G‘allaorol tumani G‘ofur G‘ulom mahallasida qurilayotgan Stamotologiya binosi oldida obodonlashtirish ishlari olib borilib, to‘plangan chiqindilar chiqarib tashlangan hamda Olimlar, Baxt mahallasi tuman markazi aholisiga qulaylik yaratish maqsadida piyodalar erkin va xavfsiz temir yo‘l kesishmasidan o‘tishlari uchun ko‘prik qurilmoqda.

Olimlar mahallasida joylashgan "Olimlar" oilaviy shifokorlik punkti hududida obodonlashtirish ishlari amalga oshirilgan, bino hovlisida hojatxona uchun ajratilgan yerda chuqur kovlash ishlari olib borilmoqda hamda bino xonalariga kerakli jihozlar olib kelinib, hozirgi kunda hudud aholisiga xizmat ko‘rsatib kelmoqda.

Olimlar mahallasida joylashgan umumiy yotoqxona binosi hovlisida obodonlashtirish ishlari davom etmoqda.

Baxt mahallasi hududidagi Lalmikor ko‘chasida suv quviri yorilganligi sababli ta’mirlash ishlari olib borilgan bo‘lib, hozirgi kunda ta’mirlash ishlari yakuniga yetkazilgan.

Baxt mahallasi Baxt-2 ko‘chasida joylashgan 2-qavatli uylarning hojatxonasi yangidan qurilgan hojatxonadan foydalanishmoqda.

Ko‘p qavatli uylar atrofida obodonlashtirish ishlari olib borilib, hududga yashil makon dasturiga asosan mevali va manzarali daraxt ko‘chatlari ekilmoqda.

Baxt mahallasida joylashgan ko‘p qavatli uylardan chiqayotgan kanalizatsiya tizimi 2025-yilda Xalqaro Moliya instituti mablag‘lari hisobidan to‘liq ta’mirlash va qayta qurish ishlari amalga oshiriladi.

Baxt mahallasi hududidan o‘tgan 4R42 G‘allaorol-Qo‘ytosh-Angiqishloq avtomobil yo‘lining 4+500 kmdagi temir yo‘l kesishmasini kengaytirish maqsadida PQ-404-sonli qaror bo‘yicha eni 15 metr, 20 pogonametrli yo‘l o‘tkazgich, ikki yonidan piyodalarga qulaylik yaratish maqsadida piyodalar yo‘lagi hamda ushbu yo‘lakda quyosh paneli bilan jihozlangan ko‘cha yoritish ustunlari o‘rnatiladi.

Markaziy dehqon bozori hududi to‘liq obodonlashtirilib, bozor hududidagi irrigatsiya tarmoqlari chiqindilardan tozalangan.

Marjonbuloq shaharchasi hududidagi ko‘p qavatli uylarning atroflari obodonlashtirilib, mevali va manzarali ko‘chatlari ekilmoqda.

Hududdagi bolalar maydonchasi tartibga keltirilmoqda hamda hududdagi kanalizatsiya quvuri ta’mirlangan bo‘lib kovlangan chuqur ko‘mildi.

Guliston mahallasidagi Tibbiyot birlashmasiga qarashli tez tibbiy yordam shahobchasi hududida obodonlashtirish ishlari olib borilib, aniqlangan kamchiliklar bartaraf etilmoqda.