Jizzax viloyati hokimi

Жиззах шаҳри кун сайин обод ва гўзал қиёфа касб этиб бормоқда

Бу борада олиб борилаётган изчил ишлар, айниқса, сўнгги йилларда шаҳар кўринишини тубдан ўзгартирмоқда.

Давлатимиз раҳбари ташаббуси билан амалга оширилаётган “Яшил макон” Умуммиллий лойиҳаси доирасида ҳам Жиззах шаҳрида кенг кўламли ободонлаштириш ишлари амалга оширилмоқда.

Хусусан, Мустақиллик шоҳ кўчасига кириш ҳудуди бўйлаб 200 туп павлония манзарали дарахти ва 2 000 дона аччиқ гилос мевали дарахт кўчатлари экилиб, янги боғ барпо қилинди.

Ушбу кўча бўйлаб 35 минг туп шамшод бута кўчатлари, 187 минг дона райҳон ҳамда 74 мингга яқин турли хил гул кўчатлари экилди.

Таъкидлаш жоизки, Ислом Каримов шоҳ кўчасининг 13 километрга чўзилган ҳудудига райҳон уруғлари сепилди ва ҳозирда улар ниҳоллаб чиқмоқда.

Алишер Навоий кўчасига эса 810 туп ёввойи олча дарахти кўчатлари экилиб, ишлар тўлиқ якунланди.

Айни пайтда шаҳар ободонлаштириш бошқармаси томонидан Жиззах шаҳридаги барча кўчаларда тозалаш, ўт ўриш ва ободонлаштириш ишлари жадал суръатларда олиб борилмоқда.

2025 йил — "Атроф-муҳитни асраш ва Яшил иқтисодиёт йили" деб эълон қилинган бир даврда, шаҳар ободонлаштириш бошқармаси меҳнат жамоаси нафақат шаҳар ободлиги ва тозалигини таъминлаш, балки уни янада кўркамлашган яшил маконга айлантиришни ўз олдига асосий мақсад қилиб қўйган.

Зеро, шаҳримиз обод бўлса — юртимиз фаровонлиги, халқимиз ҳаёт сифати янада юксалади.

Ободонлаштириш ва кўкаламзорлаштириш ишларининг бундай кенг қамровда амалга оширилиши нафақат шаҳарнинг замонавий қиёфасини яратади, балки атроф-муҳитга ижобий таъсир кўрсатиб, экологик мувозанатни сақлашда ҳам муҳим ўрин тутади.

Павлония, шамшод, райҳон ва мевали дарахтлар нафақат ҳавонинг сифатини яхшилайди, балки иссиқ иқлим шароитида экологик барқарорликни таъминлаш учун муҳим манба ҳисобланади.

🇺🇿Каналга уланиш:
@jizzaxviloyatihokimi

Бахмал тумани мактабларида “Ота-оналар боғи” ташкил этилмоқда

Бахмал туманидаги умумтаълим мактабларида тарбиявий ва экологик йўналишдаги яна бир эзгу ташаббусга қўл урилди — “Ота-оналар боғи” ташкил этилмоқда.

Ушбу лойиҳа орқали таълим муассасалари ҳудудида ота-оналар иштирокида мевали ва манзарали дарахтлар экилади.

Бу фақатгина ҳудудларни кўкаламзорлаштириш эмас, балки болаларда табиатга меҳр, меҳнатсеварлик ва жамоавийлик туйғуларини шакллантиришга қаратилган.

Шунингдек, боғларнинг ҳар бир гўшасида ота-она ва фарзанд номидан ниҳоллар экилиб, уларни биргаликда парваришлаш амалиёти йўлга қўйилмоқда.

Бундай саъй-ҳаракатлар нафақат табиатга, балки мактаб ва ота-оналар ўртасидаги ҳамкорлик ришталарини янада мустаҳкамлашга хизмат қилади.

Аҳоли, маҳаллий ҳокимлик ва таълим муассасалари ўртасидаги ушбу ташаббус кенг жамоатчилик томонидан қўллаб-қувватланмоқда.

🇺🇿Каналга уланиш:
@jizzaxviloyatihokimi

Жиззах вилоятида Казан федерал университети билан ҳамкорлик алоқалари мустаҳкамланмоқда

Жиззах вилояти ҳокимлигида вилоят ҳокими вазифасини бажарувчи Улуғбек Мустафоев ҳамда Казан федерал университети ректори Ленар Сафин ўртасида учрашув бўлиб ўтди.

Мазкур учрашув икки томонлама ҳамкорликни янада ривожлантириш ва таълим соҳасида янги лойиҳаларни амалга ошириш мақсадида ташкил этилди.

Учрашув давомида Казан федерал университети ректори Ленар Сафин Жиззах шаҳридаги ушбу нуфузли олий таълим муассасасининг филиалини янада ривожлантириш бўйича таклифлар берди.

Жумладан, филиалда замонавий таълим дастурларини жорий этиш, илмий-тадқиқот фаолиятини кенгайтириш, профессор-ўқитувчилар малакасини ошириш ва талабалар учун амалиёт имкониятларини яратиш каби йўналишлар муҳокама қилинди.

Улуғбек Мустафоев томонидан ҳудудий аҳамиятга молик бундай ташаббусларни қўллаб-қувватлашга тайёр эканлиги билдирилди.

Шу билан бирга, вилоят ҳокимлиги томонидан филиал фаолиятини қўллаб-қувватлаш, моддий-техник базасини яхшилаш ва янги лойиҳаларни амалга ошириш учун зарур шарт-шароитлар яратилишида ҳамкорликка тайёр эканлигини қайд этиб ўтди.

Томонлар ўртасидаги мулоқот самимий ва конструктив руҳда ўтди.

Учрашув якунларига кўра, яқин келажакда қўшма лойиҳаларни амалга ошириш, профессор-ўқитувчилар ва талабалар ўртасида тажриба алмашиш, ҳамкорликда семинар ва конференциялар ўтказиш бўйича келишувга эришилди.

Мазкур ташриф Жиззах вилоятининг халқаро таълим масканлари билан алоқаларини кенгайтириш, илм-фан ва инновациялар соҳасида ҳамкорликни ривожлантириш йўлидаги муҳим қадамлардан бири сифатида эътироф этилмоқда.

🇺🇿Каналга уланиш:
@jizzaxviloyatihokimi

Жиззах шаҳри мактабларида «Ота-оналар боғи» ташкил этилмоқда

Жиззах вилоятида «Яшил макон» умуммиллий лойиҳаси доирасида вилоят ҳокими вазифасини бажарувчи Улуғбек Мустафоев ташаббуси билан бир қатор ижобий ишлар амалга оширилмоқда.

Хусусан, умумтаълим мактаблари ҳудудида ота-оналар иштирокида «Ота-оналар боғи» ташкил этиш ишлари йўлга қўйилди.

Ушбу эзгу ташаббус доирасида Жиззах шаҳридаги мактаблар атрофида мевали ва манзарали дарахт кўчатлари экилиб, ҳудуд янада обод ва файзли масканга айлантирилмоқда.

Мазкур боғлар нафақат мактаб муҳитига гўзаллик бахш этади, балки ўқувчиларда экологик маданиятни шакллантириш, табиатга меҳр туйғусини оширишда муҳим аҳамият касб этади.

Шу билан бирга, ота-оналарнинг мактаб ҳаётида фаол иштирок этишига туртки бериб, таълим муассасалари билан маҳаллалар ўртасидаги ҳамкорликни мустаҳкамлашга хизмат қилмоқда.

Бугунги кунда бу каби хайрли ишлар Жиззах шаҳридаги барча мактабларда изчил ва тизимли равишда амалга оширилмоқда.

Масалан, 29-умумтаълим мактабида ота-оналар ташаббуси билан 510 туп мевали дарахт кўчатлари экилиб, улар доимий парваришланмоқда.

Шунингдек, шаҳар бўйлаб 31 та умумтаълим мактабида мингдан зиёд мевали дарахт ҳамда 300 дан ортиқ манзарали дарахт мавжуд.

Яқинда ташкил этилган «Ота-оналар боғи»га 780 туп мевали дарахт экилиб, уларга тажрибали мутахассислар бириктирилган.

Маълумотларга кўра, Жиззах шаҳридаги барча 31 та мактаб ва 28 та мактабгача таълим ташкилотларида бундай боғлар ташкил этилган.

«Яшил макон – яшил келажак!» шиори остида давом этаётган ушбу ташаббуслар мамлакатимизда экологик барқарорликни таъминлаш, янги авлодда табиатга эҳтиром туйғусини шакллантириш йўлида муҳим қадам ҳисобланади.

🇺🇿Каналга уланиш:
@jizzaxviloyatihokimi

Жиззахда баҳор ўзгача тароват бағишламоқда

Бу ерда баҳор нафақат табиатнинг уйғониши, балки инсонлар қалбида ҳам умид ва шодликнинг янги даврини бошлаб беради.

Қишнинг совуқ сўнгги кунларидан сўнг, Жиззахнинг ҳар бир гўшасида ҳаёт қайта жонлана бошлади — гўё бутун табиат нафас олмоқда.

Шаҳар кўчалари бўйлаб юрсангиз, турфа рангдаги гуллар кўзга ташланади.

Дарахтлар янада ёрқин яшил тус олган, шамол уларнинг шивирлашида баҳор қўшиқларини ижро этмоқда.

Қушлар сайраши эса бу мусиқага оҳангдош бир таронадай туюлади. Ер юзида илк навқирон баҳорги ёмғир қатралари ишқ билан парранда учмоқда — ҳидидан баҳорнинг мусаффо нафаси сезилади.

Деҳқонлар далаларда сермаҳсул йил умидида тиришмоқда, боғбонлар эса мевали дарахтларга эҳтиёткорлик билан қараяпти.

Хар бир ғунча, ҳар бир барг — юртнинг ҳаётбахш баҳорини тарғиб этувчи бир рамздай.

Жиззахда баҳор — бу шунчаки фасл эмас, балки қалблар ва табиат уйғониши, янгиланиш, илҳом ва гўзалликнинг ҳақиқий мужассамидир.

🇺🇿Каналга уланиш:
@jizzaxviloyatihokimi

Жиззахдаги мактабларда «Яшил макон» умуммиллий лойиҳаси доирасида ота-оналар боғлари барпо этилмоқда

Юртимизда амалга оширилаётган «Яшил макон» умуммиллий лойиҳаси асосида жойларда ижобий ташаббуслар муваффақиятли давом эттирилмоқда.

Хусусан, вилоят ҳокими вазифасини бажарувчи Улуғбек Мустафоев ташаббуси билан умумтаълим мактаблари ҳудудида ота-оналар иштирокида боғлар ташкил этиш ишлари йўлга қўйилди.

Шундай эзгу ташаббусга Шароф Рашидов туманидаги 32-умумтаълим мактаби негизида янги ташкил этилган «Жасорат» мактабида ҳам гувоҳ бўлдик.

Мактаб ҳудудида «Ота-оналар боғи» барпо этилди.

Мазкур боғда мевали ҳамда манзарали дарахт кўчатлари экилиб, ҳудуд янада обод ва файзли масканга айлантирилди.

Ушбу боғ нафақат мактаб атрофига гўзаллик бахш этади, балки ўқувчиларда экологик маданиятни шакллантириш ҳамда табиатга меҳр туйғусини сингдиришда муҳим аҳамият касб этади.

Лойиҳа ота-оналарни мактаб ҳаётида фаол иштирок этишга ундаб, таълим муассасаси билан маҳалла ўртасидаги ҳамкорликни мустаҳкамлашга хизмат қилмоқда.

Бу каби ҳайрли ишлар туманнинг бошқа мактабларида ҳам тизимли йўлга қўйилган.

Хусусан, 15-умумтаълим мактабида ота-оналар томонидан 670 туп мевали дарахт кўчатлари экилиб, улар мунтазам парваришланмоқда.

Шунингдек, 19-умумтаълим мактабида мингдан зиёд мевали дарахт ҳамда 100 дан ортиқ манзарали дарахт мавжуд.

Янги ташкил этилган «Ота-оналар боғи»га 400 туп мевали дарахт кўчатлари экилган бўлиб, боғ назорати ушбу соҳада тажрибага эга мутахассисларга бириктирилган.

Маълумот ўрнида, Шароф Рашидов туманидаги мактабгача ва мактаб таълими ташкилотларининг 65 фоизида, яъни 47 та мактаб ва 8 та болалар боғчасида ана шундай «Ота-оналар боғлари» ташкил этилган.

«Яшил макон – яшил келажак!» шиори остида давом этаётган бу каби ташаббуслар мамлакатимизда экологик барқарорликни таъминлаш йўлида муҳим қадамлардан бири ҳисобланади.

🇺🇿Каналга уланиш:
@jizzaxviloyatihokimi

Дўстлик туманида 2025 йил ҳосили учун чигит экиш тадбирлари изчиллик билан амалга оширилмоқда

Дўстлик туманида 2025 йил ҳосилини таъминлаш мақсадида пахта чигити экиш ишлари жадаллик билан давом этмоқда. Жорий йилда тумандаги 380 нафар фермер хўжаликлари томонидан 12 800 гектар майдонда чигит экиш режаси белгилаб олинган.

Бугунги кунда ушбу тадбирлар махсус график ва тизим асосида ташкил этилган бўлиб, жойларда ишларни самарали ва оқилона ташкил этишга алоҳида эътибор қаратилмоқда. Чигит экиш ишларига фермер хўжаликлари ихтиёрида бўлган замонавий қишлоқ хўжалиги техникалари кенг жалб қилинган.

Жумладан, 52 та юқори унумли, 25 та оддий русумли жами 77 та хайдов техникаси, 310 та чопиқ трактори, 80 та чизел, 12 таси лазерли бўлган 50 та ер текислаш агрегати, 1904 та бароналар, 39 та минерал ўғит сепгич ҳамда 61 та пневматик чигит сеялкалари фаолият юритмоқда.

Мазкур техника ва механизмлар ёрдамида ҳар куни 1450-1500 гектар ер майдони экишга тайёрланиб, унда чигит экиш ишлари амалга оширилмоқда. Айни вақтгача туман бўйича 9201 гектар, яъни режанинг 71,9 фоизида чигит экиш якунланди.

Алоҳида таъкидлаш лозимки, жорий йилда деҳқонларимиз эски 90 схемали экиш усулидан воз кечиб, янги ва иқтисодий жиҳатдан самарали ҳисобланган 76х10 схемасига ўтмоқдалар. Бу эса экиш жараёнининг самарадорлигини ошириш, сув ва ресурслардан оқилона фойдаланиш имконини беради.

Пахтакорлар томонидан эса чигит сифатига алоҳида эътибор қаратилмоқда. Жумладан, чигит экишда хитойдан келтирилган серҳосил навлар билан биргаликда маҳаллий С-82/90, ҳамда истиқболли янги Барака ва Равнақ каби навлар танлаб олинган.

Хулоса қилиб айтганда, Дўстлик туманида 2025 йил ҳосили учун чигит экиш ишлари белгиланган тартибда, аниқ режа асосида амалга оширилмоқда. Бу эса келгусида юқори ҳосил олишга мустаҳкам замин яратмоқда.

🇺🇿Каналга уланиш:
@jizzaxviloyatihokimi

Жиззах шаҳридаги Марказий деҳқон бозорида кенг кўламли ободонлаштириш ишлари олиб борилмоқда

Жиззах вилояти ҳокимининг бевосита ташаббуси билан шаҳримиздаги Марказий деҳқон бозори ҳудудида сотувчи ва харидорларга бирдек қулайликлар яратиш мақсадида кенг кўламли таъмирлаш ва ободонлаштириш ишлари олиб борилди.

Бозорда ободонлаштириш ва кўкаламзорлаштириш ишлари доирасида «Яшил макон» умуммиллий лойиҳаси асосида 4000 дан ортиқ манзарали дарахт ва гул кўчатлари экилди.

Бу орқали нафақат эстетик кўриниш яхшиланди, балки экологик муҳит ҳам сезиларли даражада соғломлаштирилмоқда.

Шунингдек, илгари таъмирталаб ҳолатда бўлган сут ва гўшт маҳсулотлари савдо маркази ҳам тасдиқланган лойиҳа ҳужжатлари асосида бутунлай янгиланди.

Ушбу ишларга ўртача 1 миллиард сўм маблағ сарфланиши режалаштирилган бўлиб, таъмирлаш ишлари жорий йилнинг апрель ойининг охирига қадар якунланади.

Аҳолига қулай ва арзон нархларда озиқ-овқат маҳсулотлари етказиб бериш мақсадида бозорда 20 та савдо растасида арзонлаштирилган маҳсулотлар ярмаркаси ташкил этилди.

Ярмаркада асосан маҳаллий деҳқон ва фермер хўжаликларининг маҳсулотлари сотувга қўйилган бўлиб, нархлар бозордагига нисбатан 20–30 фоиз арзон этиб белгиланган. Савдо жараёни санитария қоидаларига тўлиқ риоя қилган ҳолда олиб борилмоқда ва бозор маъмурияти томонидан қатъий назоратга олинган.

Асосий ёпиқ савдо айвонининг том қисми капитал таъмирланди, алюбонд қопламалари ва қуёш ҳамда ёғингарчиликлардан ҳимоя қилувчи баннерлар тўлиқ янгиланди. Шунингдек, бозор ҳудудидаги 4500 квадрат метр майдонда таъмирлаш ишлари олиб борилиб, жойидан силжиган тош йўлаклар янгисига алмаштирилди.

Ҳудуддаги автобус бекати ҳам эътибордан четда қолмади – йўлаклар асфальтланиб, тунги ёритиш чироқлари ўрнатилди ҳамда бекат фойдаланувчилари учун бепул интернет тармоғи йўлга қўйилди.

Шубҳасиз, Марказий деҳқон бозорида амалга оширилаётган ушбу қурилиш, таъмирлаш ва янгиланиш ишлари нафақат харидорлар, балки савдогарлар ва тадбиркорлар учун ҳам бир қатор қулайликларни яратмоқда.

🇺🇿Каналга уланиш:
@jizzaxviloyatihokimi

Жиззах шаҳридаги Эски шаҳар деҳқон бозорида қурилиш ва таъмирлаш ишлари жадал суръатда давом этмоқда

Жиззах шаҳридаги Эски шаҳар деҳқон бозори ҳудудида ҳозирги кунда кенг кўламли қурилиш ва таъмирлаш ишлари олиб борилмоқда.

Мазкур ишлар Жиззах вилояти ҳокимининг бевосита ташаббуси билан амалга оширилмоқда.

Эски шаҳар деҳқон бозори ҳудудида мавжуд муаммоларга ечим топиш, сотувчи ва харидорлар учун қулай шарт-шароитлар яратиш мақсадида замонавий талабларга жавоб берадиган янги савдо расталари барпо этилмоқда.

Шу билан бирга, ҳудудда кенг кўламли таъмирлаш ва ободонлаштириш ишлари ҳам олиб борилмоқда.

Айни пайтда бозорда ободонлаштириш ва кўкаламзорлаштириш ишлари амалга оширилмоқда.

"Яшил макон" умуммиллий лойиҳаси доирасида 2000 та буталар ва 200 га яқин павлония турига мансуб манзарали дарахт кўчатлари экилди.

Шунингдек, ҳудуддаги фавворалар таъмирланиб, қайта ишга туширилди.

Бозор ҳудудидаги улгуржи озиқ-овқат савдо маркази ҳам замон талабларига мос равишда таъмирланмоқда.

Бозор ичидаги узунлиги 20 метр, эни 3 метр бўлган 3 та айвонда ҳам қурилиш ва таъмирлаш ишлари амалга оширилмоқда.

Илгари бу ерда сотувчилар қуёш ва ёмғирдан ҳимоясиз ҳолда, ноқулай шарт-шароитда савдо қилишга мажбур эдилар. Эндиликда эса улар учун барча қулайликларга эга махсус савдо расталари барпо этилмоқда.

Савдо расталари атрофига оқова сув тармоқлари учун кичик бетон ариқлар ҳам ўрнатилди.

Эътиборли жиҳати шундаки, энди сотувчилар маҳсулот турлари бўйича алоҳида жойларда савдо қилишади.

Бозор ҳудудидаги барча савдо расталарининг том қисми янги аликофон материаллари билан тўлиқ қопланди. Қурилиш ишлари якунлангач, бозорда 30 га яқин янги савдо жойлари яратилиши режалаштирилган.

Бундан ташқари, бозорнинг электр таъминотини яхшилаш мақсадида 40 киловаттлик қуёш панеллари ўрнатилди. Ҳозирда эса яна 60 киловаттлик қуёш панеллари учун махсус майдон тайёрланмоқда.

Авваллари бозордаги ички йўлаклар таъмирталаб ҳолатда бўлиб, ёзда чанг, қишда эса лой билан қопланган эди. Ҳозирда 1000 квадрат метр майдондаги йўлаклар асфальтланди ва улардан фойдаланиш хавфсизлиги таъминланди.

150 метр масофада оқова сув тармоғи учун бетон ариқлар ўрнатилди.
Бозор ҳудудида тунги ёритиш чироқлари ва янги баннерлар ҳам ўрнатилди. Шу билан бирга, ҳудудда жойлашган “Олтин Тож” хусусий авто шохбекати ҳам янгиланиш ишларидан четда қолмади.

Бекат раҳбари Асқар Азимов ташаббуси билан бу ерда ҳам кенг кўламли таъмирлаш ишлари амалга оширилди. Сув қувурлари ирригация тармоқларига уланиб, бетон ариқлар ётқизилди.

Эски шаҳар деҳқон бозорида ташкил этилган арзонлаштирилган озиқ-овқат ва қишлоқ хўжалиги маҳсулотлари савдо ярмаркасининг санитария талабларига мувофиқ фаолият юритиши бозор маъмурияти томонидан доимий назоратга олинган.

Айтиш жоизки, Эски шаҳар деҳқон бозорида амалга оширилаётган бу каби қурилиш, таъмирлаш ва пардозлаш ишлари нафақат харидорлар, балки сотувчилар ва маҳаллий тадбиркорлар учун ҳам катта қулайликлар яратаётгани шубҳасиз.

🇺🇿Каналга уланиш:
@jizzaxviloyatihokimi

Жиззах вилоятида Хитойнинг Чжэцзян провинцияси делегацияси қабул қилинди

Жиззах вилоятида хорижий ҳамкорлик алоқаларини ривожлантириш ва инвестициявий муҳитни янада яхшилаш мақсадида Хитой Халқ Республикасининг Чжэцзян провинцияси Савдо-саноат палатаси делегацияси расмий ташриф билан келди. Делегацияга мазкур палатанинг хусусий иқтисодиётнинг халқаро ҳамкорлиги бўлими котиби Ван Юйчэнь раҳбарлик қилди.

Ташриф доирасида делегацияни Жиззах вилояти ҳокими вазифасини бажарувчи Улуғбек Мустафоев қабул қилди. Учрашув доирасида икки томонлама ҳамкорликни янада кенгайтириш, инвестиция лойиҳаларини йўлга қўйиш ва мавжуд имкониятлардан самарали фойдаланиш борасида атрофлича фикр алмашилди.

Делегация таркибидан Хитойнинг саноат ва технология соҳасида етакчи бўлган 13 та йирик компания вакиллари иштирок этди. Улар қаторида:

Zhejiang Jiayi Biotechnology – биотехнология соҳасида фаолият юритувчи компания, Zhejiang Daoyuan Industrial Investment – саноат инвестициялари билан шуғулланувчи компания, Haitian Construction Group – қурилиш соҳасида етакчи холдинг, Chongqing Weilang Technology (Group) – юқори технологияларга ихтисослашган гуруҳ ва Jubo Industrial Technology (Hangzhou) ва бошқалар каби компаниялар бор.

Улар Жиззах вилоятининг саноат инфратузилмаси, технопарклари, логистика имкониятлари ва ишлаб чиқариш салоҳияти билан танишишдан манфаатдор эканини билдирди.

Учрашувда Ван Юйчэнь, аввало, самимий қабул учун миннатдорлик билдириб, Чжэцзян провинцияси ҳамда Жиззах вилояти ўртасидаги иқтисодий алоқалар йилдан-йилга ривожланаётганини таъкидлади. У, шунингдек, янги инвестиция лойиҳаларини йўлга қўйиш, қўшма корхоналар ташкил этиш ва технологиялар алмашинуви юзасидан аниқ таклифлар билан чиқди.

Ўз навбатида, Улуғбек Мустафоев делегация аъзоларига Жиззах вилоятида хорижий инвесторлар учун яратилган қулай шарт-шароитлар, солиқ ва божхона имтиёзлари, махсус иқтисодий зоналардаги имкониятлар ҳақида маълумот берди. Шунингдек, вилоятда амалга оширилаётган ривожланиш дастурлари, инфратузилмавий янгиланишлар ва саноатни локаллаштириш жараёнлари ҳақида ҳам сўз юритилди.

Учрашув якунлари бўйича томонлар ўзаро манфаатли ҳамкорликни янада кенгайтиришга келишиб олдилар. Жумладан, қишлоқ хўжалиги маҳсулотларини қайта ишлаш, қурилиш материаллари ишлаб чиқариш, соғлиқни сақлаш воситалари ҳамда биотехнология соҳасида қўшма лойиҳаларни амалга ошириш имкониятлари муҳокама қилинди.

Ушбу ташриф Жиззах вилоятининг халқаро миқёсдаги инвестициявий нуфузини янада оширишга хизмат қилиши шубҳасиз. Икки томонлама муносабатларнинг янада ривожланиши эса нафақат ишлаб чиқариш салоҳиятини ошириш, балки янги иш ўринларини яратиш, маҳаллий иқтисодиётни рағбатлантиришга ҳам хизмат қилади.

🇺🇿Каналга уланиш:
@jizzaxviloyatihokimi

Жиззахда яширин иқтисодиётга қарши курашиш масалалари муҳокама қилинди

Жиззах вилояти ҳокимлигида яширин иқтисодиётни қисқартириш, солиқ тушумларини ошириш ва давлат назорати механизмларини янада такомиллаштиришга қаратилган йиғилиш бўлиб ўтди.

Йиғилишга вилоят ҳокимининг биринчи ўринбосари Зафар Азимов ҳамда вилоят прокурори Бахтиёр Иброхимов раҳбарлик қилди.

Тадбирда Президентимиз томонидан имзоланган “Яширин иқтисодиётга қарши курашиш соҳасида давлат назорати механизмларини такомиллаштириш чора-тадбирлари тўғрисида”ги ПФ-11-сон ҳамда “Яширин иқтисодиётни қисқартириш ва солиқ органлари фаолияти самарадорлигини ошириш бўйича ташкилий чора-тадбирлар тўғрисида”ги фармонларнинг вилоятдаги ижроси муҳокама қилинди.

Йиғилишда "Яширин иқтисодиётни қисқартириш бўйича ҳудудий комиссия" аъзолари томонидан жорий йил давомида амалга оширилган ишлар юзасидан ҳисоботлар тингланди.

Ушбу ҳисоботлар таҳлили давомида йўл қўйилган камчиликлар танқидий кўриб чиқилди ҳамда уларни бартараф этиш юзасидан аниқ таклиф ва тавсиялар берилди.

Шунингдек, йиғилиш якунида тасдиқланган “Йўл харитаси” асосида 23 та устувор йўналишда белгиланган солиқ прогноз режаларини тўлиқ бажариш юзасидан мутасадди ташкилот ва идораларга аниқ вазифалар юклатилди.

Бюджет тушумларини ошириш, яширин даромад манбаларини аниқлаш ва қонунийлаштириш орқали иқтисодий тартиб-интизомни кучайтиришга алоҳида эътибор қаратилди.

Бу каби тизимли ва изчил чора-тадбирлар вилоятда қонунийликни таъминлаш, солиқ органлари фаолияти самарадорлигини ошириш ҳамда яширин иқтисодиётнинг олдини олишга хизмат қилади.

🇺🇿Каналга уланиш:
@jizzaxviloyatihokimi

Жиззах вилоятида 2025 йилги деҳқончилик мавсуми янгича технологиялар асосида бошланди.

Эндиликда пахта экиш жараёни илғор, илм-фанга асосланган усуллар билан амалга оширилмоқда.

Бу эса нафақат ҳосилдорликни, балки меҳнат унумдорлигини ҳам сезиларли даражада оширишга хизмат қилмоқда.

Ўтган йили вилоятимизда илк бор синов тариқасида Хитойда юқори натижалар бераётган “Xin Lu Zao-57” навли пахта экилди.

Олимлар томонидан бу нав Ўзбекистоннинг айниқса чўл ҳудудлари учун ниҳоятда мос деб топилди.

2024 йилда Мирзачўл тумани деҳқон ва фермерлари ушбу навдан юқори ҳосил олишга муваффақ бўлди. Натижада бу йил тумандаги 11 минг гектар пахта майдонининг 5610 гектарига айнан шу нав экилмоқда.

Янги деҳқончилик мавсумида қуйидаги илғор усуллар қўлланилмоқда, чигит плонка остига экилади, томчилатиб суғориш орқали озиқлантирилади, ўғитлар сув билан бирга бевосита илдизгача етказилади.

Бу усул ерда намликни узоқ сақлашга, тупроқ ҳароратини меъёрда ушлаб туришга ва ўсимликнинг соғлом ўсишига катта ҳисса қўшмоқда.

Ҳозирда мутахассислар мирзачўллик фермерлар билан бевосита ҳамкорликда иш олиб бормоқда. Улар мавсумнинг энг муҳим босқичларида фермерларга яқиндан кўмак бермоқда, зарур маслаҳатлар ва техник ёрдам билан таъминламоқда.

Мирзачўл далаларида об-ҳаво жуда қулай. Қуёшли кунлар пахта учун энг яхши шароитлардан бири. Шу боис экиш-тикиш ишлари аллақачон бошлаб юборилган.

🇺🇿Каналга уланиш:
@jizzaxviloyatihokimi