Shu munosabat bilan bugun boʻlib oʻtgan ochilish marosimida tuman hokimi Shavkat Darvishev, sektor rahbarlari, tuman faollari, nuroniylar hamda mahalla faollari ishtirok etishdi.

Marosimda soʻz olgan Shavkat Darvishev soʻnggi paytlarda mamlakatimizda mahalla tizimida olib borilayotgan islohotlar, jumladan, tumandagi 12 ta mahalla koʻrkam va zamonaviy maʼmuriy binolarga ega boʻlganini mamnuniyat bilan taʼkidladi.

Tumandagi Gʻafur Gʻulom mahalla binosi salkam 1 millliard soʻm mablagʻ evaziga qayta taʼmirlanib, moddiy texnik bazasi mustahkamlandi. Bu kabi ishlari “Paxtakormaxsussuvpudrat” MCHJ quruvchilari tomonidan qisqa fursatlarda amalga oshirildi.

Natijada “mahalla yettiligi” faoliyat koʻrsatishlari uchun barcha qulayliklar yaratildi.

Marosimda soʻzga chiqqan mahalla faoli Farxod Mamatqulov hamda tuman “Mahalla” uyushmasi rahbari Malika Qudratovalar binoni foydalanishga qabul qilinganidan mamnuniyat bildirishib, mahalla ahlini bugungi quvonchli kun bilan qutladilar.