Jizzax.Uz|Rasmiy kanal

Zafarobodda “Qandli proteinli ozuqa qo‘shimchalari bilan chorva mollarini oziqlantirishning texnologik usullarini ishlab chiqarish” loyihasi tijoratlashtirildi. Unga ko‘ra chorvachilik, parrandachilik va baliqchilik xo‘jaliklari uchun kuniga 10 tonna innovatsion omuxta-yem ishlab chiqarish yo‘lga qo‘yildi.

Chorvachilik va parrandachilik ilmiy-tadqiqot instituti olimlari bilan birgalikda amalga oshirilgan loyiha orqali chorva mollarini qandli proteinli ozuqa qo‘shimchalari bilan oziqlantirishning texnologik usuli joriy etildi.

Mahsulot yirik va mayda shoxli chorva mollarida mineral almashinuvining normallashuvi, sog‘lom nasl olish, rahitning oldini olish, go‘sht va sutning ozuqaviy qiymatini yaxshilash, ozuqa iste’molini kamaytirishga xizmat qiladi. Natijada fermaning rentabelligini oshirishmoqda.

Mazkur yemning mavjud chorvachilik yemlariga nisbatan ozuqaviylik darajasi 2 barobarga yuqori. Ichki bozordagi narxi o‘rtacha hisobda 3000 so‘mni tashkil etmoqda.

Joriy mavsumda BMB AGRO PLUS korxonasining issiqxonalarida agrotexnologiyalar so‘nggi yutuqlaridan samarali foydalanilmoqda. Issiqxonalarda mahalliy iqlim va tuproq sharoitiga mos, kasallik va zararkunandalarga chidamli, eksportbop navlar yetishtirilayotgani yuqori samaradorlikni ta’minlamoqda.

Ko‘chatlarni yetishtirishda ilmiy yondashuv va zamonaviy agrotexnikadan foydalanish jarayonida mahsulotning nainki soni, balki sifatiga ham e’tibor qaratilayapti. Tayyor ko‘chatlar belgilangan agrotexnik rejalarga muvofiq ravishda, o‘z vaqtida fermer xo‘jaliklariga yetkazib berilmoqda. Bu esa ekinlarning bir tekis va barqaror o‘sishiga, hosildorlikning yuqori bo‘lishiga hamda nihoyasida bozorda raqobatbardosh mahsulot yetishtirilishiga zamin yaratmoqda.

Korxona faoliyatida suv tejovchi texnologiyalarni joriy etishga ham alohida e’tibor qaratilgan. Yer unumdorligini oshirish, organik dehqonchilikni kengaytirish, tabiiy mineral o‘g‘itlardan foydalanish orqali atrof-muhitga zarar yetkazmasdan, ekologik toza mahsulot yetishtirish ustuvor vazifalardan biriga aylangan.

BMB AGRO PLUS tomonidan amalga oshirilayotgan ishlar nafaqat iqtisodiy, balki ijtimoiy ahamiyatga ham ega. Yangi ish o‘rinlari yaratish, qishloq aholisining bandligini ta’minlash, fermer xo‘jaliklariga amaliy maslahatlar berish, ularning moliyaviy barqarorligini mustahkamlash kabi ishlar doimiy ravishda olib borilmoqda.

🔹 1907-yil — mashhur amerikalik yozuvchi Jek London ikki ustunli kemada dunyo bo‘ylab sayohatga otlandi. Bu sarguzasht uning ijodiga yangi ilhom bag‘ishlagan edi.

🔹 1992-yil — Xitoy poytaxti Pekinda McDonald’s tarmog‘idagi o‘sha davr uchun eng yirik restoran ochildi. 700 kishilik ushbu maskan zamonaviy fast-fud madaniyatining Osiyodagi muhim bosqichiga aylandi.

🎉 Bugun tavallud topgan mashhur shaxslar:

🎀 1804-yil — balet san’atining zabardast yulduzi Mariya Taglioni dunyoga keldi. U baletda tutu libosi va punkt raqslarini joriy etib, bu san’at turini yangi bosqichga olib chiqdi.

🎀 1928-yil — bolaligida butun dunyoni o‘z jozibasi bilan zabt etgan amerikalik aktrisa Shirli Templ tug‘ildi. U hali yoshligida “Oskar” mukofotini qo‘lga kiritgan tarixdagi eng yosh san’atkor bo‘lib qolmoqda.

🎀 1954-yil — tanqidiy nigohi va ijtimoiy-siyosiy satiralari bilan tanilgan amerikalik hujjatli film rejissyori Maykl Mur tug‘ilgan. U o‘z asarlari orqali jamiyatdagi muhim muammolarni dadil tilga olgan.

Jizzax viloyati Oila va xotin-qizlar boshqarmasi, “Tadbirkor Ayol” xalqaro ishbilarmon ayollar assotsiatsiyasining Jizzax viloyat bo‘limi va Savdo-sanoat palatasi Jizzax viloyati hududiy boshqarmasi hamkorligida tashkil etilgan tumandararo faol tadbirkor ва hunarmand ayollar bilan uchrashuvlar bir haftadan buyon davom etmoqda.
‍
Jumladan:
📍Arnasoy tumani
📍Mirzacho‘l tumani
📍Do‘stlik tumani
📍G‘allaorol tumani
📍Sharof Rashidov tumani
📍 Jizzax shahrida uchrashuvlar bo'lib o'tdi.

Jumladan, 2024-yil 3 mayda O‘zbekiston Respublikasi Prezidentining “Pilla yetishtirish va ipakchilik sohasida bozor mexanizmlarini joriy qilishni jadallashtirish bo‘yicha qo‘shimcha chora-tadbirlar to‘g‘risida”gi Farmonida pilla yetishtirish va ipakchilik sohasini yangi bosqichga olib chiqish uchun ustuvor yo‘nalishlar belgilandi. Sohada investitsiya muhitini yaxshilash, xomashyo bazasini kengaytirish, ipak qurti urug‘i hajmini ko‘paytirish, pilla yetishtiruvchilarni qo‘llab-quvvatlash, yangi ishlab chiqarish quvvatlarini ishga tushirish orqali sohadagi bandlikni ikki barobarga oshirish, bozor mexanizmlarini jadallashtirish vazifalari belgilandi.

O‘tgan yili “O‘zbekipaksanoat” uyushmasi tarkibidagi viloyatimizning pillani qayta ishlash korxonalari tomonidan 6 million 341 ming AQSH dollarilik mahsulot Hindiston, Vyetnam, Ozarboyjon va Tojikiston Respublikasiga eksport qilindi.

—Joriy yilda viloyatimiz pillakorlari 16669 quti ipak qurti urug‘idan 1000 tonnalik xirmon yaratishni niyat qilishgan,—deydi viloyat “Agropilla” MCHJ rahbari Kenjaboy Kukanov. Buning uchun 6455 nafar fermer xo‘jaliklari, 1112 nafar kasanachilar bilan shartnomalar tuzilgan.

Bir qutida 19,5 gramm ipak qurti bo‘lib, undan sanoat uchun 50-55 kilogramm pilla olinadi. Agar bir kilogramm pilla uchun kasanachiga 40000 so‘mdan mehnat haqi to‘lanishini hisobga olsak, bir quti ipak qurtini parvarishlagan pillakor bir oyda ikki million so‘mdan ortiq daromad topishi mumkin.

So‘nggi yillarda respublikamizda pillachilik tarmog‘ini jadal rivojlantirishga doir qator qabul qilingan hukumat qarorlari hayotga izchil tatbiq etilayotir. Pilla xom ashyosini chuqur qayta ishlash, tarmoqqa to‘g‘ridan-to‘g‘ri xorijiy investitsiyalarni jalb qilishga alohida e’tibor qaratilmoqda. Shuningdek, bu yil bahor mavsumida viloyat bo‘yicha 6 million 404 000 tup tut ko‘chatlari yakka qatorlarga hamda qayta o‘zlashtirilgan tutzorlarga ekildi. Ipak qurtining ozuqa zaxirasini yaratish uchun yana 229,3 gektar maydonda mahalliylashtirilgan tut ko‘chati navlari parvarish qilinayotir.

Ayni paytda viloyatimizda mahalliy hamda Xitoy ipak qurti urug‘ini jonlashtirish ishlari olib borilmoqda.

♻️Arnasoy tuman 23 ta 👉🏼 (ko'rish)
♻️Baxmal tuman 17 ta 👉🏼 (ko'rish)
♻️G'allarol tuman 47 ta 👉🏼 (ko'rish)
♻️Sh.Rashidov tuman 41 ta👉🏼 (ko'rish)
♻️Do'stlik tuman 51 ta 👉🏼(ko'rish)
♻️Zomin tuman 35 ta 👉🏼(ko'rish)
♻️Zarbdor tuman 31 ta 👉🏼 (ko'rish)
♻️Mirzacho'l tuman 22 ta 👉🏼 (ko'rish)
♻️Zafarobod tuman 10 ta 👉🏼(ko'rish)
♻️Paxtakor tuman 12 ta 👉🏼(ko'rish)
♻️Forish tuman 10 ta 👉🏼 (ko'rish)
♻️Yangiobod tuman 10 ta 👉🏼 (ko'rish)
♻️Jizzax shahar 83 ta 👉🏼 (ko'rish)

📱+998992072608
📱+998992073608

Jizzax jamoat salomatligi texnikumida «Hamshira–2025” an’anaviy ko‘rik-tanlovining viloyat bosqichi o‘tkazildi.
Unda ishtirokchilar sohaga oid amaliy va nazariy bilimlari hamda ijtimoiy-siyosiy savodxonliklarini sinovdan o‘tkazdilar.

Yakuniy natijalarga ko‘ra,

🥇birinchi o‘rin - Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi Jizzax filiali hamshirasi Sevinchbonu Sattarova

🥈ikkinchi o‘rin - Paxtakor tuman ko‘p tarmoqli markaziy poliklinika patronaj hamshirasi Ulbo‘sin Abduqodirova

🥉uchinchi o‘rin - Respublika ixtisoslashtirilgan endokrinologiya ilmiy amaliy tibbiyot markazi Jizzax filiali reanimatsiya bo‘limi hamshirasi Nilufar G‘aybullayevaga nasib qildi.

Ko‘rik-tanlov g‘olibi Sevinchbonu Sattarova Respublika bosqichida viloyatimiz sharafini himoya qiladi.

🔹 1370-yil — Bastiliya qurilishi boshlandi.
🔹 1519-yil — Ernan Kortes Meksika qirgʻogʻiga qoʻndi va Verakrus shahriga asos soldi — Meksikada yevropaliklar tomonidan asos solingan birinchi shahar.
🔹 1793-yil — Jorj Vashington Inqilobiy Fransiyaga qarshi urushda AQSHning betaraflik deklaratsiyasini eʼlon qildi.
🔹 1969-yil — Xyustonda birinchi koʻz transplantatsiyasi amalga oshirildi.
🔹 1970-yil — Atrof-muhitni muhofaza qilish maqsadida Xalqaro Ona Yer kuniga bagʻishlangan ilk aksiya oʻtkazildi.

🎉 Bugun tavallud topganlar:

📚 1899-yil — Vladimir Nabokov — rus va amerikalik yozuvchi, shoir, tarjimon, adabiyotshunos ва entomolog.
🎬 1937-yil — Jek Nikolson — afsonaviy amerikalik aktyor, rejissyor, ssenariynavis ва prodyuser.
🎥 1986-yil — Ember Xerd — amerikalik aktrisa.

🌿 Bugun — tarix, ijod va tabiat uygʻunlashgan kun! Yaxshi kayfiyat va ezgu niyatlar doimo siz bilan boʻlsin, Jizzax ahli!

📍Sharof Rashidov tumanida Viloyat hokimi o‘rinbosari, Oila va xotin-qizlar viloyat boshqarmasi boshlig‘i Gulnora Normurodova tomonidan tadbirkor ayollar va tadbirkorlikni boshlash niyatida bo‘lgan xotin-qizlar bilan ochiq muloqot o‘tkazildi.

🔝 Mazkur uchrashuvda Sharof Rashidov tumani hokimi o'rinbosari Lola Mamayusupova, “Tadbirkor Ayol” assotsiatsiyasi viloyat rahbari Dilfuza Abdusattorova, Savdo-sanoat palatasi Jizzax viloyati hududiy boshqarmasi mas’ul xodimi Maftuna Ortiqova, Sharof Rashidov tumanidagi tadbirkor ayollar va tadbirkorlikni boshlash niyatida bo‘lgan xotin-qizlar ishtirok etdi.

Tadbirda:
▪️ Tuman ayol tadbirkorlarining duch kelayotgan muammo va to‘siqlari atroflicha o‘rganildi;
▪️Ularning taklif va tashabbuslari tinglanib, tegishli choralar belgilandi;
▪️Tadbirkorlik faoliyatini boshlash istagida bo‘lgan xotin-qizlarga amaliy maslahat va tavsiyalar berildi;
▪️Moliyaviy ko‘mak, kredit olish tartibi, huquqiy savodxonlik bo‘yicha tushunchalar berildi.

Shuningdek, muloqot davomida ayollar o‘z faoliyatlarida duch kelayotgan muammolarni ochiq bayon qilishdi, hamkor tashkilotlar esa ularni qo‘llab-quvvatlash va yechim topish bo‘yicha aniq reja va takliflar bilan chiqishdi.