​​Мажбурий ижро бюроси Фарғона вилояти бошқармаси ва унинг ҳудудий бўлимлари томонидан банклар фойдасига ундирув билан боғлиқ ижро ҳужжатларининг ижроси юзасидан бир қатор ишлар амалга оширилмоқда.

Хусусан, жорий йилнинг ўтган даврида иш юритувга банк ундирувлари бўйича жами 188,5 млрд сўмлик 3.574 та ижро ишлари келиб тушган бўлиб, шундан 3.405 та 120,4 млрд сўмлик ижро ҳужжатларининг ижроси тамомланган.

Шунингдек, 25,9 млрд. сўмлик 72 та гаровдаги мулклар аукцион савдосига чиқарилди ҳамда банклар фойдасига ундирув амалга оширилди.

Мисол учун, Тошкент туманлараро иқтисодий судининг ижро варақасига асосан қарздор корхонадан "Миллийбанк" ТИФ фойдасига 6,7 млрд. сўм ундириш белгиланган бўлиб, вилоят бошқармаси томонидан ижро ҳаракатлари олиб борилиб, қарздор жамиятга тегишли "Пластмасса маҳсулотларини ишлаб чиқариш бино иншоотлари" хатлаб қўйилди. Ҳозирда бино 4, 4 млрд сўм қиймат билан электрон онлайн-аукцион савдосига чиқарилган.

Бу борадаги ишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook