga ham aqlga ham to'g'ri keladi. Umid bilan yashayman. Lekin qalbimda yaralar ham bor.

Nega yozdim? Bildirish uchun.

Bir ayol uyini polini artib bo'lgan ekan eri artilgan polni bosib yuboribdi. Ayol to'pponchasini olib erini otib tashlabdi. Politsiyachilar kelib ayolni ushlash uchun pol qurishini 20 daqiqa kutib keyin qo'lga olishgan ekan))

Muhammad Amin Naziraliyev

@mnshuz

Faqat oldinga..

"Faqat oldingga qarab bos, sen hech kimdan kam emassan, erishadigan narsalaring ko'p" deyishdi, deyishdi oxiri ne'matni ko'rish, haqiqatlarni anglash, bor narsalarni qanday kelganini tafakkur qilish ko'nikmasini olib qo'yishdi.

Endi bor narsaga ham shukr qilmaslik muborak bo'lsin! Orqamizga ham bir qaraylik, nimalarga erishdik? Qancha narsalar qo'lga kiritdik.

Ustozlarimiz, ota-onamiz, farzand, oila, mashina, uy, shogirtlar va nimalardir, anglashga yetar?!

Bu esa erishgan yutuqlarni qadrlash zarurligini eslatib turadi, chinakam baxtni his qilishga yordam beradi.

"Agar Allohning ne'matlarini sanasangiz, sanog'iga yeta olmassizlar"(14:34)

Muhammad Amin Naziraliyev

@mnshuz

Yozishdagi tavsiyalar

1. Maqola oxiriga albatta ismi-familyangizni yozing. Oxirgi ma'lumot birinchi ism va keyin familya yozishni tavsiya qilinyapti.

2. Bir kunda bitta maqola joylang blogingizga. Mavzular tugab qolganda siqilmaysiz. Chunki har kuni ham yoza olmaysiz.

3. Hayolingizga bir fikr kelib qolsa, sarlavhasini yozib qo'ying. Keyin ketma-ketlikni o'ylayverasiz.

4. Yozilgan maqolani o'sha kuni chiqarmang. Hech bo'lmasa oldin hayolingizda pishib yetilgan bo'lsin. Yoki yozilganidan keyin o'ylash, tahrir qilish yoki tuturiqsiz joylarini olib tashlashga fursat qolsa yaxshi.

5. Yozmoqchi bo'lgan yoki yoziladigan maqolani oldin gapirib bering.

Aqlimiz shunaqaki, gapirib berayotganimizda oldin o'qigan yoki eshitgan ma'lumotlarni fikrga olib chiqib turadi.

6. Ko'rishlar soniga qarayvermang yoki kanaldagi odamga. O'zingiz uchun yozyapsizku.

7. Ozgina hazil joylari ham bo'lsin. Jiddiylik davr talabi emas.

Yuqoridagi tavsilarni kimdirgadir gapirib berishim kerak. Kim bor?!))

Muhammad Amin Naziraliyev

@mnshuz

Aniq hisob

1. Bir kunda 7 soat uxlayapman deysiz. Hisoblab ko'ringda 8 soatdan kam emas.

2. 10 soatdan kam ishlamayman, qattiq mehnat bizga chiqarilgan deysiz. Uchrashuvlar, telefonga qarash, sheriklar bilan gaplashish va hokazo ishlarni chiqarib yuborganda 4 soatga ham bormaydi.

3. Telefon yoki TV 4 soatdan oshmaydi deysiz. Iphone da screen time funsiyasidan statistikangizni ko'rib qo'rqib ketasiz.

4. Kitob o'qish, podkast tinglash, darslik ko'rishni hisoblamay qo'yaqolay.

Ushbu misollar muhim narsaga ishora qilyapti: Kunimizni ko'p vaqtini hisob-kitob qilmay o'tkazamiz.

Kunimizni qayta ko’rib chiqishga, qimmatli daqiqalarimizni bekorga ketkazmaslikka harakat qilish foydali.

Vaqt o’zi yetarli, muammo uni qanday ishlatayotganimizda. Har kuni 24 soat – bu imkoniyat.

Muhammad Amin Naziraliyev

@mnshuz

Muhit

2014-yil litseyda o'qishni boshlashni 1-kuni, litseydan maqsad o'qishga kirish. Birinchi kundan yeg'ilish. Yeg'ilishda bir guruhda o'qiydigan 3 yigit tanishdik.

Biri matematikani ozgina biladi, yana biri ko'cha bezorisi, 3-si esa bir narsalarni orzu qilayotgan parvona.

O'qishni boshlagandan keyin asta-sekinlik bilan birlashdik, bilim olishga harakatni boshladik. Bizni harakatimizni ko'rib yana bir olim bo'lishi davo qiladigan bola bizga qo'shildi. 4 ta bilag'on birga bo'ldik.

Maqsadlar birlashdi, harakatlar tezlashdi, suhbatlar murakkablashdi, amallar maqsadlarga moslashdi.

Hozirga kelib esa 4 talamiz yaxshi ishlarda, katta maqsadlar bilan ishlab kelyapmiz. Qaysidir ma'noda jamiyatga nafimiz kengayib bormoqda.

Bu narsalarga eshishni muhitga bog'lamoqchi bo'laman. O'zgarishimiz uchun, muhitimiz o'zgarishi kerak.

Muhitni qanday o'zgartiramiz, yaxshi do'stlar topish orqali. Ular orqali ta'sirlanamiz.

-12 yoshida aqlli bolalar bilan do’st bo’lganlar 18 yoshida IQ darajalari katta o’sgani kuzatilgan. (J.Klir)

Muhammad Amin Naziraliyev

@mnshuz

Kuzatganlarim, tajribalardan

1. Marg'ilonda tirbandlik bo'lmaydi. Farazan bir yo'lni yopsa mahallar orqali yuriladigan yo'llar ko'p.

Mashinani ayamasa, katta yo'l ochiq bo'lsa ham ko'chalardan yursa tez manzilga yetadi.

Bog'chamizdan uyimizgacha 4 ta tarafdan yo'l bor ekan. Katta yo'ldan tashqari.

2. Bir narsa haqida ko'p gapirgan odam ayni shu narsada no'noq bo'lishi mumkin ekan. Davoga amal mos tushishi kerak.

Qamoqxonadagi inson ozodlik haqida ko'p gapiradi.

3. Sen bilgan dushman bilmagan dushmandan yaxshiroq ekan.

4. Har kuni 10 daqiqa qorong'u xonada ko'zni yumib fikr qilish qayerga qarab ketayotganigizni aniqlab beradi.

Qayerga, qanday, nima uchun degan savollar va o'zingizni anglashingizga yordam beradi.

Buni Ilmiy tilda - introspeksiya deyiladi. Oddiy, lekin ta’sirchan usul.

Muhammad Amin Naziraliyev

@mnshuz

Xolis amal

Qilingan xolis amalning orqasidan o'zining jinsidan sinov keladi. Tushuntiraman:

Siz bir insonga doimiy yordam berib yuribsiz, keyin sizni orqangizdan yomonlayotganini eshitasiz.

Ana shu yerda "Unga qancha yaxshilik qilgan edim, yaxshilikni bilmadi nomard" deysiz.

Shu yerda ish xabada bo'ladi. Chunki sinovdan o'ta olmadingiz.

Bu amalni kim uchun qilgan edingiz, u odam maqtashi uchunmi yoki xolismi?

Javob qaytarayotganingizda ma'lum bo'ladi.

Amallar ham dargohga ko'ratilishi uchun oldin xolisligi tekshiriladi.

Bir ish qilmoqchimisiz niyatingizga nazar tashlang.

Amalingizni aslida kim uchun qilayotganingizni so‘nggi marta qachon o‘zingizdan so‘ragansiz?

Muhammad Amin Naziraliyev

@mnshuz

Statuslar o'yini

Yoshligidan boshlab atrofdagilarni u haqida fikri muhim deb biladi, yoqishga harakat qiladi. Yoqish uchun o'zi yoqtirmagan va keraksiz ishlarni qilishga o'tadi.

Unda na mashina, na tuzukroq telefon bor edi. Keyin pul topishi yaxshilanishi bilan bu qarashlar o'zgardi, birinchi eng yaxshi telefon keyinchalik mashina ham oldi.

Endi esa mashinasini yana ham yaxshilamoqchi. Sababi turli bahonalar bilan ehtiyoj degan soxta fatvoni orqasiga yashirinmoqchi.

Keyin uylar, eng yaxshi uy, kiyimlar, restoranlar, kompyuter, ko'zoynak, soat, xatto borib-borib soyabon ham.

Oddiy soyabon ham status ramziga aylanganini ko‘rish g‘alati.

Siz ham bir kun status o'yini qurboni bo'lasiz. Faqat qachon tushunib yetishingiz muhim, pulingiz va vaqtingizni asrab qoladi.

Kamina shunday insonlar bilan yashaymanki, daromadi oshsa ham o'ziga xarajati oshmaydigan lekin ehsoni ko'payadi. Bu insonlarni maqsadi faqatgina katta boy bo'lish emas balki jamiyatga katta qiymat berish.

Haqiqiy muvaffaqiyat ichki xotirjamlik va atrofdagilarga foyda keltirish bilan o‘lchanadi.

Muhammad Amin Naziraliyev

@mnshuz

Shira yemaslik marafoni

Bugun shira yemaslik marafonini 36-kuniga keldim. Olayotgan foydalarim:

1. Yosh boladek xursand bo'lib ketyapman. Demak bir ishni ushlasam bemalol oxiriga yetkaza olar ekanman. Faqat ozgina turtki kerak ekan xolos.

2. Kayfiyatim yaxshilandi. Faqatgina shirinlik uchun kayfiyat buzilishlar o'tib ketdi.

3. Ovqatdan keyin tanam shirinlik talab qilmay qo'ydi.

4. Vaznimda o'zgarish yo'q, balki qish bo'lgani uchundir.

5. Uyqim chuqurroq va sokinroq bo'lmoqda. Lekin buni yaxshi va yomon taraflari ko'rinib qolyapti.

6. Anglab yetdim, shirinlikni bemalol meva va sabzavotlarga almashtirsak bo'lar ekan.

"Tadbir ishonchning asosidir" deb bekorga aytishmagan ekan.

Muhammad Amin Naziraliyev

@mnshuz

2025-yil

Ertani kutayotganlar. Qaroringizni hurmat qilgan holda, ertangi kunidan boshlaydigan ishlaringizga quyida yozilgan tavsiyalarni qo'shib qo'ysangiz foydadan holi bo'lmaydi:

1. Erta turing.

Vaqt yetmasligi va ishlaringizdagi unumni har xil joylardan qidirmang.

Xotiringizni jam qiling. Shunchaki ko'p ishlaringizni ertalabga rejalang.

2. Ko'p yuring.

Yurish nafaqat sog'lom qiladi balki fikrlar kelishi va tafakkurni oshiradi.

Suhbatga ham mazmun bag'ishlaydi. Vazn to'plamaysiz ham.

3. Yozing.

Yozish haqida ko'p yozildi va yozishdi o'qib olarsizlar.

4. Kitob o'qing.

Endi vaqti kelgandir.

Muhammad Amin Naziraliyev

@mnshuz

Marg'ilon gaplari

Odatdagi gaplarimiz ajoyibda.

1. Hamidjonaka uyga kirsinlar choy tayyor.

2. O'xshatasizda! O'xshatmasilla!

3. Qimirlab turibmiz, rizqimizni terib. Bir chekkada yuribmiz, birovdan oldin birovdan keyin.

4. Bizni ko'rgani kelibsiz. Qarang, kecha sizni eslab turgandik.

5. Hojidadam yaxshimilar?

6. G'iybat basu oma .... . Betigayam ayto'raman.

7. Ko'rishib turaylik uzoqlashib ketmadan.

8. Bizga nima xizmat endi?

Yuqoridagi gaplar odatiy gaplar bo'lsada odamni qalbiga iliqlik olib kiradi. Xo'mrayib salomlashishdan yaxshiroq.

Yana bilasizmi?

Muhammad Amin Naziraliyev

@mnshuz

Yo'llar

Boshqaruv va rahbarlar guruhiga taklif qilib, qo'shib qo'yishdi. Qarab chiqsam eng kami qo'lida 40 tadan kam bo'lmagan xodimlari bor insonlar.

Hammalari birma-bir o'zlarini tanishtirib chiqishdi. Ko'rib chiqsam deyarli 90% izida shaxsiy blogi bor. Yozadi.

1. Xulosa qildimki, yozing. Yozsangiz ochiladi. Keng foydasi bor.

2. Obunachilarni qo'ying. Bu dunyoda eng muhim auditoriya – sizni yaxshi ko’radigan va qadrlaydigan insonlardir. Ota-ona, ustoz va do’stlarning o’zi kifoya.

3. Farazan 5k obunachingiz bor, maslahat so'rashyapti. Bera olmaysizku. Nima qilasiz obunachilarni ko'paytirib.

4. Fikr keldimi yozing, maqsadlar, kuzatganlaringiz, qiziqarli jarayonlar, tajribalar.

5. 6 oydan keyin yozganlaringizni o'qisangiz kulasiz lekin ancha o'sgan bo'lasiz.

Bir narsaga erishishning yo'li deyarli bir xil. Faqat qiyinchiligi bor xolos.

Jang maydonidan qochmagan ertami kechmi g'alaba qozonadi.

Muhammad Amin Naziraliyev

@mnshuz

Maqola yozish qiyinmi?

Post yozishda fikr kelganda vaqt bo'lmaydi, vaqt topilganda fikr kelavermaydi.

Menda ancha vaqtdan beri shunday edi. Lekin ozgina bo'lsada mashaqqatni yengish chorasini topgandayman.

1. Qayerda yozish uchun mavzu kelsa hech bo'lmasa mavzusini yozib qo'yaman.

2. O'sha mavzu bo'yicha olingan bilimlarni eslab fikrdan o'tkazib turiladi.

3. Yozishga yaqin mavzuning fikrlar bayoni ketma-ketlikda tartiblanadi.

4. Yozishga qunt qilib o'tirib yoziladi.

5. Keyin yana qayta eng kami 10 marta o'qiladi. Fikrlarni oson usulda yetkazib berishga ahamiyat beriladi.

Imloviy xatolarni ko'rib chiqiladi. Undan ham murakkabrog'i gap to'g'ri tuzildimi va so'zlarni munosibi qo'yildimi, bir so'z o'rnida va ikki marta qo'llanilmadimi?

Kelgan fikrni tezlikda yozib post qilishga uyalaman. Uyaling!

Muhammad Amin Naziraliyev

@mnshuz

Hayotda ham shundaymizmi?

Challenge yaxshi narsa, ayniqsa to'xtatib qo'ysangiz atrofdagilarni siz berayotgan dakkilari yana o'sha marafonni boshlab yuborishga sabab bo'ladi.

Ot minish marafonini to'xtatib qo'ydim. To'xtatganim haqiqat.

Faqat kaminaga qiyin bo'layotgani sovuq tushib sog'lig'imda muammo bo'lishidan qo'rqyapman. Atrofdagilar sovuq havoda sog'lig'imda jiddiy muammo bo'lib qolishini yaxshi bilishadi.

Erta turish esa o'tgan gal yozganimdek bizda qish kunlari faqat yotoqxona va kerakli uylari isitiladi. Shuning uchun.

Lekin erta turish yoki dars qilish hayotimizning ajralmas qismi.

Xullas, jiddiy bahonalar bilan bahordan ko'rishguncha Ot minish va erta turish marafoni.

Shira yemaslik esa juda yaxshi ketyapti. 26-kuniga keldim.

Qo'limizdagi qalam va hayotimiz bir shaklda.

Muhammad Amin Naziraliyev

@mnshuz