Жиззах шаҳридаги “Нурли маскан” мактаб-интернатида “Янги йил арчаси” байрам тадбири бўлиб ўтди

Янги йил байрамини айниқса, болажонлар интиқиб, ўзгача завқ-шавқ билан кутишади. Юртимизда барча байрамлар қатори Янги йилда ҳам жажжи ўғил-қизлар қувончига шерик бўлиш, совға-саломлар улашиш яхши анъанага айланган. Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги Алоҳида таълим эхтиёжлари бўлган “Нурли маскан” ихтисослаштирилган мактаб-интернатида болажонлар учун “Янги йил арчаси” байрами тадбири бўлиб ўтди.

Байрам тадбирида мактаб-интернат ўқувчилари устозлари билан биргаликда байрам учун тайёрланган шеърлар, куй ва қўшиқлар, эртакнамо саҳна кўринишларини ижро этиб болажонларга кўтаринки кайфият улашдилар. Тадбирда янги йил байрам совғалари болажонларга топширилди.