Ҳудудда қандай ишлар амалга оширилмоқда?

“Обод маҳалла”, “Обод кўча” ва “Обод хонадон” дастури доирасида маҳаллада инфратузилмани яхшилаш, тозалаш ва таъмирлаш ишлари жадал олиб борилмоқда. Ҳокимга бу борада масъуллар томонидан бажарилган ишлар ва режалаштирилган лойиҳалар ҳақида батафсил маълумот берилди.

Ҳозирда ҳудудда:
✅ Ариқлар тозаланмоқда
✅ Икки қаватли уйларнинг томи ва фасади таъмирланмоқда
✅ Тандирхоналар қурилмоқда
✅ Ичимлик суви тармоғи янгиланмоқда
✅ Кўчаларга асфальт ётқизилмоқда
✅ Маиший хизмат кўрсатиш шохобчалари бунёд этилмоқда

Қурилиш ишлари назоратда.
Вилоят ҳокими мутасаддилар билан мулоқотда қурилиш ишлари кўламини кенгайтириш, зарур ашёларни ўз вақтида етказиб бериш ҳамда сифатга алоҳида эътибор қаратиш лозимлигини таъкидлади. Шунингдек, тумандаги тўртта маҳалла учун янги тракторлар топширилди, бу эса маҳаллий хўжалик ишларини янада самарали ташкил этишга ёрдам беради.

Аҳоли муаммолари тингланди
Ташриф доирасида вилоят ҳокими маҳалла аҳолиси билан учрашиб, уларнинг муаммолари ва таклифларини тинглади.

Аҳоли томонидан билдирилган мурожаатлар юзасидан мутасаддиларга тегишли топшириқлар берилди ва муаммоларни бартараф этиш чоралари кўрилди.

“Чўлигулистон” маҳалласида олиб борилаётган ишлар ҳудуднинг янада гуллаб-яшнашига ва аҳоли турмуш даражасининг ошишига хизмат қилади.” – деди вилоят ҳокими.

Ҳудуддаги таъмирлаш ва ободонлаштириш ишлари изчил давом эттирилади.