Gʻallaorol tumanida istiqomat qilayotgan 2 nafar ota-ona qaramogʻidan mahrum boʻlgan bolalar uy-joy bilan taʼminlandi.

Topshirish marosimida tuman hokimning oʻrinbosarlari, tuman “Inson” ijtimoiy xizmatlar markazi xodimlari, tuman “Nuroniylar” jamgʻarmasi raisi hamda mahalla faollari ishtirok etishib, ota-ona qaramogʻidan mahrum boʻlgan bolalar uchun ajratilgan uylar kalitini oʻz egalariga topshirishdi.

Oʻz navbatida “kichik vatan”iga ega boʻlgan fuqarolarimiz Prezidentga ularning oʻy-tashvishlari yengillashganligi, mushkullariga yechim topilganligi uchun oʻz minnatdorchiliklarini bildirishdi.