Xabaringiz bor, amputantlar oʻrtssidagi Osiyo kubogida yurtimiz vakillari ishonchli harakat qilib, chempionlikni qoʻlga kiritgan edi. Ular orasida 3 nafar zominlik matonat sohiblari borligi barchamizni birdek quvontirdi.

Bugun Zomin shaharchasi markazida ushbu chempionlar tantanali tarzda kutib olindi.

Kubok egalarini kutib olish marosimida Zomin tumani hokimining birinchi oʻrinbosari Z. Omonqulov, Yoshlar ishlari agentligi masʼullari, "Inson" ijtimoiy xizmatlar markazi mutaxassislari, sport maktabi mutasaddilari, faol yoshlar, ommaviy axborot vositalari xodimlari, keng jamoatchilik vakillari ishtirok etdilar.

Tadbirda Z. Omonqulov soʻzga chiqib, chempionlarni barcha zominlik muxlislar nomidan qutladi hamda qimmatbaho esdalik sovgʻalari, sarpolarni tantanali ravishda topshirdi.

Matonat sohiblaridan tajribali himoyachi Nizomjon Mamasoliyev soʻzga chiqib, ushbu tadbir tashkilotchilari va mutasaddilarga minnatdorchilik bildirdi.