QURILISH VA UY-JOY KOMMUNAL XO'JALIGI VAZIRLIGI

📹#Onlayn
#Tungi_nazorat

Sir emaski, ko’p qavatli uyda istiqomat qiluvchi aholi qulayligi va xavfsizligi ushbu uylarga xizmat ko’rsatuvchi boshqaruv tashkilotlariga bog’liq. Shu ma’noda ular faoliyatini nazorat qilish va xalq oldidagi mas’uliyatini oshirib borish zarur. Ayniqsa, qishning sovuq kunlarida boshqaruv tashkilotlari hushyorlikni o’n karra kuchaytirishi shart.

🏘 Ushbu maqsadda Qurilish va uy-joy kommunal xo’jaligi vaziri o’rinbosari Ozoda Jo’rayeva tomonidan tungi nazorat tadbirlari tashkil etilib, joylarda BSKlar faoliyati o’rganilmoqda.

“Sifatli tezkor lider” BSK bugun Mirobod tumanidagi 36 ta uyga xizmat ko’rsatib keladi. Vazir o’rinbosari mazkur kompaniyaning faoliyati, murojaatlarni qabul qilish tartibi, aholi muammolari yechimidagi tahlillar, boshqaruv tashkilotining moddiy-texnika bazasi bilan tanishdi. Ko’p qavatli uylar holati o’rganilib, aholi bilan suhbatlashildi. Ularning muammolari qabul qilindi.

Ta’kidlanganidek, boshqaruv tashkiloti faqatgina aholidan tushadigan mablag’lar emas, balki qo’shimcha servislar tashkil etish orqali daromadini oshirmas ekan, bugungi raqobat maydonida ortda qolib ketishi mumkin.

- Bugun kompaniyalarga tadbirkorlikni rivojlantirish uchun shuncha sharoitlar yaratilgan. Biz bu imtiyozlarga osonlik bilan yetib kelmadik. Yillar davomida e’tiborsiz qolgan soha hozirda yurtboshimiz tomonidan alohida e’tiborga olinayotgani katta motivatsiya, - dedi Ozoda Jo’rayeva.

O’rganishlar so’nggida vazir o’rinbosari ish samaradorligini oshirish yuzasidan mas’ullarga zarur topshiriqlar berdi. Aholining issiqlik bilan bog’liq muammosi tegishli tashkilotlar bilan hamkorlikda hal etilishi ta’kidlandi.

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|