Jizzax shahri "Qassoblik" MFY hududidagi 56-ko‘p qavatli uy hamda 2-sonli oilaviy shifokorlik poliklinikasida kapital ta’mirlash ishlari olib borildi. Ushbu ta'mirlash ishlari Jizzax viloyati hokimi v.b. Ulug‘bek Mustafoyev tashabbusi bilan tashkil etilib, ta’mirlash ishlari Jizzax viloyati hokimligi "Yagona buyurtmachi xizmati" DUK hamda viloyatning yirik pudrat tashkilotlari tomonidan hayriya hashari doirasida amalga oshirildi.

Ta’mirlash jarayonida ko‘p qavatli uyning fasadi yangilanib, kirish yo‘laklari obodonlashtirildi. Shuningdek, 2-sonli oilaviy shifokorlik poliklinikasida esa ichki ta’mirlash ishlari hamda jihozlash ishlari bajarilib, tibbiy xizmat sifatini yaxshilashga qaratilgan sharoitlar yaratildi.

Mahalliy aholi mazkur islohotlardan mamnunligini bildirib, qulay yashash va sifatli tibbiy xizmatdan foydalanish imkoniyati ortib borayotganini ta’kidlashdi.